US Senate | ట్రంప్‌కు ఊర‌ట‌.. ఇరాన్‌పై సైనిక చ‌ర్య‌కు అమెరికా సెనేట్ మ‌ద్ద‌తు

US Senate | ఇరాన్‌తో యుద్ధం విష‌యంలో అమెరికా అధ్య‌క్షుడు డొనాల్డ్ ట్రంప్‌కు ఊర‌ట ల‌భించింది. టెహ్రాన్‌పై సైనిక దాడుల‌ను కొన‌సాగించే విష‌యంలో అధ్య‌క్షుడు ట్రంప్‌కు (Trumps military action against Iran) ఉన్న అధికారాల‌ను అడ్డుకోవాలంటూ ప్ర‌తిపాదించిన తీర్మానాన్ని అమెరికా సెనేట్ (US Senate) తిర‌స్క‌రించింది. ట్రంప్ సైనిక చ‌ర్య‌కే మ‌ద్ద‌తు తెలిపింది.

‘వార్ పవర్స్ రిజల్యూషన్’ (War Powers Resolution) పేరుతో డెమోక్రాట్ సభ్యుడు టిమ్ కైన్ ఈ తీర్మానాన్ని ప్రవేశపెట్టారు. దీనిపై సెనేట్‌లో(America senate) ఓటింగ్ నిర్వహించగా తీర్మానం ఆమోదం పొందలేదు. ట్రంప్ సైనిక చ‌ర్యకు మ‌ద్ద‌తుగా 53 మంది.. వ్య‌తిరేకంగా 47 మంది ఓటేశారు. దీంతో ఈ తీర్మానం వీగిపోయింది. డెమొక్రాట్ సెనేటర్‌ జాన్‌ ఫెటర్‌మన్‌ తన పార్టీ నిర్ణయానికి వ్య‌తిరేకంగా ట్రంప్‌కు ఓటేయడం విశేషం. యుద్ధం జరుగుతున్న ఇలాంటి క్లిష్ట సమయంలో సైనికులకు మద్దతు తెల‌పాలి తప్పా అధ్యక్షుడి అధికారాల్లో కోతపెట్టడం సరైంది కాదని ఈ సంద‌ర్భంగా రిపబ్లికన్ సెనేటర్లు వ్యాఖ్యానించారు.

Also Read..

US Using Indian Ports to attack Iran | ఇరాన్‌పై దాడుల‌కు భార‌త పోర్టుల‌ను వాడుతున్న అమెరికా..? ఫ్యాక్ట్‌చెక్‌తో క్లారిటీ ఇచ్చిన కేంద్రం

Iran postpones Khameneis funeral | ఖ‌మేనీ అంత్య‌క్రియ‌లు వాయిదా.. ప్ర‌క‌టించిన ఇరాన్‌

Virosh Wedding | సెల‌బ్రేష‌న్స్ ముగిశాయి.. ఇక అండ‌ర్‌గ్రౌండ్‌కే : విజయ్ దేవ‌ర‌కొండ‌