Badrinath Dham | తెరుచుకున్న బ‌ద్రీనాథ్ ఆల‌య ద్వారాలు.. వేలాదిగా త‌ర‌లివ‌చ్చిన భ‌క్తులు

Divya

National | Published On Apr 23, 2026, 11.59 am IST

Badrinath Dham | తెరుచుకున్న బ‌ద్రీనాథ్ ఆల‌య ద్వారాలు.. వేలాదిగా త‌ర‌లివ‌చ్చిన భ‌క్తులు

Badrinath Dham | ఉత్త‌రాఖండ్ (Uttarakhand)లోని హిమాల‌య ప‌ర్వ‌త శ్రేణుల్లో కొలువై ఉన్న బ‌ద్రీనాథ్ ధామ్ (Badrinath Dham) ద్వారాలు ఇవాళ తెరుచుకున్నాయి. ఉద‌యం 6:15 గంట‌ల స‌మ‌యంలో వేద పండితుల మంత్రోచ్ఛ‌ర‌ణ‌ల మ‌ధ్య ఆల‌య తలుపుల‌ను తెరిచారు. ఈ సంద‌ర్భంగా స్వామివారిని ద‌ర్శించుకునేందుకు పెద్ద ఎత్తున భ‌క్తులు త‌ర‌లివ‌చ్చారు. డోర్స్ ఓపెన్ చెయ్య‌గానే స్వామివారిని ద‌ర్శించుకున్నారు. ఈ సంద‌ర్భంగా ఆల‌యాన్ని వివిధ ర‌కాల పూల‌తో సుంద‌రంగా అలంక‌రించారు. ప‌విత్ర చార్‌ధామ్‌ యాత్ర (Char Dham Yatra)లో భాగంగా కేదార్‌నాథ్ ధామ్‌ (Sri Kedarnath Dham) నిన్న తెరుచుకున్న విష‌యం తెలిసిందే. చార్‌ధామ్‌ యాత్ర ఈ నెల 19 నుంచి ప్రారంభ‌మైన విష‌యం తెలిసిందే. అక్షయ తృతీయ పర్వదినాన్ని పురస్కరించుకుని గంగోత్రి, య‌మునోత్రి ఆలయాల తలుపులు తెరుచుకున్నాయి. ఆల‌యాల్లో ప్ర‌త్యేక పూజ‌ల అనంత‌రం భ‌క్తులకు అనుమ‌తిస్తున్నారు.

#WATCH | Uttarakhand: The portals of Badrinath Dham opened for devotees at 6:15 AM this morning. pic.twitter.com/LUWAjBcAxo

— ANI (@ANI) April 23, 2026