Fire At Multi Storey Building | ఘోర అగ్నిప్ర‌మాదం.. ముగ్గురు చిన్నారులు స‌హా తొమ్మిది మంది మృతి

Fire At Multi Storey Building | ఢిల్లీ (Delhi)లో ఘోర అగ్నిప్ర‌మాదం చోటు చేసుకుంది. పాలం (Palam) ప్రాంతంలో ఓ భ‌వ‌నంలో పెద్ద ఎత్తున మంట‌లు చెల‌రేగాయి. ఈ ఘ‌ట‌న‌లో ముగ్గురు చిన్నారులు స‌హా తొమ్మిది మంది ప్రాణాలు కోల్పోయారు.

పోలీసులు తెలిపిన వివ‌రాల ప్ర‌కారం.. పాలం మెట్రో స్టేష‌న్ స‌మీపంలోని బ‌హుళ అంత‌స్తుల భ‌వ‌నంలో బుధ‌వారం ఉద‌యం 7 గంట‌ల ప్రాంతంలో ఈ అగ్నిప్ర‌మాదం సంభ‌వించింది (Fire At Multi Storey Building). క్ష‌ణాల్లోనే మంట‌ల తీవ్రత పెరిగింది. ఆ ప్రాంతంలో ద‌ట్టంగా పొగ క‌మ్మేసింది. ఈ ఘ‌ట‌న‌తో భ‌యాందోళ‌న‌కు గురైన స్థానికులు వెంట‌నే అధికారుల‌కు స‌మాచారం ఇచ్చారు.

https://x.com/PTI_News/status/2034127539275502030

ఘ‌ట‌నాస్థ‌లికి చేరుకున్న అగ్నిమాప‌క ద‌ళం 30 ఫైర్ ఇంజ‌న్ల‌తో మంట‌లు అదుపుచేసేందుకు తీవ్రంగా ప్ర‌య‌త్నిస్తోంది. బిల్డింగ్‌లోని నివాసితుల‌ను సుర‌క్షితంగా బ‌య‌ట‌కు తీసుకొచ్చేందుకు ప్ర‌య‌త్నిస్తోంది. ఈ క్ర‌మంలో ఓ ఇంట్లోని ముగ్గ‌రు పిల్ల‌లు స‌హా ఏడుగురిని ర‌క్షించి స‌మీపంలోని ఆసుప‌త్రికి త‌ర‌లించారు. అయితే, అక్క‌డ వారు చ‌నిపోయిన‌ట్లు వైద్యులు తెలిపారు. ఈ ప్ర‌మాదంలో మొత్తం తొమ్మిది మంది మ‌ర‌ణించారు. ఇక ప్ర‌మాదం నుంచి త‌ప్పించుకునే క్ర‌మంలో భ‌వ‌నంపై నుంచి దూకి మ‌రో ఇద్ద‌రు తీవ్రంగా గాయ‌ప‌డ్డారు. వారు ప్ర‌స్తుతం ఆసుప‌త్రిలో చికిత్స పొందుతున్నారు. ఈ ఘ‌ట‌న‌పై పోలీసులు కేసు న‌మోదు చేసి ద‌ర్యాప్తు చేప‌ట్టారు. ప్ర‌మాదానికి గ‌ల కార‌ణాల‌పై విచార‌ణ చేస్తున్నారు.

https://x.com/PTI_News/status/2034132780024844768

Also Read..

ఇండోర్‌లో దారుణం.. ఎల‌క్ట్రిక్ వాహ‌నం ఛార్జింగ్ పాయింట్ పేలి ఒకే కుటుంబంలో ఏడుగురు మృతి

బ‌డ్జెట్ స‌మావేశాల వేళ‌.. అసెంబ్లీకి బాంబు బెదిరింపులు

విమాన ప్ర‌యాణికుల‌కు కేంద్రం భారీ ఊర‌ట‌.. సీట్ల దోపిడీకి చెక్