TMC | టీఎంసీలో కొన‌సాగుతున్న రాజీనామాల ప‌ర్వం.. మ‌రో ఎంపీ రిజైన్‌

TMC | తృణ‌మూల్ కాంగ్రెస్ (TMC) పార్టీలో రాజీనామాల ప‌ర్వం కొన‌సాగుతోంది. ఇప్ప‌టికే ఇద్ద‌రు ఎంపీలు రాజ్య‌స‌భ స‌భ్య‌త్వానికి రాజీనామా చేయ‌గా.. ఇప్పుడు మ‌రో ఎంపీ (Rajya Sabha MP) కూడా అదేబాట ప‌ట్టారు. ఎంపీ ప్రకాష్ చిక్ బరైక్ (MP Prakash Chikbaraik) పార్టీలోని అన్ని ప‌ద‌వుల‌తోపాటూ ఎగువ స‌భ స‌భ్య‌త్వానికి రాజీనామా చేశారు. అయితే, త‌న రాజీనామా వెనుక ఎవ‌రి ఒత్తిడీ లేద‌ని ఈ సంద‌ర్భంగా బ‌రైక్ స్ప‌ష్టం చేశారు.

ఇటీవలే రాజ్యసభకు సుస్మితా దేవ్ (Sushmita Dev), దీదీకి అత్యంత నమ్మకస్థుడుగా పేరొందిన‌ సుఖేందు శేఖర్ రాయ్ (Sukhendu Sekhar Roy) రాజీనామా చేయగా నేడు ప్రకాష్‌ సైతం రిజైన్ చేయడంతో వారంలోనే టీఎంసీ రాజ్యసభ సభ్యుల రాజీనామాల సంఖ్య మూడుకు చేరింది. చిక్‌బరైక్ రాజీనామాతో రాజ్యసభలో ఆ పార్టీ బలం 10కు త‌గ్గింది. రాబోయే వారం రోజుల్లో మ‌రో ముగ్గురు టీఎంసీ రాజ్య‌స‌భ ఎంపీలు కూడా రాజీనామా చేసే అవ‌కాశం ఉన్న‌ట్లు తెలిసింది. ఇదిలా ఉండ‌గా.. అటు దిగువ స‌భ‌లోనే 20 మంది టీఎంసీ రెబ‌ల్ ఎంపీలు ఎన్డీయేకు మ‌ద్ద‌తు ప్ర‌క‌టించారు. అంతేకాదు, జాదవ్‌పూర్ లోక్‌సభ ఎంపీ (Trinamool MP) సాయోని ఘోష్ (Saayoni Ghosh) సైతం రెబ‌ల్ వ‌ర్గానికి మ‌ద్ద‌తుగా సంత‌కం చేశారు.

Also Read..

ఖ‌మ్మంలో భారీ చోరీ.. కోటి విలువైన సెల్‌ఫోన్లు ఎత్తుకెళ్లిన దొంగ‌లు

తెలంగాణలో ఇంటర్ సప్లిమెంటరీ ఫలితాలు విడుదల

ఉప్పల్ భ‌గాయ‌త్ భూములు స్వాధీనం చేసుకుంటాం