Puri Jagannath Temple | పూరీ జగన్నాథుడి సేవలో నాగచైతన్య, శోభిత జంట‌

Puri Jagannath Temple | టాలీవుడ్ స్టార్ న‌టుడు అక్కినేని నాగ‌చైత‌న్య (Naga Chaitanya) ఒడిశా పూరీలోని ప్ర‌సిద్ధ పూరీ జ‌గ‌న్నాథ ఆల‌యాన్ని సంద‌ర్శించారు. త‌న భార్య శోభిత (Sobhita Dhulipala)తో క‌లిసి శుక్ర‌వారం రాత్రి జ‌గ‌న్నాథుడిని (Puri Jagannath Temple) ద‌ర్శించుకున్నారు. ఆల‌యంలో ప్ర‌త్యేక పూజ‌లు నిర్వ‌హించి మొక్కులు చెల్లించుకున్నారు. ఈ సంద‌ర్భంగా చైతూ జంట‌కు ఆల‌య అధికారులు ప్ర‌త్యేక ద‌ర్శ‌న ఏర్పాట్లు చేశారు. ద‌ర్శ‌నానంత‌రం ఆల‌య మ‌ర్యాద‌ల‌తో స‌త్క‌రించారు. ఇందుకు సంబంధించిన ఫొటోలు, వీడియోలు వైరల్‌గా మారాయి.

https://x.com/ANI/status/2030034432921587873

వృష‌క‌ర్మలో..

సినిమాల విష‌యానికొస్తే.. నాగ‌చైత‌న్య ప్ర‌స్తుతం వృషకర్మ సినిమాలో (Vrushakarma Movie) నటిస్తున్నారు. తండేల్ సూపర్ హిట్ తర్వాత చైతూ నటిస్తున్న సినిమా కావడంతో ఈ ప్రాజెక్ట్ పై మరింత క్యూరియాసిటీ నెలకొంది. విరూపాక్ష ఫేమ్ కార్తీక్ దండు దర్శకత్వంలో వ‌స్తున్న ఈ చిత్రంలో మీనాక్షి చౌద‌రి హీరోయిన్‌గా న‌టిస్తోంది. బాలీవుడ్ న‌టుడు స్ప‌ర్శ్ శ్రీవాస్త‌వ విల‌న్‌గా న‌టిస్తోన్న ఈ మూవీలో మ‌ల‌యాళ న‌టుడు జ‌య‌రామ్ ఓ కీల‌క పాత్ర పోషిస్తున్నారు. సుకుమార్‌తో క‌లిసి సీనియ‌ర్ ప్రొడ్యూస‌ర్ బీవీఎస్ఎన్ ప్ర‌సాద్ ఈ సినిమాను నిర్మిస్తున్నారు. అజ‌నీష్ లోక‌నాథ్ మ్యూజిక్ అందిస్తున్నాడు.

హాలీవుడ్ లెవెల్‌లో..

ఈ సినిమాలో అర్జున్‌గా స్టైలిష్ క‌మ్ ప‌వ‌ర్‌ఫుల్ క్యారెక్ట‌ర్‌లో నాగ‌చైత‌న్య క‌నిపించ‌బోతున్నారు. ఈ మూవీ గ్లింప్స్‌ను గురువారం రిలీజ్ చేశారు. అతీంద్రియ శ‌క్తిని అర్జున్ ఎలా ఎదురించాడు? అనే అంశాల‌తో ఈ మూవీ తెర‌కెక్కుతోన్న‌ట్లు గ్లింప్స్ చూస్తుంటే తెలుస్తోంది. విజువ‌ల్స్‌, బీజీఎమ్‌, స్పెష‌ల్ ఎఫెక్ట్స్ హాలీవుడ్ స్థాయిలో ఉన్నాయి.

Also Read..

Vande Bharat Express | మారిన టైమింగ్స్‌.. కాచిగూడ‌, య‌శ్వంత్‌పూర్ వందే భార‌త్ ఎక్స్‌ప్రెస్ ఆ స్టేష‌న్‌కు ఎప్పుడు వ‌స్తుందంటే?

Allu Sirish Wedding Pics | అల్లు శిరీష్ పెళ్లి ఫొటోలు - హాజ‌రైన అతిథులు వీళ్లే!

Hyderabad | చిల్ అవుదామ‌ని చిల్డ్ బీర్ కొంటే.. ద‌ర్శ‌న‌మిచ్చిన‌ చేప పిల్ల‌