Fire breaks out at Hospital | ఆసుప‌త్రిలో అగ్నిప్ర‌మాదం.. 9 మంది న‌వ‌జాత శిశువులు స‌హా..

Fire breaks out at Hospital | త్రినేత్ర‌.న్యూస్ : మ‌హారాష్ట్ర‌లోని ఓ ఆసుప‌త్రిలో (Fire breaks out at Hospital) భారీ అగ్నిప్ర‌మాదం సంభవించింది. ఛత్రపతి సంభాజీనగర్‌లోని (Chhatrapati Sambhajinagar) ఆకాశవాణి చౌక్ (Akashwani Chowk) సమీపంలో గ‌ల‌ ఏషియన్ హాస్పిటల్‌లో (Asian Hospital) శుక్ర‌వారం తెల్ల‌వారుజామున 2:30 గంట‌ల ప్రాంతంలో మంట‌లు చెల‌రేగాయి. ఊహించని ఈ ప్ర‌మాదంతో రోగులు, సిబ్బంది తీవ్ర భ‌యాందోళ‌న‌కు గుర‌య్యారు.

ప్ర‌మాద స‌మ‌యంలో నియోనాటల్ ఇంటెన్సివ్ కేర్ యూనిట్ (NICU)లోని 9 మంది న‌వ‌జాత శిశువుల‌తో క‌లిపి మొత్తం 58 మంది పేషెంట్స్ ఉన్నారు. పొగ‌లు రావ‌డాన్ని గ‌మ‌నించిన సిబ్బంది అప్ర‌మ‌త్త‌మ‌య్యారు. న‌వ‌జాత శిశువుల‌ను సుర‌క్షితంగా బ‌య‌ట‌కు త‌ర‌లించారు. ఆ త‌ర్వాత రోగుల‌ను సైతం అక్క‌డి నుంచి త‌ర‌లించారు. దీంతో ప్రాణాపాయం త‌ప్పిన‌ట్లైంది.

ఈ ఘ‌ట‌న‌లో పేషెంట్స్‌, సిబ్బందికి ఎలాంటి గాయాలూ కాలేద‌ని అధికారులు స్ప‌ష్టం చేశారు. ప్ర‌మాద స‌మాచారం అందుకున్న వెంట‌నే అగ్నిమాప‌క సిబ్బంది హుటాహుటిన ఘ‌ట‌నాస్థ‌లికి చేరుకొని మంట‌ల‌ను అదుపులోకి తెచ్చింది. ఏసీ యూనిట్‌లో షార్ట్ స‌ర్క్యూట్ కార‌ణంగానే మంట‌లు చెల‌రేగిన‌ట్లు అధికారులు భావిస్తున్నారు. ఈ మేర‌కు ఘ‌ట‌న‌పై ద‌ర్యాప్తు చేస్తున్నారు. ప్ర‌మాదం నేప‌థ్యంలో న‌వ‌జాత శిశువుల‌ను ఘాటీ, ఎంజీఎం, సంజీవ‌ని ఆసుప‌త్రుల‌కు త‌ర‌లించారు.

Chhatrapati Sambhajinagar, Maharashtra: A fire broke out at Asian Hospital near Akashwani Chowk at around 2:45 AM, reportedly due to a short circuit in an AC unit in the NICU. All 58 patients, including nine newborns, were safely evacuated. The newborns were shifted to GhatI… pic.twitter.com/AGKJqNqIg2

— IANS (@ians_india) September 4, 2026

Also Read..

మెలోనీ స‌రికొత్త రికార్డు.. ఇట‌లీ చ‌రిత్రలోనే అత్య‌ధిక కాలం ప‌నిచేసిన ప్ర‌భుత్వంగా రికార్డు

మ‌రో ఆరు ప్ర‌యోగాలే ల‌క్ష్యం.. GSLV-F17 ప్రయోగం విజ‌య‌వంతం వేళ గ‌గ‌న్‌యాన్ అప్‌డేట్ ఇచ్చిన ఇస్రో ఛైర్మ‌న్‌

లక్సెంబర్గ్ వెంచర్ డేస్‌లో ఉప‌న్యాస‌మివ్వండి.. కేటీఆర్‌కు మరో ప్రతిష్టాత్మక అంతర్జాతీయ ఆహ్వానం