Elephant | ఉపాధి హామీ పథకం పనులకు వెళ్తే.. ఏనుగు చంపేసింది

Elephant | త్రినేత్ర న్యూస్ : కేర‌ళం(Keralam)లో విషాద ఘ‌ట‌న చోటు చేసుకుంది. అడ‌వి ఏనుగు (Elephant) దాడిలో 80 ఏళ్ల వృద్ధురాలు ప్రాణాలు కోల్పోయింది. సోమ‌వారం ఉద‌యం కొల్లాం (Kollam) జిల్లాలోని అటవీ ప్రాంతానికి ఆనుకుని ఉన్న పత్తనాపురం ప్రాంతంలో ఈ ఘ‌ట‌న చోటు చేసుకుంది.

పోలీసులు తెలిపిన వివ‌రాల ప్ర‌కారం.. కడశేరి నివాసి రాజమ్మ (80) ఇవాళ ఉద‌యం ఉపాధి హామీ పథకంలో (VB-G RAM G) భాగంగా ప‌నికి వెళ్లింది. అక్క‌డ ఫొటోలు దిగుతుండ‌గా ఒక్క‌సారిగా ఏనుగు వారిపైకి దూసుకొచ్చింది. తోటి కూలీలు ప్రాణ భ‌యంతో ప‌రుగులు తీశారు. అయితే, వ‌య‌సు మీద ప‌డటంతో రాజ‌మ్మ ప‌రిగెత్త‌లేక‌పోయింది. ఈ క్ర‌మంలో ఏనుగు దాడికి బ‌లైంది. రాజ‌మ్మ‌ను అడ‌వి ఏనుగు తొక్కి చంపేసింది. గ‌జ‌రాజును అడ్డుకునేందుకు తోటి కూలీలు ఎంత ప్ర‌య‌త్నించినా ఫ‌లితం లేదు.

స‌మాచారం అందుకున్న అట‌వీ శాఖ అధికారులు హుటాహుటిన అక్క‌డికి చేరుకొని ఏనుగును అడ‌విలోకి త‌రిమి కొట్టారు. రాజ‌మ్మ మృత‌దేహాన్ని పోస్టుమార్టం నిమిత్తం పున‌లూర్ తాలూకా ఆసుప‌త్రికి త‌ర‌లించారు. ఈ ఘ‌ట‌న‌తో కూలీలు తీవ్ర భ‌యాందోళ‌న‌కు గుర‌య్యారు. ఏనుగుల దాడి ఘటనలు ఈ ప్రాంతంలో సర్వసాధారణం అయిపోయాయని స్థానికులు వాపోయారు. అటవీ ప్రాంతానికి సమీపంలో నివసిస్తున్న ప్ర‌జ‌లు, ప‌ని నిమిత్తం వెళ్లే వాళ్లు ప్రాణాల‌ను అర‌చేతిలోపెట్టుకుని తిరుగుతున్నార‌ని ఆందోళ‌న వ్య‌క్తం చేశారు.

Also Read..

మెదడు గుట్టుపై అధ్య‌య‌నం.. ఈ ఏడాది ముగ్గురికి వైద్య నోబెల్‌

రాజ్య‌స‌భ‌ బ‌రిలో ప్ర‌ముఖ న‌టి.. బీజేపీలో చేరిన గంట‌ల వ్య‌వ‌ధిలోనే

కోహినూర్‌లో 25 శాతం వాటా తీసుకున్న‌వ్‌.. అయ్యకు అబ్బకు పుడ్తే అబ‌ద్ద‌మ‌ని చెప్పు