Xi Jinping | బీ-1 బాంబర్లు, 100 అడుగుల రెడ్ కార్పెట్‌.. అమెరికాలో జిన్‌పింగ్‌కు గ్రాండ్ వెల్‌క‌మ్‌

Xi Jinping | దాదాపు 11 ఏళ్ల త‌ర్వాత అమెరికా ప‌ర్య‌ట‌న‌కు వెళ్లిన‌ చైనా అధ్య‌క్షుడు (Chinese President) షీ జిన్‌పింగ్ (Xi Jinping)కు ఘ‌న స్వాగ‌తం ల‌భించింది. ట్రంప్ దంపతులు స్వ‌యంగా ఎయిర్‌పోర్టుకు వెళ్లి జిన్‌పింగ్ దంప‌తులకు గ్రాండ్ వెల్‌క‌మ్ చెప్పారు.

Divya

International | Published On Sep 24, 2026, 10.43 am IST

Xi Jinping | బీ-1 బాంబర్లు, 100 అడుగుల రెడ్ కార్పెట్‌.. అమెరికాలో జిన్‌పింగ్‌కు గ్రాండ్ వెల్‌క‌మ్‌

Xi Jinping | త్రినేత్ర న్యూస్ : అమెరికా ప‌ర్య‌ట‌న‌కు వెళ్లిన చైనా అధ్య‌క్షుడు (Chinese President) షీ జిన్‌పింగ్ (Xi Jinping)కు ఘ‌న స్వాగ‌తం ల‌భించింది. వాషింగ్ట‌న్‌లోని జాయింట్ బేస్ ఆండ్రూస్ (Joint Base Andrews)లో అమెరికా అధ్య‌క్షుడు డొనాల్డ్ ట్రంప్ (Donald Trump) త‌న స‌తీమ‌ణి, ఫ‌స్ట్‌లేడీ మెలానియాతో క‌లిసి స్వ‌యంగా ఎయిర్‌పోర్టుకు వెళ్లి జిన్‌పింగ్ దంప‌తుల‌కు స్వాగ‌తం ప‌లికారు.

సాధారణంగా అమెరికా అధ్యక్షులు విదేశీ నేతలకు ఎయిర్‌పోర్ట్‌కు వెళ్లి స్వాగతం పలకడం చాలా అరుదు. వైట్‌హౌస్‌లోనే స్వాగ‌తం ప‌లుకుతుంటారు. అయితే, ఈ సారి స్వయంగా విమానాశ్రయానికి వెళ్లి జిన్‌పింగ్ దంపతులను అధ్య‌క్షుడు ఆహ్వానించడం విశేషం. విమానం దిగి వ‌స్తున్న జిన్‌పింగ్ దంప‌తుల‌కు ట్రంప్ దంప‌తులు ఎదురెళ్లి మ‌రీ సాదర స్వాగతం పలికారు.

దాదాపు 100 అడుగుల పొడ‌వైన రెడ్ కార్పెట్ (100 foot red carpet)తో గ్రాండ్ వెల్‌క‌మ్ చెప్పారు. సైనిక గౌరవ వందనం, మిలిటరీ బ్యాండ్ ప్రదర్శనతో పాటు రెండు బీ-1 బాంబర్ విమానాలు గ‌గ‌న‌త‌లంలో చ‌క్క‌ర్లు కొట్టాయి (B1 bomber flyover). ఇక జిన్‌పింగ్ అమెరికా ప‌ర్య‌ట‌న‌కు ముందు కీల‌క ఒప్పందం కుదిరింది. అమెరికా-చైనా మధ్య వాణిజ్య ఉద్రిక్తతలకు తాత్కాలికంగా బ్రేక్‌ పడింది. ఇరు దేశాల మధ్య కుదిరిన వాణిజ్య సంధిని మరో రెండు నెలలు పొడిగిస్తూ ట్రంప్ యంత్రాంగం కీల‌క నిర్ణ‌యం తీసుకుంది.

Trump gives Xi a supersonic bomber flyover & fighter jet guard as he welcomes Chinese dictator for high-stakes visit

దాదాపు 11 ఏళ్ల‌ తర్వాత షీ జిన్‌పింగ్ అమెరికాలో అధికారికంగా పర్యటించడం ఇదే మొదటిసారి. దీంతో ఆయ‌న ప‌ర్య‌ట‌న‌పై ప్ర‌పంచ వ్యాప్తంగా ఆస‌క్తినెల‌కొంది. జిన్‌పింగ్ మూడు రోజుల పాటూ అమెరికాలో ప‌ర్య‌టించ‌నున్నారు. ఈ సంద‌ర్భంగా అధ్య‌క్షుడు ట్రంప్‌తోపాటూ ప‌లువురు పారిశ్రామిక వేత్త‌ల‌తో భేటీ కానున్నారు. ఈ భేటీలో ప్రధానంగా వాణిజ్యం (Trade), ఆర్టిఫిషియల్ ఇంటెలిజెన్స్ (AI), ఇరాన్ అంశాలతో పాటు అమెరికా-చైనా ద్వైపాక్షిక సంబంధాలను ప్రభావితం చేసే పలు కీలక విషయాలపై ఇరు దేశాల అధినేతలు చర్చించనున్నారు. అనంత‌రం వైట్‌హౌస్‌లో అధికారిక విందు ఏర్పాటు చేయ‌నున్నారు. ఈ డిన్న‌ర్‌కు ఎలాన్ మ‌స్క్‌, సుంద‌ర్ పిచాయ్‌, జెఫ్ బెజోస్‌, సామ్ ఆల్ట‌మ‌న్ స‌హా త‌దిత‌ర టెక్ దిగ్గ‌జాలు హాజ‌రుకానున్న‌ట్లు తెలుస్తోంది.

NOW: President Trump has greeted Chinese President Xi Jinping in Washington, DC with the following:

- 100-foot-long red carpet
- Salute Battery
- 21-Person Honor Cordon
- 2 three-person color teams to include the U.S. and Chinese flag
- USAF band playing fanfare and… pic.twitter.com/X7W0oOtc2u

— Jordan Conradson🇺🇸 (@ConradsonJordan) September 23, 2026