Khammam | ఖ‌మ్మంలో భారీ చోరీ.. కోటి విలువైన సెల్‌ఫోన్లు ఎత్తుకెళ్లిన దొంగ‌లు

Khammam | త్రినేత్ర‌.న్యూస్‌: ఖమ్మం నగరంలో (Khammam) భారీ దొంగ‌త‌నం జ‌రిగింది. న‌గ‌రంలోని సోనోవిజన్‌ ఎలక్ట్రానిక్స్​ షోరూంలో (Sono Vision Showroom) పెద్ద సంఖ్య‌లో సెల్‌ఫోన్లు (Cell Phones) చోరీ చేశారు. గురువారం తెల్ల‌వారుజామున 3.30 గంట‌ల‌ సమయంలో కారులో వ‌చ్చిన దుండ‌గులు.. షట్టర్లకు వేసిన తాళాలను పగులగొట్టి లోపలికి ప్రవేశించారు. సుమారు రూ.కోటికి పైగా విలువైన 100కు పైగా సెల్​ఫోన్​లు అపహరించారు.

విజయవాడలో మోగిన అలారం 

అయితే షెట్ట‌ర్ల‌కు తాళాలు ప‌గ‌ల‌గొట్ట‌డంతో విజయవాడ సోనోవిజన్‌ ప్రధాన కార్యాలయంలో అలారం మోగింది. దీంతో వారు తమ సిబ్బందిని అప్ర‌మ‌త్తం చేశారు. వారు షోరూం వ‌ద్దకు చేరుకునేప్పటికే పని పూర్తి చేసుకున్న దొంగలు కారులో ప్రయాణం అవుతున్నారు. గ‌మ‌నించిన సిబ్బంది వారిని ప‌ట్టుకోవ‌డానికి ప్ర‌య‌త్నించారు. తప్పించుకున్న‌ దొంగలు వైరా వైపు వెళ్లిపోయారు.

పోలీసులు అప్ర‌మ‌త్తం

విష‌యం తెలుసుకున్న పోలీసులు ఘ‌ట‌నా స్థ‌లానికి చేరుకున్నారు. క్లూస్ టీం స‌హాయంతో ఆధారాలు సేక‌రించారు. షోరూంలో ఉన్న సీసీకెమెరాల ఫుటేజీల‌ను ప‌రిశీలిస్తున్నారు. ఖమ్మం పోలీస్ కమిషనర్‌ సునీల్​దత్ షోరూంని పరిశీలించారు. జిల్లాని అన్ని పోలీస్ స్టేష‌న్ల‌ను అప్ర‌మ‌త్తం చేసిన అధికారులు జిల్లా సరిహద్దుల్లో తనిఖీలను ముమ్మరం చేశారు.

ఖ‌మ్మంలో సోనో విజ‌న్ షోరూంలో భారీ చోరీ

రూ.2 కోట్ల విలువైన ఐ ఫోన్లు ఎత్తుకెళ్లిన దొంగ‌లు

కారులో వచ్చి దర్జాగా లూటీ

అలారం మోగడంతో అలర్ట్ అయిన సోనోవిజన్ సిబ్బంది

అడ్డుకోబోయిన వారి నుంచి తప్పించుకున్న దుండగులు

స్టాక్ వచ్చిన కొన్ని గంటల్లోనే దోపిడీ జరగడంపై పోలీసుల అనుమానం

ఘటనా… pic.twitter.com/k4ZkBgxUaD

— PulseNewsBreaking (@pulsenewsbreak) June 11, 2026