Heatwave | భానుడి భ‌గ‌భ‌గ‌లు.. తెలంగాణ‌లో 40 డిగ్రీలు దాటిన ఉష్ణోగ్ర‌త‌లు

Heatwave | దేశంలో ఈ ఏడాది ఎండల తీవ్రత (Heatwave) మునుపెన్నడూ లేని విధంగా ముందే మొదలైంది. వేసవి కాలం పూర్తిగా రాకముందే దేశవ్యాప్తంగా సూర్యుడు త‌న ప్ర‌తాపం చూపిస్తున్నాడు. ఉష్ణోగ్ర‌త‌లు రికార్డు స్థాయిలో న‌మోద‌వుతున్నాయి. తెలంగాణ (Telangana) రాష్ట్రంలోనూ ఎండ‌తీవ్ర‌త విప‌రీతంగా పెరిగింది. నేడు ఉత్తర, తూర్పు తెలంగాణ జిల్లాల్లో 40 నుంచి 41 డిగ్రీల సెల్సియస్‌గా ఉష్ణోగ్ర‌త‌లు న‌మోద‌య్యాయి. హైద‌రాబాద్ (Hyderabad) న‌గ‌రంలోనూ ఉష్ణోగ్ర‌త‌లు 38 డిగ్రీల సెల్సియ‌స్‌గా ఉంది. దీంతో ప్ర‌జ‌లు తీవ్ర ఇబ్బందులు ప‌డుతున్నారు. ఉక్క‌పోత‌తో అల్లాడిపోతున్నారు. ఇళ్ల నుంచి బ‌య‌ట‌కు రావాలంటేనే జంకుతున్నారు. దీంతో మ‌ధ్యాహ్నం స‌మ‌యంలో రోడ్ల‌న్నీ ఖాళీగా ద‌ర్శ‌న‌మిస్తున్నాయి.

అటు ఆంధ్ర‌ప్ర‌దేశ్‌లోనూ ఎండ‌ తీవ్ర‌త పెరిగింది. అనంత‌పురం, క‌ర్నూలు, క‌డ‌ప‌, తిరుప‌తి, అమ‌రావ‌తి, విశాఖ స‌హా ప‌లు రాష్ట్రాల్లో ఉష్ణోగ్ర‌త‌లు 38 డిగ్రీల సెల్సియ‌స్ దాటాయి. సాధార‌ణం కంటే రెండు డిగ్రీలు అధికంగా న‌మోద‌య్యాయి. రాబోయే మూడు రోజుల్లో రాష్ట్రంలో గ‌రిష్ఠ ఉష్ణోగ్ర‌త‌లు 3 డిగ్రీల వ‌ర‌కూ పెరిగే అవ‌కాశం ఉంద‌ని అధికారులు తెలిపారు. ఇక దేశ వ్యాప్తంగానూ భానుడు ప్ర‌తాపం చూపుతున్నాడు. గత 15 ఏళ్లలో ఎన్నడూ లేనంత ముందుగానే ఢిల్లీలో ఉష్ణోగ్రతలు 35 డిగ్రీలు దాటిన‌ట్లు భార‌త వాతావ‌ర‌ణ శాఖ (IMD) తెలిపింది.

Also Read..

Daniel Vettori | పాక్ ప్లేయ‌ర్‌ను కొన‌డంపై వివ‌ర‌ణ ఇచ్చిన స‌న్ రైజ‌ర్స్ కోచ్‌

KTR | ఒత్తిడికి గురికాకండి.. ఆత్మ‌విశ్వాసంతో ముందుకు సాగండి : ప‌ది విద్యార్థుల‌కు కేటీఆర్ ఆల్‌ది బెస్ట్‌

Harish Rao | రాజ్యాంగాన్ని ర‌క్షించ‌డ‌మంటే ఇదేనా..? రాహుల్ గాంధీకి హ‌రీశ్‌రావు లేఖ‌