Pinarayi Vijayan | అవినీతి కేసు.. కేర‌ళ మాజీ సీఎం విజ‌య‌న్‌పై చ‌ర్య‌ల‌కు ఆదేశించిన హైకోర్టు

Pinarayi Vijayan | త్రినేత్ర న్యూస్ : కేర‌ళ (Kerala) మాజీ ముఖ్య‌మంత్రి పిన‌ర‌యి విజ‌య‌న్ (Pinarayi Vijayan)కు భారీ షాక్ త‌గిలింది. కొచ్చిన్‌ మిన‌ర‌ల్స్ అండ్ రూటైల్ లిమిటెడ్ (CMRL) అవినీతి కేసులో (corruption case) విజ‌య‌న్‌పై ఎఫ్ఐఆర్ న‌మోదు చేయ‌డానికి కేర‌ళ హైకోర్టు (Kerala High Court) అనుమ‌తించింది. అవినీతి కేసులో ఎన్‌ఫోర్స్‌మెంట్ డైరెక్టరేట్ (ED) సమర్పించిన నివేదిక ఆధారంగా కోర్టు ఈ ఆదేశాలు జారీ చేసింది. పిన‌ర‌యి విజ‌య‌న్‌తోపాటూ ఆయ‌న కుమార్తె వీణ‌, ఆమె భ‌ర్త, మాజీ మంత్రి పి.ఎ. మహమ్మద్ రియాస్‌లపై కూడా ఎఫ్ఐఆర్ న‌మోదు చేయాల‌ని పోలీసుల‌ను కోర్టు ఆదేశించింది.

విజ‌య‌న్‌ కుమార్తె వీణ‌కు చెందిన ఎక్సాలాజిక్ సొల్యూషన్స్ ప్రైవేట్ లిమిటెడ్ (Exalogic Solutions Pvt Ltd), సీఎమ్ఆర్ఎల్ (Cochin Minerals and Rutile Limited) మ‌ధ్య రూ. 1.72 కోట్ల అక్ర‌మ లావాదేవీలు జ‌రిగిన‌ట్లు ఆరోప‌ణ‌లు ఉన్నాయి. దీనిపై ఈడీ విచార‌ణ జ‌రుపుతోంది. ద‌ర్యాప్తులో భాగంగానే పిన‌ర‌యి విజ‌య‌న్‌తోపాటూ కోజికోడ్‌లోని వీణ భ‌ర్త, మాజీ మంత్రి మ‌హ‌మ్మ‌ద్ రియాస్ నివాసంలో అధికారులు ఇటీవ‌లే సోదాలు నిర్వ‌హించిన విష‌యం తెలిసిందే. సీఎంఆర్ఎల్ మేనేజింగ్ డైరెక్ట‌ర్ శ‌శిధ‌ర‌న్ క‌ర్త కుమారుడు శ‌ర‌ణ్ క‌ర్త ఇంట్లో కూడా ఈడీ త‌నిఖీ చేసింది. అనంత‌రం నివేదిక‌ను న్యాయ‌స్థానానికి అంద‌జేసింది. ఈడీ నివేదిక ఆధారంగా వారిపై చ‌ర్య‌ల‌కు కేర‌ళ హైకోర్టు అనుమ‌తించింది.

Also Read..

బులియ‌న్ మార్కెట్ల‌లో జోష్‌.. భారీగా పెరిగిన ప‌సిడి ధ‌ర‌లు..

కొన‌సాగుతున్న ఆర్టీసీ యూనియ‌న్ ఎన్నికలు.. డిపోల్లో ప్ర‌శాంతంగా పోలింగ్‌

భార‌తీయ కంపెనీల‌పై ప‌ర్మ్ (PERM) వేటు.. అస‌లు ఇదేమిటి.. ఉద్యోగులపై ప్రభావం ఎంత?