Jantar Mantar | సీజేపీ వార్నింగ్‌.. జంత‌ర్ మంత‌ర్ వ‌ద్ద హై అల‌ర్ట్‌

Jantar Mantar | నిర‌స‌న‌కారుల‌పై న‌మోదు చేసిన ఎఫ్ఐఆర్‌ల‌న్నింటినీ ఎత్తివేయ‌క‌పోతే త‌మ ఆందోళ‌న‌ల‌ను మ‌ళ్లీ ప్రారంభిస్తామంటూ కాక్రోచ్ జ‌న‌తాపార్టీ చేసిన తాజా హెచ్చ‌రిక‌ల‌తో (CJPs fresh protest threats) ఢిల్లీ పోలీసులు అల‌ర్ట్ అయ్యారు. జంత‌ర్ మంత‌ర్ (Jantar Mantar) వ‌ద్ద భ‌ద్ర‌త‌ను క‌ట్టుదిట్టం (heavy security) చేశారు.

Divya

National | Published On Jul 30, 2026, 1.53 pm IST

Jantar Mantar | సీజేపీ వార్నింగ్‌.. జంత‌ర్ మంత‌ర్ వ‌ద్ద హై అల‌ర్ట్‌

Jantar Mantar | త్రినేత్ర‌.న్యూస్ : జులై 20న జ‌రిగిన ఆందోళ‌న‌ల సంద‌ర్భంగా నిర‌స‌న‌కారుల‌పై న‌మోదు చేసిన ఎఫ్ఐఆర్‌ల‌న్నింటినీ ఎత్తివేయ‌క‌పోతే త‌మ ఆందోళ‌న‌ల‌ను మ‌ళ్లీ ప్రారంభిస్తామంటూ కాక్రోచ్ జ‌న‌తాపార్టీ చేసిన తాజా హెచ్చ‌రిక‌ల‌తో (CJPs fresh protest threats) ఢిల్లీ పోలీసులు అల‌ర్ట్ అయ్యారు. ఈ మేర‌కు జంత‌ర్ మంత‌ర్ (Jantar Mantar) వ‌ద్ద భ‌ద్ర‌త‌ను క‌ట్టుదిట్టం (heavy security) చేశారు. అక్క‌డ అద‌న‌పు భ‌ద్ర‌తా సిబ్బందిని మోహ‌రించారు. ముందు జాగ్ర‌త్త చ‌ర్య‌గా ఆ ప్రాంతంలో ఇనుప బారికేడ్ల‌ను పెట్టారు.

నిర‌స‌న‌కారుల‌పై ఎలాంటి చ‌ట్ట‌ప‌ర‌మైన చ‌ర్య‌లూ తీసుకోబోమ‌ని ఇచ్చిన హామీని కేంద్ర ప్ర‌భుత్వం విస్మ‌రించింద‌ని కాక్రోచ్ పార్టీ ఆరోపించింది. ఈ మేర‌కు మ‌రోసారి ఆందోళ‌న‌కు దిగుతామ‌ని వార్నింగ్ ఇచ్చింది. ఈ హెచ్చ‌రిక‌ల‌తో అప్ర‌మ‌త్త‌మైన పోలీసులు ముందు జాగ్ర‌త్త చ‌ర్య‌గా భ‌ద్ర‌త‌ను పెంచారు. నిర‌స‌న‌ల స‌మ‌యంలో ఆందోళ‌న‌కారులు నిర్దేశిత ప్రాంతాన్ని దాటి వెళ్ల‌కుండా, బారికేడ్ల‌ను తొల‌గించ‌కుండా ఉండేందుకు వాటికి ఇనుప క‌డ్డీల‌తో వెల్డింగ్ చేయించారు. ప్ర‌స్తుతం అక్క‌డ భ‌ద్ర‌త కొన‌సాగుతోంది.