Hardik Pandya | గ‌ర్ల్‌ఫ్రెండ్‌కు ఖ‌రీదైన కారును గిఫ్ట్‌గా ఇచ్చిన హార్దిక్ పాండ్యా.. ఫొటో వైర‌ల్‌

Hardik Pandya | టీమ్ ఇండియా స్టార్ ఆల్ రౌండర్, ముంబై ఇండియన్స్ కెప్టెన్ హార్దిక్ పాండ్యా (Hardik Pandya) తన గర్ల్ ఫ్రెండ్ మ‌హీకా శ‌ర్మ (Mahika Sharma)పై త‌న‌కున్న ప్రేమ‌ను మ‌రోసారి చాటుకున్నారు. ఇప్ప‌టికే త‌న విజ‌యాల‌కు మ‌హీకానే కార‌ణ‌మ‌ని క్రెడిట్ ఇచ్చిన‌ ఈ ఆల్‌రౌండ‌ర్‌.. ఇప్పుడు ఓ ఖ‌రీదైన కారును బ‌హుమ‌తిగా ఇచ్చి ఆమెపై త‌న‌కున్న ప్రేమ‌ను చాటుకున్నారు. సుమారు 1.7 కోట్ల ఖ‌రీదైన మెర్సిడెస్‌ బెంజ్ వీ క్లాస్ (Mercedes-Benz V-Class) కారును గిఫ్ట్ చేశాడు.

మ‌రో విశేషం ఏంటంటే..? ఈ మోడల్ కారును ఇండియాలో అందుకున్న మొట్టమొదటి వ్యక్తి మహికానే కావడం. ఆ కారు వ‌ద్ద ఈ ప్రేమ జంట దిగిన ఫొటోలు ప్ర‌స్తుతం సోష‌ల్ మీడియాలో వైర‌ల్‌గా మారాయి. వీటిని చూసిన నెటిజ‌న్లు కంగ్రాట్స్ చెబుతూ కామెంట్లు పెడుతున్నారు. కేవలం రెండు నెల‌ల వ్య‌వ‌ధిలోనే ఖ‌రీదైన మూడు కార్లు కొన‌డంపై ఫ్యాన్స్ ఆశ్చ‌ర్యం వ్య‌క్తం చేస్తున్నారు.

కాగా, వ్య‌క్తిగ‌త కార‌ణాల‌తో భారత స్టార్ క్రికెట‌ర్‌ హార్దిక్ పాండ్యా ఇటీవ‌లే త‌ర‌చూ వార్త‌ల్లో నిలుస్తున్న విష‌యం తెలిసిందే. ముఖ్యంగా త‌న ల‌గ్జ‌రీ లైఫ్ స్టైల్‌తో అంద‌రినీ అట్రాక్ట్ చేస్తున్నారు. గ‌త నెల త‌న కుమారుడు అగ‌స్త్య‌కు రూ.4 కోట్ల ఖ‌రీదైన విలాసవంతమైన ల్యాండ్ రోవర్ డిఫెండర్ యూఎస్‌వీని బ‌హుమ‌తిగా అందించిన విష‌యం తెలిసిందే. ఆ త‌ర్వాత రూ.12 కోట్ల విలువ చేసే లగ్జరీ ఫెరారీ 12సిలిండ్రి (Ferrari 12 Cilindri) కారును కొనుగోలు చేసి అంద‌రి దృష్టిని ఆక‌ర్షించారు. ఇప్పుడు మ‌రో సూప‌ర్ కారును కొనుగోలు చేసి వార్త‌ల్లో నిలిచారు. ఇక ఐపీఎల్‌లో భాగంగా వాంఖ‌డే స్టేడియంలో ఆదివారం జ‌రిగిన మ్యాచ్‌లో హార్దిక్ సార‌థ్యంలోని ముంబై జ‌ట్టు ఆరు వికెట్ల తేడాతో కోల్‌క‌తాపై విజ‌యం సాధించిన విష‌యం తెలిసిందే.

Also Read..

టాలీవుడ్ డైరెక్ట‌ర్‌తో స‌ల్మాన్ ఖాన్ బాలీవుడ్ మూవీ - సెన్సేష‌న‌ల్ కాంబో లోడింగ్‌!

ఫొటోషూట్ కోసం ఏనుగుకు గులాబీ రంగేసిన టూరిస్ట్‌.. నెట్టింట తీవ్ర విమ‌ర్శ‌లు

సహజీవనం చేస్తున్నా భార్యాభర్తలే : 2027 జనాభా లెక్కల్లో కేంద్రం సంచలన నిర్ణయం