Train Hits School Van | ఘోర ప్ర‌మాదం.. స్కూల్ వ్యాన్‌ను ఢీ కొట్టిన రైలు.. ప‌లువురు మృతి

Train Hits School Van | ప‌శ్చిమ బెంగాల్‌లో (West Bengal) ఘోర రోడ్డు ప్ర‌మాదం చోటు చేసుకుంది. స్కూల్ వ్యాన్‌ను ప్యాసింజ‌ర్ రైలు ఢీ కొట్టింది (Train Hits School Van). ఈ ఘ‌ట‌న‌లో ఇద్ద‌రు విద్యార్థులు స‌హా ముగ్గురు ప్రాణాలు కోల్పోయారు. ఈ ఘ‌ట‌న ముర్షిదాబాద్ (Murshidabad) జిల్లాలోని క‌ర్ణ‌సువ‌ర్ణ రైల్వే క్రాసింగ్ (Karna Subarna station) వ‌ద్ద శుక్ర‌వారం ఉద‌యం 7 గంట‌ల ప్రాంతంలో చోటు చేసుకుంది.

పోలీసులు తెలిపిన వివ‌రాల ప్రకారం.. ఉదయం పాఠ‌శాల‌ల పిల్ల‌ల‌తో వెళ్తున్న వ్యాన్ తెరిచి ఉన్న రైల్వే గేట్ వ‌ద్ద ప‌ట్టాలు దాటుతుండ‌గా అక‌స్మాత్తుగా వ‌చ్చిన ఓ ప్యాసింజ‌ర్ రైలు బ‌లంగా ఢీ కొట్టింది. ఈ ఘ‌ట‌న‌లో ముగ్గురు ప్రాణాలు కోల్పోయారు. అందులో ఇద్ద‌రు పాఠ‌శాల విద్యార్థుల‌ని అధికారులు తెలిపారు. ఈ ఘ‌ట‌న‌లో ఓ సైక్లిస్ట్ స‌హా ప‌లువురు గాయ‌ప‌డ్డారు. స్కూల్ వ్యాన్ మొత్తం నుజ్జునుజ్జు అయింది.

స‌మాచారం అందుకున్న రైల్వే పోలీసులు హుటాహుటిన ఘ‌ట‌నాస్థ‌లికి చేరుకొని స‌హాయ‌క చ‌ర్య‌లు చేప‌ట్టారు. ఈ ప్ర‌మాదంపై అధికారులు ద‌ర్యాప్తు చేప‌డుతున్నారు. ఈ ప్ర‌మాదం కార‌ణంగా ఆ మార్గంలో రైళ్ల రాక‌పోక‌ల‌కు తీవ్ర అంత‌రాయం ఏర్ప‌డింది.

Also Read..

పిల్ల‌లను బావిలో తోసి.. ఆపై తానూ దూకి త‌ల్లి ఆత్మ‌హ‌త్య‌

భారీ లాభాల్లో స్టాక్ మార్కెట్లు.. ఐటీ స్టాక్‌లలో భారీగా కొనుగోళ్లు..

హైద‌రాబాద్‌లో బాలిక‌లు, మహిళలపై నానాటికీ పెరుగుతున్న నేరాలు..