Rahul Gandhi | ఫారమ్-6లో మార్పులు చేయ‌మ‌ని టీసీఎస్‌ను ఎవ‌రు ఆదేశించారు..? ఎన్నిక‌ల సంఘాన్ని ప్ర‌శ్నించిన రాహుల్‌

Rahul Gandhi | త్రినేత్ర న్యూస్ : కొత్త ఓటర్ల నమోదు కోసం ఉపయోగించే ఆన్‌లైన్ ఫారమ్-6లో చేసిన మార్పులు చట్టవిరుద్ధమని కాంగ్రెస్ అగ్ర‌నేత రాహుల్ గాంధీ (Rahul Gandhi) ఆరోపించారు. ఈ మేర‌కు ఆ మార్పులు చేయ‌మని టాటా కన్సల్టెన్సీ సర్వీసెస్ (TCS)ను ఎవ‌రు ఆదేశించారంటూ ప్ర‌శ్నించారు. ఈ మార్పులు చేసేలా టీసీఎస్‌పై ఏదైనా ఒత్తిడి ఉందా..? అని సందేహం వ్య‌క్తం చేశారు. ఈ మేర‌కు రాహుల్ ఎక్స్ వేదిక‌గా ట్వీట్ పెట్టారు.

"కొత్త ఓట‌రు న‌మోదు కోసం ఉప‌యోగించే ఆన్‌లైన్ ఫార‌మ్‌-6లో నిబంధ‌న‌ల‌కు విరుద్ధంగా మార్పులు చేశారు. ఈ మార్పులు చేయాల‌ని టాటా కన్సల్టెన్సీ సర్వీసెస్ (TCS)ను ఎన్నికల సంఘం (ECI)లో ఏ అధికారి ఆదేశించారు..? TCS తరఫున దీనిపై ఎవరు సంతకం చేశారు..? ఈ మార్పులు చేసేలా టీసీఎస్‌పై ఏదైనా ఒత్తిడి ఉందా..?" అంటూ రాహుల్ ప్ర‌శ్న‌ల వ‌ర్షం కురిపించారు.

కుట్ర వెనుక మోదీ-షా

ఫార‌మ్‌-6లో మార్పుల‌పై కాంగ్రెస్ ప్ర‌ధాన కార్య‌ద‌ర్శి జైరాం ర‌మేష్ (Jairam Ramesh) తీవ్ర స్థాయిలో విమ‌ర్శ‌లు గుప్పించారు. ఎన్నికల జాబితా నుంచి జెన్-జీ (Gen Z) ఓటర్లను తొలగించేందుకు 2026 జూలై మధ్య చీఫ్ ఎలక్షన్ కమిషనర్ (CEC) జ్ఞానేశ్ కుమార్ అసాధారణ రీతిలో రాజ్యాంగ విరుద్ధంగా ఈ మార్పులు చేశారని విమర్శించారు. ఈ మొత్తం కుట్ర వెనుక ప్ర‌ధాన మంత్రి న‌రేంద్ర మోదీ, కేంద్ర హోం మంత్రి అమిత్ షా ప్ర‌మేయం ఉంద‌ని ఆరోపించారు.

Form 6 changes were introduced by the CEC unconstitutionally in mid-July 2026 to remove Gen Z voters from the electoral roll. Clearly, the move was orchestrated by the PM-HM duo. https://t.co/V9H5UG1Zj1

— Jairam Ramesh (@Jairam_Ramesh) October 1, 2026

Also Read..

ఆయన పేరు గుర్తుంచుకోండి.. ఇండియ‌న్ పైల‌ట్‌పై ఇజ్రాయెల్ ప్ర‌శంస‌ల వ‌ర్షం

అత‌డు ఒక హీరో.. కెప్టెన్ స్మిత్ మ‌చ్చ‌ర్‌ను కొనియాడిన ప్ర‌ధాని మోదీ

సెట్స్‌పై ఐదు సినిమాలు.. అయినా తగ్గని నయన్ జోరు - లేడీ సూప‌ర్ హీరోగా!