Nayanathra | య‌శ్ టాక్సిక్ కోసం స్టైల్ మార్చిన న‌య‌న‌తార తార – గ్లామ‌ర్ లుక్‌లో లేడీ సూప‌ర్ స్టార్‌

కేజీఎఫ్, కేజీఎఫ్ 2 బ్లాక్‌బ‌స్ట‌ర్స్ త‌ర్వాత క‌న్న‌డ స్టార్‌ య‌శ్ హీరోగా న‌టిస్తున్న మూవీ టాక్సిక్‌. గ్యాంగ్‌స్ట‌ర్ యాక్ష‌న్ డ్రామాగా రూపొందుతున్న ఈ భారీ బ‌డ్జెట్ సినిమాకు నేష‌న‌ల్ అవార్డ్ విన్న‌ర్ గీతూ మోహ‌న్ దాస్ ద‌ర్శ‌క‌త్వం వ‌హిస్తున్నారు. గ‌త కొన్నాళ్లుగా ఈ పాన్ ఇండియ‌న్ మూవీ నుండి బ్యాక్‌ టూ బ్యాక్ అప్‌డేట్స్‌తో అభిమానుల‌ను స‌ర్‌ప్రైజ్ చేస్తున్నారు మేక‌ర్స్‌. తాజాగా బుధ‌వారం న‌య‌న‌తార ఫ‌స్ట్ లుక్ పోస్ట‌ర్‌ను రిలీజ్ చేశారు. ఈ పోస్ట‌ర్‌లో మోడ్ర‌న్ లుక్‌లో న‌య‌న‌తార క‌నిపిస్తోంది. ఓ చేతిలో గ‌న్ మ‌రో చేతికి గ్లౌజ్ ధ‌రించి ఓ పెద్ద‌ మ‌హ‌ల్ నుంచి ఠీవీగా న‌డుచుకుంటూ వ‌స్తున్న‌ట్లుగా డిఫ‌రెంట్‌గా న‌య‌న‌తార పోస్ట‌ర్‌ను మేక‌ర్స్ డిజైన్ చేశారు. టాక్సిక్‌లో గంగ అనే పాత్ర‌లో న‌య‌న‌తార క‌నిపించ‌నున్న‌ట్లు పేర్కొన్నారు. గ్లామ‌ర్‌తో కూడిన ఓ ప‌వ‌ర్‌ఫుల్ క్యారెక్ట‌ర్‌ను న‌య‌న్ చేయ‌బోతున్న‌ట్లు తెలుస్తోంది. న‌య‌న‌తార ఫ‌స్ట్ లుక్ సోష‌ల్ మీడియాలో వైర‌ల్ అవుతోంది. ఇటీవ‌లే కియారా అద్వానీ, హ్యూమా ఖురేషి క్యారెక్ట‌ర్ల‌ను అభిమానుల‌కు ప‌రిచ‌యం చేశారు. వ‌రుస‌గా హీరోయిన్ల పోస్ట‌ర్ల‌ను రిలీజ్ చేస్తూ సినిమాపై ఉన్న అంచ‌నాల‌ను పెంచేస్తున్నారు.

య‌శ్‌కు జోడీ కాదు...

కాగా టాక్సిక్ మూవీలో న‌య‌న‌తార పాత్ర‌కు సంబంధించి ఓ ఇంట్రెస్టింగ్ న్యూస్ సోష‌ల్ మీడియాలో చ‌క్క‌ర్లు కొడుతోంది. ఈ సినిమాలో య‌శ్‌కు జోడీగా కాకుండా అత‌డి సోద‌రిగా న‌య‌న‌తార క‌నిపించ‌బోతున్న‌ట్లు వార్త‌లు వినిపిస్తున్నాయి. రెగ్యుల‌ర్ హీరోయిన్ రోల్స్‌కు భిన్నంగా న‌య‌న్ పాత్ర‌ ఉంటుంద‌ట‌. హ్యుమా ఖురేషితో పాటు న‌య‌న‌తార క్యారెక్ట‌ర్‌ నెగెటివ్ షేడ్స్‌తో సాగుతుంద‌ని అంటున్నారు.

న‌లుగురు హీరోయిన్లు...

టాక్సిక్ మూవీలో న‌య‌న‌తార‌తో పాటు కియారా అద్వానీ, రుక్మిణి వ‌సంత్‌, తారా సుతారియా హీరోయిన్లుగా న‌టిస్తున్నారు. హ్యుమా ఖురేషి కీల‌క పాత్ర‌లో న‌టిస్తోంది. ఈ సినిమాలో న‌లుగురు హీరోయిన్లు న‌టించ‌బోతుండ‌టం ఆస‌క్తిక‌రంగా మారింది.
టాక్సిక్ మూవీలో హీరోగా న‌టిస్తూనే ఈ సినిమాకు డైరెక్ట‌ర్ గీతూ మోహ‌న్‌దాస్‌తో క‌లిసి క‌థ‌ను అందిస్తున్నారు య‌శ్‌. అంతే కాకుండా ఈ పాన్ ఇండియ‌న్ మూవీకి ఓ ప్రొడ్యూస‌ర్‌గా కూడా వ్య‌వ‌హ‌రిస్తున్నారు. టాక్సిక్ మూవీ మార్చి 19న క‌న్న‌డ‌, తెలుగుతో పాటు మ‌రో నాలుగు భాష‌ల్లో రిలీజ్ కాబోతుంది.