Mojtaba Khamenei | మొజ్తాబా ఖ‌మేనీ ఆచూకీ చెబితే రూ.92 కోట్లు ఇస్తాం.. భారీ రివార్డు ప్ర‌క‌టించిన అమెరికా

Mojtaba Khamenei | ఇరాన్‌పై అమెరికా త‌న సైనిక చ‌ర్య‌ల‌ను కొన‌సాగిస్తోంది. ఇప్ప‌టికే ఇరాన్ సుప్రీం లీడ‌ర్ అయ‌తుల్లా అలీ ఖ‌మేనీని అంతం చేసిన యూఎస్‌.. ఇప్పుడు ఆయ‌న కుమారుడు, నూత‌న సుప్రీం లీడ‌ర్ (Irans new Supreme Leader) మొజ్తాబా ఖమేనీ (Mojtaba Khamenei)ని టార్గెట్ చేసింది. ఆయ‌న‌తోపాటూ ఇరాన్ శ‌క్తిమంత‌మైన ఇస్లామిక్ రివల్యూషనరీ గార్డ్ కార్ప్స్ (IRGC)కు చెందిన కీల‌క నేత‌ల ప‌నిప‌ట్టేందుకు సిద్ధ‌మైంది.

ఇందుకోసం భారీ ఆఫ‌ర్ ప్ర‌క‌టించింది. మొజ్తాబా ఖ‌మేనీతోపాటూ ఐఆర్‌జీసీ నేత‌ల ఆచూకీ చెప్పిన వారికి 10 మిలియ‌న్ డాల‌ర్లు రివార్డుగా ఇస్తామ‌ని ప్ర‌క‌టించింది. అంటే మ‌న భార‌త క‌రెన్సీలో రూ.92,47,48,000 అన్న‌మాట‌. అమెరికా స్టేట్ డిపార్ట్‌మెంట్ (US State Department)కు చెందిన డిప్లొమాటిక్ సెక్యూరిటీ సర్వీస్ నిర్వహిస్తున్న 'రివార్డ్స్ ఫర్ జస్టిస్' ప్రోగ్రామ్ (Rewards for Justice programme)లో భాగంగానే ఈ రివార్డు ప్ర‌క‌టించింది. ఈ విష‌యాన్ని ఎక్స్ వేదిక‌గా షేర్ చేసింది. అందులో మొజ్తాబా ఖ‌మేనీతోపాటూ ఐఆర్‌జీసీ కీల‌క నేత‌ల ఫొటోల‌ను కూడా పంచుకుంది.

"ఈ వ్యక్తులు ఇరాన్‌కు చెందిన ఇస్లామిక్ రివల్యూషనరీ గార్డ్ కార్ప్స్ (IRGC) లోని వివిధ విభాగాలకు నాయకత్వం వహిస్తున్నారు. ప్రపంచవ్యాప్తంగా ఉగ్రవాద కార్యకలాపాలను ప్లాన్ చేయడం, నిర్వహించడం, అమలు చేయడంలో ఈ విభాగం కీలక పాత్ర పోషిస్తోంది. వీరి గురించి స‌మాచారం తెలిస్తే.. టోర్ (Tor) ఆధారిత టిప్‌లైన్ లేదా సిగ్నల్ (Signal) ద్వారా మాకు పంపండి. స‌మాచారం అందించిన వారికి పున‌రావాసం క‌ల్పిస్తాం. అంతేకాదు త‌గిన బ‌హుమ‌తులు కూడా అందిస్తాం" అని రివార్డ్స్ ఫర్ జస్టిస్ ప్రోగ్రామ్ తన ప్రకటనలో పేర్కొంది. యూఎస్ రిలీజ్ చేసిన ఫొటోల్లో మొజ్తాబా ఖ‌మేనీతోపాటూ ఆయ‌న కార్యాల‌య డిప్యూటీ చీఫ్ ఆఫ్ స్టాఫ్ అలీ అస్గ‌ర్ హెజాబీ, ఇరాన్ భ‌ద్ర‌తా విభాగం అధిప‌తి అలీ లారిజానీతోపాటూ మ‌రికొంద‌రు ముఖ్య నేత‌లు ఉన్నారు.

https://x.com/RFJ_USA/status/2032482180568654025

Also Read..

ఇరాన్ ఆర్థిక వ్య‌వ‌స్థ‌పై అమెరికా గురి.. ఖర్గ్ ద్వీపంపై బాంబుల వ‌ర్షం

ర‌ష్యా చ‌మురు కొనాలంటూ భార‌త్ స‌హా ప్ర‌పంచ దేశాల‌ను అడుక్కుంటున్న అమెరికా.. ఇరాన్ ఎద్దేవా

మెటాలో 16వేల ఉద్యోగాల‌కు కోత‌..? ఏఐ ప్ర‌భావ‌మేనా..?