Massive Fire | నోయిడాలో భారీ అగ్నిప్ర‌మాదం.. చిక్కుకుపోయిన 50 కుటుంబాలు

Massive Fire | నోయిడాలో (Noida Building) భారీ అగ్నిప్ర‌మాదం (Massive Fire) సంభ‌వించింది. మ‌మురా గ్రామంలోని (Mamura village) ఓ నివాస భ‌వ‌నం పార్కింగ్ ఏరియాలో ఎల‌క్ట్రిక్ స్కూటీలో మంట‌లు చెల‌రేగాయి. అవి భ‌వ‌నం మొత్తం వ్యాపించాయి. ఈ ఘ‌ట‌న‌లో ఇద్ద‌రు ప్రాణాలు కోల్పోగా.. దాదాపు 100 మందిని అధికారులు ర‌క్షించారు.

పోలీసులు తెలిపిన వివ‌రాల ప్ర‌కారం.. సెక్టార్ 66 ఫేజ్‌-3 పోలీసు స్టేష‌న్ ప‌రిధిలో బుధ‌వారం ఉద‌యం ఈ ఘ‌ట‌న చోటుచేసుకుంది. స్కూటీకి ఛార్జింగ్ పెట్టిన స‌మ‌యంలో షార్ట్ సర్క్యూట్ కార‌ణంగా మంట‌లు చెల‌రేగాయి. దాని నుంచి వెలువ‌డిన నిప్పు ర‌వ్వ‌లు గ్రౌండ్ ఫ్లోర్‌లో పార్క్ చేసి ఉన్న ఇత‌ర వాహ‌నాల‌కు అంటుకుని మంట‌లు చెల‌రేగాయి. కాసేప‌టికే మంట‌లు వేగంగా వ్యాపించాయి. ద‌ట్ట‌మైన పొగ బిల్డింగ్ మొత్తాన్ని క‌మ్మేసింది. ఆ భ‌వ‌నంలో 50 కుటుంబాలు నివ‌సిస్తున్నాయి. పొగ‌లు వ‌స్తుండ‌టాన్ని గ‌మ‌నించిన నివాసితులు ఏం జ‌రుగుతోందో తెలియ‌క తీవ్ర ఆందోళ‌నకు గుర‌య్యారు. అందులోనే చిక్కుకుపోయారు.

బ‌య‌ట‌కు వెళ్లే వీలు లేక‌పోవ‌డంతో.. వారంతా అక్కడ చిక్కుకుపోయి కాపాడాలంటూ అర్త‌నాదాలు చేశారు. రంగంలోకి దిగిన అధికారులు స్థానికుల సాయంతో భ‌వ‌నంలో చిక్కుకుపోయిన వారిని కాపాడేందుకు ప్ర‌య‌త్నిస్తున్నారు. కింది నుంచి బ‌య‌ట‌కు వెళ్లే అవ‌కాశం లేక‌పోవ‌డంతో భ‌వనం పై అంత‌స్తు నుంచి నిచ్చెన‌ల సాయంతో ప‌క్క బిల్డింగ్‌లోకి త‌ర‌లిస్తున్నారు. దాదాపు 100 మందిని ర‌క్షించారు. అగ్నిమాప‌క సిబ్బంది మంట‌ల‌ను అదుపులోకి తెచ్చారు. ఈ ప్ర‌మాదంలో ఇద్ద‌రు వ్య‌క్తులు ప్రాణాలు కోల్పోయారు.

VIDEO | Fire breaks out in a residential building in Mamura village in Noida. Rescue operations underway. More details are awaited.

(Source: Third Party)

(Full video available on PTI Videos - https://t.co/n147TvrpG7) pic.twitter.com/SpfsoCaow7

— Press Trust of India (@PTI_News) July 15, 2026

Also Read..

కేబీఆర్ పార్క్ చుట్టూ వన్ వే.. ట్రాఫిక్ నివారణే ధ్యేయం..

భారీ బ్యాట‌రీ, ప‌వ‌ర్‌ఫుల్ డిస్‌ప్లే, ప్రాసెస‌ర్‌తో లాంచ్ అయిన మోటోరోలా ఎడ్జ్‌70 మ్యాక్స్

ఫిఫా ప్ర‌పంచ‌క‌ప్‌ ఫైన‌ల్‌లో స్పెయిన్‌