Dost Notification | ఇంట‌ర్‌పాసైన విద్యార్థుల‌కు అల‌ర్ట్‌.. ఈనెల 15 నుంచి దోస్త్ ప్ర‌వేశాల ప్ర‌క్రియ ప్రారంభం

Dost Notification | ఇంట‌ర్ పాసై డిగ్రీ క‌ళాశాల‌ల్లో చేరాల‌నుకునే విద్యార్థుల‌కు కీల‌క అప్‌డేట్‌. తెలంగాణ రాష్ట్రంలోని వివిధ డిగ్రీ కళాశాలల్లో (BA, BCom, BSc, BBA, BCA, BSW) ప్రవేశాల కోసం 'దోస్త్' (Degree Online Services, Telangana - DOST) ప్రక్రియ ప్రతి ఏటా నిర్వహిస్తారు. 2026-27 విద్యా సంవత్సరానికి సంబంధించి దోస్త్ ప్రవేశాల ప్రక్రియ ఏప్రిల్ 15వ తేదీ నుంచి ప్రారంభం కానుంది. ఇందుకు సంబంధించిన షెడ్యూల్‌ను (Dost Notification) ఉన్నత విద్యామండలి నేడు విడుద‌ల చేయ‌నుంది.

రాష్ట్రవ్యాప్తంగా ఉన్న వివిధ యూనివర్సిటీల పరిధిలోని డిగ్రీ కోర్సుల్లో ప్రవేశాలకు ఈ ప్రక్రియ నిర్వహించనున్నారు.
ప్ర‌భుత్వ డిగ్రీ కళాశాలల్లో ఇప్పటివరకు ఒకవైపు చదువుకుంటూ, మరోవైపు ఇంటర్న్‌షిప్‌ చేస్తూ డబ్బులు సంపాదించే అప్రెంటిస్‌షిప్‌ ఎంబెడెడ్‌ డిగ్రీ ప్రోగ్రామ్ (ఏఈడీపీ)లను పెద్ద సంఖ్యలో ప్రవేశపెట్టనున్నారు. ఇప్పటివరకు వాటిల్లో 3600 వరకు సీట్లు ఉండగా.. మరో 1800 సీట్లు భర్తీ కానున్నాయి. ఏఈడీపీలో విద్యార్థులు చేరే విధంగా.. వారికి మరింత అవగాహన కల్పించి ఇంటర్న్‌షిప్‌తో పాటు స్టైపెండ్‌ ఇవ్వాలని కళాశాల విద్యాశాఖ తాజాగా నిర్ణయించింది. ఇందులో భాగంగానే ఏఈడీపీ సీట్ల‌ను ఏకంగా 11 వేల‌కు పెంచుతోంది. ఇందులో కనీసం 8 వేల సీట్లయినా భర్తీ అయ్యేలా చర్యలు చేపట్టాలని కళాశాల విద్యాశాఖ అధికారులను ఆదేశించింది. అర్హులైన విద్యార్థులు నిర్ణీత గడువులోగా దరఖాస్తు చేసుకోవాల్సి ఉంటుంది.

Also Read..

రాబోయే ఏడు రోజుల పాటు రాష్ట్రంలో ఎండ‌ల తీవ్ర‌త ఎక్కువే.. ప్ర‌జ‌లు బ‌య‌ట‌కు రావొద్దు

మీ ప్రజా ప్రభుత్వంలో ప్రశ్నలు అడగడం నేరమా సీత‌క్క‌?: ఆర్ఎస్ ప్ర‌వీణ్ కుమార్

నాసిక్ ల‌వ్ జిహాద్ కేసు.. తెలంగాణ ప్ర‌భుత్వానికి బండి సంజ‌య్ కీలక సూచన..