DK Shivakumar | జూన్ 3న సీఎంగా డీకే శివ‌కుమార్‌ ప్ర‌మాణ స్వీకారం

DK Shivakumar | సిద్ధ‌రామ‌య్య (Siddaramaiah) రాజీనామాను గ‌వ‌ర్న‌ర్ ఆమోదించ‌డంతో.. త‌దుప‌రి ప్ర‌భుత్వ ఏర్పాటు కోసం కాంగ్రెస్ పార్టీ (Karnataka Congress) చ‌క‌చ‌కా ఏర్పాట్లు చేస్తోంది. ఇందులో భాగంగా నూత‌న ముఖ్య‌మంత్రి ప్ర‌మాణ స్వీకారోత్స‌వానికి ముహూర్తం ఖ‌రారైన‌ట్లు తెలుస్తోంది. వ‌చ్చేనెల అంటే జూన్‌ 3వ తేదీన ఆ రాష్ట్ర 25వ ముఖ్య‌మంత్రిగా డీకే శివ‌కుమార్ (DK Shivakumar) ప్ర‌మాణ స్వీకారం చేసే అవ‌కాశం ఉన్న‌ట్లు సంబంధిత వ‌ర్గాల ద్వారా తెలిసింది. లోక్‌భ‌వ‌న్‌లో ఈ కార్య‌క్ర‌మానికి ఏర్పాట్లు చేస్తున్న‌ట్లు స‌మాచారం. పార్టీ సీనియ‌ర్ నేత‌లు, మంత్రులు ఈ కార్య‌క్ర‌మానికి హాజ‌రుకానున్న‌ట్లు తెలుస్తోంది.

ఇక కొత్త నాయ‌కుడిని అధికారికంగా ఎన్నుకునేందుకు కాంగ్రెస్ శాస‌న‌స‌భా ప‌క్షం (CLP) శనివారం సమావేశం కానుంది. ఇవాళ సాయంత్రం విధాన సౌధ‌లో సీఎల్పీ స‌మావేశం జ‌ర‌గ‌నుంది. ఈ భేటీలో డీకే శివ‌కుమార్‌ను శాస‌న‌స‌భాప‌క్ష నేత‌గా ఎన్నుకోనున్నారు. కొత్త ప్ర‌భుత్వంలో సిద్ధ‌రామ‌య్య కుమారుడు య‌తీంద్ర‌కు చోటుద‌క్క‌నున్న‌ట్లు తెలుస్తోంది. ఈ విష‌యంపై కాంగ్రెస్ హైక‌మాండ్‌తో సిద్ధూ ఇప్ప‌టికే చ‌ర్చ‌లు కూడా జ‌రిపారు. త‌న కుమారుడికి కీల‌క శాఖ‌లు కేటాయించాల‌ని కాంగ్రెస్ అగ్ర‌నేత రాహుల్ గాంధీకి సిద్ధ‌రామ‌య్య విజ్ఞ‌ప్తి చేశారు.

Also Read..

స్టార్ న‌టుడు అజిత్ ఇంట తీవ్ర విషాదం

వారం రోజుల్లో 'ఈవినింగ్ బీటెక్ కోర్సు'లకు నోటిఫికేష‌న్.. వివ‌రాలివే..!

హైటెక్స్ వేదిక‌గా.. జూన్ 5 నుంచి 7 వ‌ర‌కు పోచంప‌ల్లి ఇక్క‌త్ వ‌స్త్రాల ఎగ్జిబిష‌న్‌..!