Supreme Court | ఎన్టీఏ ఎలాంటి గుణపాఠాలూ నేర్చుకోలేదు.. నీట్ పేపర్ లీక్‌పై సుప్రీంకోర్టు అస‌హ‌నం

Supreme Court | నీట్ యూజీ 2026 (NEET UG 2026) పేప‌ర్ లీక్ వ్య‌వ‌హారం (NEET Paper Leak) దేశ‌వ్యాప్తంగా తీవ్ర దుమారం రేగిన విష‌యం తెలిసిందే. ఈ వ్య‌వ‌హారంపై దేశ అత్యున్న‌త న్యాయ‌స్థానం సుప్రీంకోర్టు (Supreme Court) తాజాగా కీల‌క వ్యాఖ్య‌లు చేసింది. ఈ మేర‌కు నేష‌న‌ల్ టెస్టింగ్ ఏజెన్సీ (NTA)పై తీవ్ర అస‌హ‌నం వ్య‌క్తం చేసింది. గతంలో జరిగిన నీట్ పేపర్ లీక్ ఘటనల నుంచి ఎన్టీఏ ఎలాంటి గుణపాఠాలూ నేర్చుకోలేదని పేర్కొంది. ఇది చాలా విచార‌క‌రం అని కోర్టు వ్యాఖ్యానించింది.

కాగా, పేప‌ర్ లీక్ ఘ‌ట‌న‌ల‌తో ఎన్టీఏపై తీవ్ర విమ‌ర్శ‌లు వ్య‌క్త‌మ‌వుతున్నాయి. ఈ నేప‌థ్యంలో ఎన్టీఏకి వ్య‌తిరేకంగా హైకోర్టులో పిటిష‌న్‌లు దాఖ‌ల‌య్యాయి. వైద్య‌విద్య ప్ర‌వేశ ప‌రీక్ష నిర్వ‌హ‌ణ కోసం ఎన్టీఏకి బ‌దులు ఓ స్వ‌తంత్ర సంస్థ‌ను ఏర్పాటు చేయాల్సిందిగా ఫెడరేషన్ ఆఫ్ ఆల్ ఇండియా మెడికల్ అసోసియేషన్ (ఫైమా), యునైటెడ్ డాక్టర్స్ ఫ్రంట్ (యూడీఎఫ్) సహా పలు సంస్థలు సుప్రీంకోర్టును ఆశ్రయించాయి. ఈ పిటిష‌న్‌ల‌ను సుప్రీంకోర్టు విచారించింది. ఈ మేర‌కు కేంద్రం, విద్యా మంత్రిత్వ శాఖ‌కు నోటీసులు జారీ చేసింది.

గతంలో (2024 పేప‌ర్ లీక్ ఘ‌ట‌న‌ను గుర్తు చేస్తూ) కూడా ఇదే అంశం సుప్రీంకోర్టు దృష్టికి వచ్చిందని, అప్పట్లో కోర్టు సూచనల మేరకు మానిటరింగ్ కమిటీని ఏర్పాటు చేశారని గుర్తుచేసింది. ఆ కమిటీ ఇచ్చిన సిఫారసులు అమలయ్యాయా..? లేదా..? అన్న విషయంపై ఎన్టీఏ పూర్తి వివరాలతో అఫిడవిట్ దాఖలు చేయాలని ఎన్టీఏని కోర్టు ఆదేశించింది. ఇందుకు గురువారం వ‌ర‌కూ కోర్టు స‌మ‌యం ఇచ్చింది. ఇక ఈ వ్య‌వ‌హారంపై త‌మ స్పంద‌న తెలియ‌జేయాల్సిందిగా కేంద్ర ప్ర‌భుత్వం, సీబీఐకి కూడా ధ‌ర్మాస‌నం నోటీసులు ఇచ్చింది.

Also Read..

మే 26 నాటికి కేరళను తాకనున్న నైరుతి రుతుపవనాలు

భార‌త వాయుసేన అమ్ములపొదిలోకి మరో 114 రఫేల్ అస్త్రాలు.. లెటర్ ఆఫ్ రిక్వెస్ట్‌ను సిద్ధం చేసిన ర‌క్ష‌ణ శాఖ‌

ఏఐ పవర్‌తో అసుస్ కొత్త ఏఐఓ పీసీ.. తొలి స్నాప్‌డ్రాగ‌న్ ఎక్స్ ప్రాసెస‌ర్ ఆలిన్ వ‌న్ డెస్క్‌టాప్‌..