MLC Dasoju Sravan | జేఎన్‌టీయూలో గ్రూప్-1 మూల్యాంక‌నం : ఎమ్మెల్సీ దాసోజు శ్ర‌వ‌ణ్

MLC Dasoju Sravan | త్రినేత్ర.న్యూస్ : గ్రూప్-1 మూల్యాంకనం సెంటర్ ఫర్ గుడ్ గవర్నెన్స్లో జరిగిందని ప్రభుత్వం చెప్తుంది.. కానీ జేఎన్టీయూలో జరిగినట్లు ఆర్టీఐ ద్వారా వెల్లడైందని బీఆర్ఎస్ ఎమ్మెల్సీ దాసోజు శ్రవణ్ పేర్కొన్నారు. శాసనమండలిలో దాసోజు శ్రవణ్ మాట్లాడుతూ.. గ్రూప్-1 అభ్యర్థుల సమస్యలతో పాటు జీవో 46 బాధితులకు సంబంధించిన అంశాలను ప్రభుత్వం దృష్టికి తీసుకెళ్లారు. గ్రూప్-1 పరీక్షతో పాటు జీవో 46 బాధితులకు సంబంధించి ఒక విషయాన్ని ప్రభుత్వం దృష్టికి తీసుకొచ్చే ప్రయత్నం చేస్తున్నాను. విద్యార్థుల ఉద్యమం, వారి త్యాగాల ద్వారా తెలంగాణను తెచ్చుకున్నాం. దురదృష్టం ఏంటంటే వారి సమస్యలు పరిష్కారం కాలేదు. ఇవాళ గ్రూప్-1 పరీక్ష నిర్వహణ కూడా సరిగ్గా జరగకపోవడంతో వారు కోర్టుల చుట్టు తిరగాల్సిన ఒక దుర్భరమైన పరిస్థితి ఏర్పడింది. సుప్రీంకోర్టు, హైకోర్టు అంటూ తిరుగుతున్నారు. ఈ నేపథ్యంలో కాంగ్రెస్ ప్రభుత్వానికి కీలకమైన అప్పీల్ చేస్తున్నాను. మన పిల్లలను కోర్టుల చుట్టూ తిప్పి, లక్షల మంది విద్యార్థులను ఇబ్బందులకు గురి చేసే బదులుగా ప్రభుత్వం ఈ సభ ద్వారా ఒక వైట్ పేపర్ను రిలీజ్ చేసి అసలు గ్రూప్-1 పరీక్షల ద్వారా జరిగిన లాభాలు ఏంటి..? నష్టాలు ఏంటి..? అని వెల్లడిస్తే బాగుంటుందన్నారు దాసోజు శ్రవణ్. ఎందుకు ఇవాళ విద్యార్థులు కోర్టుల చుట్టు తిరుగుతున్నారు. కోట్ల రూపాయాలు పెట్టి ఖరీదైన లాయర్లతో వాదనలు వినిపిస్తున్నారు. వాస్తవానికి సెంటర్ ఫర్ గుడ్ గవర్నెన్స్లో మెయిన్స్ మూల్యాంకనం జరిగిందని చెప్తారు. ఆర్టీఐ ప్రకారం జేఎన్టీయూలో మూల్యాంకనం జరిగినట్లు వెల్లడైంది. ఇది మొత్తం అస్తవ్యస్తంగా ఉంది. సీజీజీలో జరిగిందని ప్రభుత్వం చెప్తుంది.. జేఎన్టీయూలో జరిగిందని ఆర్టీఐ సమాధానం చెప్తుంది. అలా మన పిల్లలను, భవిష్యత్ తరాలను కోర్టుల చుట్టు తిప్పి నానారకాలుగా ఇబ్బందులకు గురి చేస్తున్నారు అని ఎమ్మెల్సీ శ్రవణ్ ఆవేదన వ్యక్తం చేశారు. ఇక జీవో 46 ఉన్న తప్పిదాలను సరిదిద్దుతాం అని ఈ ప్రభుత్వం అధికారంలోకి వచ్చే ముందు చెప్పింది. న్యాయం చేస్తామని వారిని కూడా ఎన్నికల్లో పెద్ద ఎత్తున వాడుకుంది. దాంతో లక్షల మంది విద్యార్థులు ఎన్నికల్లో కాంగ్రెస్ పార్టీకి అనుకూలంగా ప్రచారం చేశారు. అధికారంలోకి వచ్చాక జీవో 46పై ఎన్నిసార్లు విజ్ఞప్తులు చేసినా కాంగ్రెస్ సర్కార్ పట్టించుకోలేదు. వారు కూడా సుప్రీంకోర్టులో పిటిషన్ దాఖలు చేశారు. మన పిల్లలను కోర్టుల చుట్టు తిరగనివ్వకుండా వారి సమస్యలను పరిష్కరించి ఆదుకోవాలని ప్రభుత్వానికి విజ్ఞప్తి చేస్తున్నట్లు ఎమ్మెల్సీ దాసోజు శ్రవణ్ పేర్కొన్నారు.

MLC Dasoju Sravan | జేఎన్‌టీయూలో గ్రూప్-1 మూల్యాంక‌నం : ఎమ్మెల్సీ దాసోజు శ్ర‌వ‌ణ్

FOLLOW US

ట్యాగ్స్:

సంబంధిత వార్తలు

Telangana Assembly | రేప‌టితో తెలంగాణ అసెంబ్లీ స‌మావేశాలు ముగింపు..!

Krishna Basin | 299 టీఎంసీల‌కు ఒప్పుకున్న‌ది కేసీఆరే : మంత్రి ఉత్త‌మ్ కుమార్ రెడ్డి

MLC Kavitha | కాల్వ‌ల్లో కంప చెట్లు.. కాంగ్రెస్, బీఆర్ఎస్‌పై క‌విత ఫైర్

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Ashes Series 2025-26 | యాషెస్ సిరీస్ 5వ టెస్టు.. తొలి ఇన్నింగ్స్‌లో ఇంగ్లండ్ 384 ప‌రుగుల‌కు ఆలౌట్‌..

Sankranti Movies | సంక్రాంతి సినిమాల టికెట్ ధ‌ర‌లు పెర‌గ‌నున్నాయా? - సినీ ల‌వ‌ర్స్‌పై భారం ప‌డ‌నుందా?

5th Jan 2026 Gold And Silver Rates | వెనెజువెలాపై అమెరికా చ‌ర్య ఎఫెక్ట్‌.. పెరిగిన బంగారం ధ‌ర‌లు..

POPULAR LINKS

Pre Approved Loans | ప్రీ అప్రూవ్డ్ లోన్స్ అంటే ఏమిటి..? వీటిని తీసుకుంటే ఏమ‌వుతుంది..?

Telangana | నేడు న‌ల్ల‌మ‌ల సాగ‌ర్‌పై సుప్రీంకోర్టులో విచారణ‌.. ఢిల్లీలోనే రేవంత్ మ‌కాం..!