Road Accident | ఘోర రోడ్డు ప్ర‌మాదం.. 9 మంది మృతి

Road Accident | పంజాబ్​ (Punjab)లో ఘోర రోడ్డు ప్ర‌మాదం (Road Accident) చోటు చేసుకుంది. పిక‌ప్ ట్ర‌క్కు - కంటైన‌ర్ వాహ‌నం రెండూ ఢీ కొన్నాయి (Truck-Jeep collision). ఈ ఘ‌ట‌న‌లో తొమ్మిది మంది ప్రాణాలు కోల్పోయారు. అనేక మంది గాయ‌ప‌డ్డారు. ఫిరోజ్‌పూర్ (Ferozpur) జిల్లాలో శ‌నివారం ఉద‌యం ఈ ఘ‌ట‌న చోటు చేసుకుంది.

అధికారులు తెలిపిన‌ స‌మాచారం ప్ర‌కారం.. జలాలాబాద్‌కు చెందిన సుమారు 28 మంది బంధువులు త‌మ కుటుంబంలోని ఓ వృద్ధురాలి అస్థికలను గంగ‌లో క‌లిపేందుకు అమృత్​సర్​లోని డేరా బియాస్​కు వెళ్లారు. ఆ కార్య‌క్ర‌మం ముగించుకొని పిక‌ప్ ట్ర‌క్కులో ఇంటికి బ‌య‌ల్దేరారు. ఈ క్ర‌మంలో ఫిరోజ్‌పూర్-ఫాజిల్కా రోడ్డు (Ferozepur-Fazilka road)పై వీరు ప్ర‌యాణిస్తున్న వాహ‌నం కంటైన‌ర్‌ను బ‌లంగా ఢీ కొట్టింది. దీంతో వాహ‌నం పూర్తిగా నుజ్జునుజ్జైంది. ఈ ఘ‌ట‌న‌లో తొమ్మిది మంది ప్రాణాలు కోల్పోయారు. సుమారు 15 మంది గాయ‌ప‌డ్డారు. స‌మాచారం అందుకున్న పోలీసులు హుటాహుటిన ఘ‌ట‌నాస్థ‌లికి చేరుకొని స‌హాయ‌క చ‌ర్య‌లు చేప‌ట్టారు. క్ష‌త‌గాత్రుల‌ను చికిత్స నిమిత్తం ఆసుప‌త్రికి త‌ర‌లించారు. ఈ మేర‌కు ఘ‌ట‌న‌పై కేసు న‌మోదు చేసి ద‌ర్యాప్తు చేప‌ట్టారు.

Also Read..

ఈ ప్ర‌భుత్వానికి ఇంకెంత‌కాలం భ‌య‌ప‌డాలి..?.. కాక్రోచ్ పార్టీ

జూలై 31లోపు ఐటీఆర్ ను ఫైల్ చేయకపోతే నష్టమే.. ఈ 6 ప్రయోజనాల‌ను కోల్పోతారు..

ఈ నెల 12 దాకా వ‌ర్షాలు.. హెచ్చ‌రిక‌లు జారీ చేసిన హైద‌రాబాద్ వాతావ‌ర‌ణ కేంద్రం..!