Parasailing In Goa | పారాసైలింగ్ చేస్తుండ‌గా తెగిపోయిన తాడు.. గోవా బీచ్‌లో టూరిస్ట్‌కు భ‌యాన‌క అనుభ‌వం

Parasailing In Goa | హాలిడేస్ వ‌చ్చాయంటే చాలు జ‌నాలు మ‌న‌దేశంలోని ప్ర‌ముఖ ప‌ర్యాట‌క ప్రాంత‌మైన గోవా (Goa)కు క్యూ క‌డుతుంటారు. అక్క‌డ బీచుల్లో ఎంజాయ్ చేస్తూ.. వాట‌ర్ యాక్టివిటీస్‌లో పాల్గొంటూ స‌ర‌దాగా టైమ్ స్పెండ్ చేస్తుంటారు. అలా ఓ టూరిస్ట్‌కు (Tourist) ఊహించ‌ని అనుభ‌వం ఎదురైంది. పారాసైలింగ్ (Parasailing) చేస్తుండ‌గా ఉన్న‌ట్టుండి పారాచ్యూట్ తాడు తెగిపోయింది. దీంతో ఆ ప‌ర్యాట‌కుడు స‌ముద్రంలో ప‌డిపోయాడు. ఈ ఘ‌ట‌న బాగా బీచ్ (Baga Beach) లో చోటు చేసుకుంది. ఇందుకు సంబంధించిన వీడియో సోష‌ల్ మీడియాలో వైర‌ల్‌గా మారింది.

ఆ వీడియో ప్ర‌కారం.. ఓ వ్య‌క్తి ఎంతో ఉత్సాహంగా పారాసైలింగ్ చేసేందుకు రెఢీ అయ్యాడు. అత‌ను గాల్లో ఉండగా పారాసైలింగ్‌, బోటు మధ్య ఉన్న తాడు అక‌స్మాత్తుగా తెగిపోయింది. దీంతో స‌ద‌రు టూరిస్ట్ స‌ముద్రంలో ప‌డిపోయాడు. అయితే, ఆ స‌మ‌యంలో అత‌ను లైఫ్ జాకెట్ ధ‌రించి ఉండ‌టంతో ప్రాణాపాయం త‌ప్పింది. అక్క‌డే ఉన్న సిబ్బంది వెంట‌నే అత‌న్ని ర‌క్షించారు. ఈ ఘ‌ట‌న గోవాలో అడ్వెంచర్ స్పోర్ట్స్ భద్రతపై మ‌రోసారి ఆందోళ‌న రేకెత్తిస్తోంది. ఈ ఘటనపై గోవా పర్యాటక శాఖ విచారణకు ఆదేశించింది. విచార‌ణ అనంత‌రం నిర్ల‌క్ష్యంగా వ్య‌వ‌హ‌రించిన వారిపై క‌ఠిన చ‌ర్య‌లు తీసుకోనున్నారు.

Also Read..

ఓటు వెయ్యి.. హ‌ల్వా తీసుకో.. వినూత్న కార్య‌క్ర‌మానికి శ్రీ‌కారం చుట్టిన ఈసీ

తెలంగాణ నీటి కేటాయింపుల్లో రాజీ ప‌డం: మంత్రి జూపల్లి

స్టాక్ బ్రోక‌ర్ల‌కు నిబంధ‌న‌లు మ‌రింత క‌ఠిన‌త‌రం.. త‌క్ష‌ణ లిక్విడిటీపై ప్ర‌భావం చూపే అవ‌కాశం..