Vietnam Boat Capsize | వియత్నాంలో ఘోర విషాదం: స్పీడ్‌బోట్ బోల్తా.. ఏపీ, తెలంగాణకు చెందిన పర్యాటకుల మృతి

• ఘోర బోటు ప్రమాదం.
• 18 మంది భారతీయుల మృతి

Vietnam Boat Capsize | త్రినేత్ర.న్యూస్ : విహారయాత్ర కోసం ఎంతో ఉత్సాహంగా వెళ్లిన పర్యాటకులను మృత్యువు కబళించింది. వియత్నాంలో (Vietnam) శనివారం జరిగిన ఘోర బోటు ప్రమాదంలో 18 మంది భారతీయులు ప్రాణాలు కోల్పోయారు. ఫు-క్వాక్ (Phu Quoc) ద్వీపం సమీపంలో 32 మంది ఇండియన్ టూరిస్టులతో వెళ్తున్న స్పీడ్‌బోట్ అకస్మాత్తుగా బోల్తా పడటంతో ఈ దారుణం చోటుచేసుకుంది. మృతుల్లో ఆంధ్రప్రదేశ్, తెలంగాణ, తమిళనాడు రాష్ట్రాలకు చెందిన వారు ఉన్నట్లు సమాచారం.

అసలేం జరిగింది?

ప్రముఖ సెల్‌ఫోన్ కంపెనీకి చెందిన పలువురు వ్యాపార భాగస్వాములు (Business partners) కలిసి వియత్నాం ట్రిప్‌కు వెళ్లినట్లు తెలుస్తోంది. ఫు-క్వాక్‌లోని ఆన్‌థోయ్ (An Thoi) ద్వీపం దగ్గర సముద్రంలో అలల ఉధృతి తీవ్రంగా ఉండటంతో వీరు ప్రయాణిస్తున్న బోటు అదుపుతప్పి బోల్తా పడింది. ప్రమాదం జరిగిన ఐదు నిమిషాల్లోనే చుట్టుపక్కల ఉన్న ఇతర టూరిస్ట్ బోట్లు అక్కడికి చేరుకుని రెస్క్యూ ఆపరేషన్ (Rescue operations) ప్రారంభించాయి. అయితే, చాలా మంది టూరిస్టులు బోటు లోపలే చిక్కుకుపోవడంతో ప్రాణనష్టం ఎక్కువగా జరిగిందని సహాయక చర్యల్లో పాల్గొన్న వారు చెబుతున్నారు.

అప్రమత్తమైన భారత ఎంబసీ.. హెల్ప్‌లైన్ నంబర్లు ఇవే

ఈ ఘటనపై వియత్నాంలోని భారత ఎంబసీ తీవ్ర విచారం వ్యక్తం చేసింది. స్థానిక అధికారులతో సమన్వయం చేసుకుంటూ సహాయక చర్యలను ముమ్మరం చేసినట్లు వెల్లడించింది. బాధితుల కుటుంబాలకు సమాచారం అందించేందుకు, సహాయం కోసం రెండు ప్రత్యేక కంట్రోల్ రూమ్‌లను (Control rooms) ఏర్పాటు చేసింది. ఏవైనా వివరాలు కావాల్సిన వారు ఈ కింది నంబర్లను సంప్రదించవచ్చు.

హోచిమిన్ సిటీ కంట్రోల్ రూమ్ నంబర్లు: +84 36 281 7930, +84 91 552 37 14, +84 33 452 0414

హనోయ్ కంట్రోల్ రూమ్ నంబర్: +84 91 308 9165

ఏడాది క్రితం ఇదే తరహాలో

వియత్నాంలో ఇలాంటి ఘోరాలు జరగడం ఇదే తొలిసారి కాదు. సరిగ్గా ఏడాది క్రితం (జూలై 2025లో) హా లాంగ్ బే (Ha Long Bay) వద్ద తుఫాను కారణంగా జరిగిన ఓ బోటు ప్రమాదంలో 20 మంది చిన్నారులు సహా 35 మంది పర్యాటకులు మృతి చెందారు. ఆ విషాదం మరువకముందే ఇప్పుడు సముద్రంలో అలల ఉధృతికి భారతీయులు బలవ్వడం టూరిస్టుల భద్రతపై తీవ్ర ఆందోళన రేకెత్తిస్తోంది. పూర్తి వివరాలు, కచ్చితమైన మృతుల సంఖ్యను స్థానిక అధికారులు నిర్ధారించాల్సి ఉంది.

In a tragic incident, a boat carrying several Indian tourists has capsized near Phu Quoc Island in Vietnam a few hours ago.

Exact details of the incident are being ascertained as search and rescue operations by local authorities are ongoing.

In order to provide information…

— India in Vietnam (@AmbHanoi) July 11, 2026