Jairam Ramesh | రాజ్య‌స‌భ డిప్యూటీ చైర్మ‌న్ ఎన్నిక‌ను ప్ర‌తిప‌క్షం బ‌హిష్క‌రిస్తుంది : జైరాం ర‌మేష్

Jairam Ramesh | ఏప్రిల్ 17న జ‌ర‌గ‌నున్న రాజ్య‌స‌భ డిప్యూటీ చైర్మ‌న్ ఎన్నిక‌ను ప్ర‌తిప‌క్షం బ‌హిష్కరిస్తున్న‌ట్లు కాంగ్రెస్ ప్ర‌ధాన కార్య‌ద‌ర్శి జైరాం ర‌మేష్ (Jairam Ramesh) ప్ర‌క‌టించారు. ఈ విష‌యాన్ని ఆయ‌న ఎక్స్ వేదిక‌గా ప్ర‌క‌టించారు. ఈ ఎన్నిక‌ను బ‌హిష్క‌రించాల‌ని ప్ర‌తిప‌క్షాలు నిర్ణ‌యించిన‌ట్లు తెలిపారు. ఈ నిర్ణ‌యం వెనుక ఉన్న మూడు కార‌ణాల‌ను ఆయ‌న వివ‌రించారు.

మోదీ ప్ర‌భుత్వం గ‌త ఏడేళ్లుగా లోక్‌స‌భ‌లో డిప్యూటీ స్పీక‌ర్‌ను నియ‌మించ‌లేద‌నని జైరాం ర‌మేష్ తెలిపారు. ఇలా గ‌తంలో ఎన్న‌డూ జ‌ర‌గ‌లేద‌ని పేర్కొన్నారు. ఇక లోక్‌స‌భ‌లో డిప్యూటీ స్పీక‌ర్ ప‌ద‌వికి స‌మాన‌మైన‌ది రాజ్య‌స‌భ‌లో డిప్యూటీ చైర్మ‌న్ ప‌ద‌వి అని ఈ సంద‌ర్భంగా ఆయ‌న తెలిపారు. హరివంశ్ నారాయణ్ సింగ్ (Harivansh Narayan Singh) రెండో ప‌ద‌వీకాలం ఏప్రిల్ 9తో ముగియ‌గా.. ఆ మరుస‌టి రోజే ఆయ‌న్ను రాష్ట్ర‌ప‌తి రాజ్య‌స‌భ సభ్యునిగా నామినేట్ చేసిన‌ట్లు గుర్తు చేశారు. ఇప్పుడు ఆయ‌న మూడోసారి డిప్యూటీ చైర్మ‌న్ ప‌ద‌వికి ఎన్డీయే అభ్య‌ర్థిగా ఉన్నార‌ని చెప్పారు. రాష్ట్ర‌ప‌తి చేత రాజ్య‌స‌భ‌కు నామినేట్ అయిన వ్య‌క్తిని డిప్యూటీ చైర్మ‌న్ ప‌ద‌విలో కూర్చోబెట్ట‌డం గ‌తంలో ఎన్న‌డూ జ‌ర‌గ‌లేద‌న్నారు.

ఈ ప్ర‌క్రియ అంతా ప్ర‌తిప‌క్షాల‌తో ఎలాంటి అర్థ‌వంత‌మైన సంప్ర‌దింపులు జ‌ర‌ప‌కుండానే జ‌రుగుతోంద‌ని జైరాం ర‌మేష్ తెలిపారు. ఈ మూడు కార‌ణాల వ‌ల్లే ఈ నిర్ణ‌యం తీసుకున్న‌ట్లు చెప్పారు. హ‌రివంశ్ నారాయ‌ణ్ ప‌ట్ల త‌మ‌కు ఎలాంటి అగౌర‌వం లేద‌ని స్ప‌ష్టం చేశారు. ఏప్రిల్ 17న జ‌ర‌గ‌నున్న డిప్యూటీ చైర్మ‌న్ ఎన్నిక‌ను బ‌హిష్క‌రించాల‌ని నిర్ణ‌యించుకున్న‌ట్లు ఈ సంద‌ర్భంగా ఆయ‌న వెల్ల‌డించారు.

First, the Modi Govt has not appointed a Deputy Speaker in the Lok Sabha for 7 years. This has never happened before.

Second, the Deputy Speaker’s counterpart in the Rajya Sabha is the Deputy Chairman. Shri Harivansh’s second term ended on April 9th. A day later he was nominated…

— Jairam Ramesh (@Jairam_Ramesh) April 16, 2026

Also Read..

రాజ్యాంగాన్ని ప్ర‌భుత్వం హైజాక్ చేయాల‌ని చూస్తోంది.. లోక్‌స‌భ‌లో అధికార‌, విప‌క్షాల మ‌ధ్య మాట‌ల యుద్ధం

పార్లమెంట్ ప్ర‌త్యేక స‌మావేశాలు ప్రారంభం.. లోక్‌స‌భ ముందుకు మ‌హిళా రిజ‌ర్వేష‌న్‌, డీలిమిటేష‌న్ బిల్లులు

మహిళా బిల్లుకు డీలిమిటేషన్ బిల్లును లింక్ చేయడం పెద్ద కుట్ర: క‌ల్వ‌కుంట్ల క‌విత‌