womens quota | మహిళా రిజర్వేషన్ల అమలుకు సమయం వచ్చింది : అర్జున్‌ రామ్‌ మేఘ్‌వాల్‌

womens quota | చ‌ట్ట‌స‌భ‌ల్లో మ‌హిళ‌ల‌కు 33 శాతం రిజ‌ర్వేష‌న్లు క‌ల్పించేందుకు ఉద్దేశించిన బిల్లు (womens quota) 2023లోనే ఆమోదం పొందింద‌ని కేంద్ర న్యాయశాఖ మంత్రి అర్జున్ రామ్ మేఘ్‌వాల్ (Arjun Ram Meghwal) తెలిపారు. అందరికీ సమాన అవకాశాల కోసమే ఈ బిల్లు అని తెలిపారు. ఇప్పుడు మహిళా రిజర్వేషన్లను అమలు చేయాల్సిన సమయం వచ్చిందని స్ప‌ష్టం చేశారు. ఈ బిల్లును ప్రవేశపెడుతున్నందుకు గర్వపడుతున్నాన‌న్నారు. ఇవాళ పార్లమెంట్‌ చరిత్రలో సువర్ణాక్షరాలతో లిఖించబడుతుందని చెప్పారు.

లోక్‌స‌భ‌లో కీల‌క బిల్లుల‌ను కేంద్రం ప్ర‌వేశ‌పెట్టింది. ఈ సంద‌ర్భంగా కేంద్ర మంత్రి మాట్లాడారు. కొన్ని బిల్లులను భావితరాలు మరువలేవ‌ని తెలిపారు. రాజ్యాంగంలోని ఆర్టికల్‌ 368 (2) ప్రకారం ప్రజాహిత నిర్ణయాలు తీసుకోవచ్చని, అలాగే ఆర్టికల్‌ 368 ద్వారా ప్రజాహిత నిర్ణయాలకు పార్లమెంటుకు రాజ్యాంగం శక్తి ఇచ్చిందని పేర్కొన్నారు. ఈ క్రమంలోనే మూడు బిల్లులను లోక్​సభలో ప్రవేశపెట్టడం జరిగిందని వివ‌రించారు. ఈ బిల్లు ద్వారా చ‌ట్ట‌స‌భ‌ల్లో మహిళల ప్రాతినిధ్యం పెరుగుతుందని తెలిపారు.

ఇక‌ డీలిమిటేష‌న్‌ (delimitation)తో ఏ రాష్ట్రానికి న‌ష్టం జ‌ర‌గ‌ద‌ని, ఏ రాష్ట్రం కూడా సీట్ల‌ను కోల్పోద‌ని ఈ సంద‌ర్భంగా కేంద్ర మంత్రి స్ప‌ష్టం చేశారు. మొత్తం 815 సీట్ల‌లో మూడో వంతు అంటే 272 స్థానాల‌ను మ‌హిళ‌ల కోసం కేటాయించ‌నున్న‌ట్లు తెలిపారు. ఈ ప్ర‌క్రియ‌లో ఏ రాష్ట్రం కూడా త‌న ప్రాతినిధ్యాన్ని కోల్పోద‌ని మ‌రోసారి స్ప‌ష్టం చేశారు.

Also Read..

ఈ విష‌యంలో మా వైఖ‌రిని స్ప‌ష్టం చేశాం.. డీలిమిటేష‌న్‌పై సోనియా గాంధీ

రాజ్య‌స‌భ డిప్యూటీ చైర్మ‌న్ ఎన్నిక‌ను ప్ర‌తిప‌క్షం బ‌హిష్క‌రిస్తుంది : జైరాం ర‌మేష్

రాజ్యాంగాన్ని ప్ర‌భుత్వం హైజాక్ చేయాల‌ని చూస్తోంది.. లోక్‌స‌భ‌లో అధికార‌, విప‌క్షాల మ‌ధ్య మాట‌ల యుద్ధం