Adluri Laxman Kumar | మంత్రి అడ్లూరి లక్ష్మణ్ కుమార్‌కు అవమానం

Adluri Laxman Kumar | త్రినేత్ర‌.న్యూస్ : షెడ్యూల్ కులాల అభివృద్ధి శాఖ మంత్రి అడ్లూరి ల‌క్ష్మ‌ణ్ కుమార్‌కు అవ‌మానం ఎదురైంది. జ‌యశంకర్ భూపాలపల్లి జిల్లా క‌లెక్ట‌రేట్‌లో ఏర్పాటు చేసిన‌ సమీక్ష సమావేశం ఫ్లెక్సీలో మంత్రి అడ్లూరి లక్ష్మణ్ ఫొటోకు స్థానం ల‌భించ‌లేదు. వ‌రంగ‌ల్, హ‌నుమ‌కొండ‌, భూపాల‌ప‌ల్లి జిల్లాల ఎస్సీ, ఎస్టీ సంక్షేమ వ‌స‌తి గృహాలు, గురుకులాల ప‌నితీరుపై సంబంధిత అధికారుల‌తో మంత్రి అడ్లూరి స‌మీక్ష స‌మావేశం నిర్వ‌హించారు.

ఈ స‌మావేశం సంద‌ర్భంగా ఏర్పాటు చేసిన ఫ్లెక్సీలో మంత్రి అడ్లూరి ల‌క్ష్మ‌ణ్ ఫొటో లేక‌పోవ‌డం చ‌ర్చ‌నీయాంశంగా మారింది. అధికారుల పనితీరుపై మంత్రి మ‌ద్ద‌తుదారులు, కాంగ్రెస్ పార్టీ శ్రేణులు నిప్పులు చెరుగుతున్నారు. ద‌ళిత మంత్రి ప‌ట్ల అధికారులు వివ‌క్ష చూపించ‌డం స‌రికాద‌ని మండిప‌డ్డారు. అధికారుల తీరు ప‌ట్ల మంత్రి అడ్లూరి కూడా తీవ్ర అస‌హ‌నం వ్య‌క్తం చేసిన‌ట్లు స‌మాచారం.