Dharmapuri Arvind | నిధులు లేవంటున్న సీఎంకు భిక్షాటన సొమ్ము పంపిస్తం

• మాధవనగర్‌ ఫ్లైఓవర్‌ పనులు వేగవంతం చేయాలి
• రాష్ట్ర ప్రభుత్వం నిధులు విడుదల చేయాలి
• కేంద్రం వాటా రెండు రోజుల్లోనే చెల్లిస్తాం
• నిజామాబాద్ ఎంపీ ధర్మపురి అర్వింద్‌

Dharmapuri Arvind | మాధవనగర్‌ ఫ్లైఓవర్‌ నిర్మాణ పనులను వేగవంతం చేయాలని బీజేపీ ఎంపీ అర్వింద్‌ ధర్మపురి డిమాండ్‌ చేశారు. రాష్ట్ర ప్రభుత్వం తన వాటా నిధులను విడుదల చేయకపోవడంతోనే పనులు నత్తనడకన సాగుతున్నాయని ఆరోపించారు. నిజామాబాద్‌ పార్లమెంట్‌ నియోజకవర్గ పరిధిలో తొమ్మిది ఆర్వోబీ, ఆర్వీయూబీ ప్రాజెక్టులకు అనుమతులు మంజూరయ్యాయని తెలిపారు. వీటిలో ఎనిమిది ప్రాజెక్టులకు కేంద్ర ప్రభుత్వమే 100 శాతం నిధులు సమకూరుస్తోందని, మాధవనగర్‌ ఫ్లైఓవర్‌కు మాత్రమే కేంద్ర, రాష్ట్ర ప్రభుత్వాలు చెరో 50 శాతం నిధులు కేటాయించాల్సి ఉందని వివరించారు. ఆర్వోబీకి నిధులు విడుద‌ల చేయ‌డంలో ఉద్దేశ‌పూర్వ‌కంగానే జాప్యం చేస్తోంద‌ని ఆరోపిస్తూ బీజేపీ మంగ‌ళ‌వారం భిక్షాట‌న‌తో పాటు నిర‌స‌న దీక్ష నిర్వ‌హించింది.

కార్య‌క్ర‌మంలో బీజేపీ శాస‌న‌స‌భాప‌క్ష నేత ఏలేటి మ‌హేశ్వ‌ర్‌రెడ్డి, నిజామాబాద్ అర్బ‌న్ ఎమ్మెల్యే ధ‌న్‌పాల్ సూర్యానార‌య‌ణ‌, ఆ పార్టీ జిల్లా అధ్య‌క్షుడు దినేశ్ కులాచారి, జాతీయ పసుపు బోర్డు చైర్మన్ పల్లె గంగారెడ్డి, రాష్ట్ర అధికార ప్రతినిధి స్రవంతిరెడ్డితో పాటు ఎంపీ అర్వింద్ హాజ‌ర‌య్యారు. ఈ సంద‌ర్భంగా ఆయ‌న మాట్లాడుతూ మాధవనగర్‌ ఫ్లైఓవర్‌ జాతీయ రహదారిని నిజామాబాద్‌ పట్టణంతో అనుసంధానించే కీలక ప్రాజెక్టు అని పేర్కొన్నారు. రాష్ట్ర ప్రభుత్వ రోడ్లు, భవనాల శాఖ పనులు పూర్తి చేసి బిల్లులు సమర్పించిన వెంటనే కేంద్రం తన వాటా నిధులను రెండు రోజుల్లోనే విడుదల చేస్తోందన్నారు. అయినప్పటికీ రాష్ట్ర ప్రభుత్వం తన వాటా నిధులు ఇవ్వకపోవడం వల్లే పనులు ముందుకు సాగడం లేదని విమర్శించారు. ఈ ఫ్లైఓవర్‌ నిర్మాణాన్ని ఏడాదిలో లేదా ఏడాదిన్నరలో పూర్తి చేయాల్సి ఉండగా, గత నాలుగేళ్లుగా పనులు అత్యంత నెమ్మదిగా సాగుతున్నాయని అర్వింద్‌ ఆవేదన వ్యక్తం చేశారు.

గత బీఆర్‌ఎస్‌ ప్రభుత్వ హయాంలో నిర్లక్ష్యానికి గురైన ఈ ప్రాజెక్టును ప్రస్తుత ప్రభుత్వం కూడా పట్టించుకోవడం లేదని ఆరోపించారు. రైల్వే ట్రాక్‌పై చేపట్టాల్సిన పనులను రైల్వే కాంట్రాక్టర్‌ 100 శాతం పూర్తి చేశారని, ఇక రాష్ట్ర ప్రభుత్వం తన వాటా నిధులు విడుదల చేసి మిగిలిన పనులను వేగంగా పూర్తి చేయాలని డిమాండ్‌ చేశారు. రాష్ట్రంలో నిధులు లేవని ముఖ్యమంత్రి చెబుతున్న నేపథ్యంలో, తాము సేకరించిన మొత్తాన్ని ముఖ్యమంత్రికి పంపిస్తామని అర్వింద్‌ ధర్మపురి వ్యాఖ్యానించారు. మాధవనగర్‌ ఫ్లైఓవర్‌ నిర్మాణానికి అవసరమైన నిధులను వెంటనే విడుదల చేసి, ప్రజల రవాణా కష్టాలను తొలగించాలని డిమాండ్ చేశారు. తన వద్ద నిధులు లేవని ముఖ్యమంత్రి చెబుతున్నారని, అందుకే తాము సేకరించగలిగిన మొత్తాన్ని సీఎంకు పంపిస్తామని అర్వింద్‌ వ్యాఖ్యానించారు.

#WATCH | Nizamabad, Telangana: BJP MP Arvind Dharmapuri says, "In the Nizamabad Parliamentary constituency: Nine ROBs/RUBs (Road Over Bridges/Road Under Bridges) were sanctioned. Furthermore, eight out of these nine projects are 100% funded by the Central Government. Only one project—the one at Madhav Nagar, which connects the National Highway to Nizamabad town—is based on a 50-50 cost-sharing ratio. Regarding the Central Government’s share of the funding, whenever the State Government’s R&B (Roads and Buildings) Department completes work and submits a bill, the payment is released within two days. Despite this, the State Government is failing to release its share of funds for this crucial flyover. The project, which should have been completed within a year or a year and a half, was neglected by the previous KCR-led government, and the current government is neglecting it as well. For the past four years, the work has been progressing at an extremely slow pace. The work that was to be carried out by the railway contractor over the railway tracks is 100% complete. Now, the State Government needs to release its funds. They need to release the funds and expedite the work. This is our demand. The CM says he doesn't have funds, so we are going to send whatever money we’ve managed to collect to the CM."

— ANI (@ANI) October 27, 2026