Janhvi Kapoor | పుట్టిన‌రోజు సంద‌ర్భంగా.. వెంక‌న్న ఆశీస్సులు తీసుకున్న జాన్వీ క‌పూర్‌

Janhvi Kapoor | అల‌నాటి అందాల తార‌ శ్రీ‌దేవి త‌న‌య‌, బాలీవుడ్ స్టార్ న‌టి జాన్వీ కపూర్‌ (Janhvi Kapoor) పుట్టినరోజు నేడు. ఈ సంద‌ర్భంగా త‌న ఇష్ట‌దైవ‌మైన తిరుమ‌ల శ్రీ వేంక‌టేశ్వ‌ర స్వామివారిని (Tirumala Srivari temple) ద‌ర్శించుకున్నారు. తన పిన్ని, నటి మహేశ్వరితో కలిసి అలిపిరి మెట్ల మార్గం ద్వారా తిరుమ‌ల చేరుకున్న జాన్వీ క‌పూర్ ఇవాళ ఉద‌యం వీఐపీ విరామ ద‌ర్శ‌న స‌మ‌యంలో శ్రీ‌వారి సేవ‌లో పాల్గొన్నారు. బ‌ర్త్‌డే సంద‌ర్భంగా స్వామివారి ఆశీస్సులు తీసుకున్నారు. ద‌ర్శ‌నం అనంత‌రం జాన్వీకి రంగనాయకుల మండపంలో వేద పండితులు ఆశీర్వచనాలు అందజేయగా, ఆలయ అధికారులు తీర్థప్రసాదాలను అందించారు. ఇక శ్రీ‌వారి ద‌ర్శ‌నం సంద‌ర్భంగా జాన్వీ లంగా ఓనీలో మెరిసిపోయారు. ఇందుకు సంబంధించిన ఫొటోలు, వీడియోలు వైర‌ల్‌గా మారాయి.

https://x.com/ians_india/status/2029777555474239762

జాన్వీ కపూర్‌ (Janhvi Kapoor)కు దైవభక్తి ఎక్కువ. ఖాళీ సమయం దొరుకుతే చాలు తిరుమలకు వెళ్తుంటుంది. ముఖ్యంగా పుట్టినరోజు, సినిమా రిలీజ్‌లు, పండుగలు వంటి ప్రత్యేక సందర్భాల్లో వెంకన్న (Lord Venkateswara) ఆశీస్సుల కోసం తిరుమల కొండకు వెళ్తుంటుంది. స్నేహితులు, బంధువులతో కలిసి ఏడుకొండలవాడిని దర్శించుకుంటుంది. ఎప్పుడు తిరుమ‌ల వెళ్లినా జాన్వీ క‌పూర్ మెట్ల మార్గం ద్వారానే కొండ‌పైకి వెళ్తుంటారు. ఈసారి కూడా అదే ఆన‌వాయితీని అనుస‌రించింది ఈ బీటౌన్ భామ‌.

ఎన్డీఆర్‌ ‘దేవర’ చిత్రంతో తెలుగు ప్రేక్ష‌కుల‌ను ప‌ల‌క‌రించిన జాన్వీ క‌పూర్‌.. ప్ర‌స్తుతం రామ్ చరణ్ సరసన బుచ్చిబాబు సానా దర్శకత్వంలో రాబోతున్న భారీ చిత్రం ‘పెద్ది’ (Peddi)లో న‌టిస్తోంది. ఈ సినిమా ఏప్రిల్ 30, 2026న ప్రేక్షకుల ముందుకు రానుంది.

Also Read..

క‌ర్ణాట‌క‌లో 16 ఏళ్ల‌లోపు పిల్ల‌ల‌కు సోష‌ల్ మీడియా నిషేధం.. ప్ర‌క‌టించిన సీఎం

ల‌గ్జ‌రీ డూప్లెక్స్ అపార్ట్‌మెంట్ కొనుగోలు చేసిన న‌య‌న‌తార‌.. ధ‌ర తెలిస్తే షాకే..!

యుద్ధం ఎఫెక్ట్‌.. దేశంలో పెట్రోల్‌, డీజిల్ ధ‌ర‌లు ఎలా ఉన్నాయి..? పెరుగుతాయా..?