Mamata Banerjee | బొగ్గు స్కామ్ సొత్తు ఎవ‌రు తింటున్నారు..? ప్రెన్ డ్రైవ్‌లో అన్ని ఆధారాలున్నాయి : మ‌మ‌తా బెన‌ర్జీ

Mamata Banerjee | పొలికల్ కన్సల్టెన్సీ సంస్థ ఐ-ప్యాక్ కార్యాలయంపై ఎన్ఫోర్స్మెంట్ డైరెక్టరేట్ సోదాలు నిర్వహించడాన్ని నిరసిస్తూ అధికార తృణమూల్ కాంగ్రెస్ పార్టీ కోల్కతాలో భారీ నిరసన ర్యాలీ నిర్వహించింది. ర్యాలీలో ముఖ్యమంత్రి మమతా బెనర్జీ పాల్గొన్నారు. ఈ సందర్భంగా ఆమె మాట్లాడుతూ ఎవరైనా తనను రాజకీయంగా లక్ష్యంగా చేసుకునేందుకు ప్రయత్నిస్తే.. తాను మరింత బలంగా తయారావుతానన్నారు. ఎన్నికల సంఘం సహాయం బీజేపీ మహారాష్ట్రలో ప్రజా తీర్పుకు వ్యతిరేకంగా గెలిపించిందని, అదే వ్యూహాన్ని బెంగాల్లో పునరావృతం చేసేందుకు ప్రయత్నిస్తుందని ఆరోపించారు. ఐ-ప్యాక్ కార్యాలయంపై జరిగిన దాడి సమయంలో తన పార్టీ వ్యూహం తెలుసుకునేందుకే జరిగిందన్నారు. ఢిల్లీలో నిరసనల సమయంలో పోలీసులు తమ ఎంపీలపై దాడి చేస్తే.. బెంగాల్లో బీజేపీకి రెడ్ కార్పెట్ స్వాగతం లభిస్తోందని మమతా అన్నారు. తాను నిన్న చేసింది సరైందేనని.. తన పార్టీ డేటా దొంగిలించేందుకు ప్రయత్నం జరిగిందంటూ వ్యాఖ్యానించారు. ఢిల్లీలోని ఒక సీనియర్ బీజేపీ నేతకు బొగ్గు కుంభకోణం నిధులు అందుతున్నాయని.. అవసరమైతే అందుకు సంబంధించిన రుజువులను సైతం తాను ప్రజల ముందు ఉంచగలుగుతానన్నారు. బీజేపీలో చేరిన మాజీ టీఎంసీ నేతల ద్వారా బొగ్గు కుంభకోణం డబ్బుల బదిలీ జరిగిందని ఆరోపించారు. కేంద్ర హోంమంత్రి అమిత్ షా, బీజేపీ నాయకుడు సువేందు అధికారి సహా పలువురు నేతల పేర్లు ప్రస్తావిస్తూ.. తన పెన్డ్రైవ్లో ఆధారాలున్నాయంటూ హెచ్చరించారు. "వారంతా బొగ్గు కుంభకోణం గురించి మాట్లాడుతున్నారని.. కానీ, కోల్ స్కామ్ డబ్బును ఎవరు తింటున్నారు ? దాన్ని ఎలా తింటున్నారు ? అది ద్రోహుల (టీఎంసీ మాజీ నేతలు) ద్వారా వెళ్తుంది. జగన్నాథ్ నుంచి సువేందు, అమిత్ షా వరకు ఒక లింక్ ఉంది. నా వద్ద పెన్డ్రైవ్లో అన్ని ఆధారాలు ఉన్నాయి. సమయం వచ్చినప్పుడు నేను వాటిని విడుదల చేస్తాను" అని మమత సంచలన వ్యాఖ్యలు చేశారు. ఈ సందర్భంగా సర్ కార్యక్రమంపై సైతం మండిపడ్డారు. అసోంలో ఎందుకు సర్ కార్యక్రమాన్ని ప్రారంభించలేదన్నారు. బెంగాలీ మాట్లాడితే.. బంగ్లాదేశీగా ముద్రవేస్తారని.. బెంగాల్లో రోహింగ్యాలున్నారని అంటున్నారని.. కానీ, వారంతా ఎక్కడున్నారు? అంటూ విమర్శించారు. అసోంలో రోహింగ్యాలు లేకపోతే అక్కడ ఎందుకు సర్ కార్యక్రమాన్ని ప్రారంభించలేదంటూ నిలదీశారు. మహారాష్ట్ర, హర్యానాలో చేసినట్లే బెంగాల్లో అధికారంలోకి రావాలనుకుంటున్నారని.. కానీ, అది సాధ్యం కాదన్నారు. రాబోయే అసెంబ్లీ ఎన్నికల్లో తామే గెలుస్తామన్నారు. కేంద్రంలో బీజేపీ ప్రభుత్వం 2029 వరకు కొనసాగదంటూ వ్యాఖ్యానించారు.

Mamata Banerjee | బొగ్గు స్కామ్ సొత్తు ఎవ‌రు తింటున్నారు..? ప్రెన్ డ్రైవ్‌లో అన్ని ఆధారాలున్నాయి : మ‌మ‌తా బెన‌ర్జీ

FOLLOW US

ట్యాగ్స్:

సంబంధిత వార్తలు

Planetary Transits | రాశుల‌ను మార్చుకోనున్న నాలుగు గ్ర‌హాలు.. ఏ రాశుల‌వారిపై ఎలాంటి ప్ర‌భావం ప‌డుతుందంటే..?

WPL 2026 | అట్ట‌హాసంగా మొద‌లైన వుమెన్స్ ప్రీమియ‌ర్ లీగ్‌.. అల‌రించిన హ‌ర్నాజ్‌, జాక్వెలిన్‌

Excise Department | ఎక్సైజ్‌శాఖ‌లో 90 మంది అధికారుల‌కు ప‌దోన్న‌తులు.. ఉత్త‌ర్వులు జారీ చేసిన క‌మిష‌న‌ర్

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Azharuddin | మాజీ క్రికెట‌ర్ మంత్రి ప‌ద‌వి నిలిచేనా?.. నిజామాబాద్ స్థానిక సంస్థ‌ల ఎమ్మెల్సీ అభ్య‌ర్థిగా అజారుద్దీన్‌?

Audi Car | అర్ధ‌రాత్రి ఆడీకారు బీభ‌త్సం.. ఒక‌రు మృతి, 15 మందికి గాయాలు

Ferrite Bead | కొన్ని ర‌కాల‌ చార్జ‌ర్ కేబుల్స్‌కు ఉండే ఈ స్థూపం ఉపయోగం ఏంటో తెలుసా..?

POPULAR LINKS

Cardamom | భోజ‌నం చేసిన త‌రువాత యాల‌కుల‌ను తినండి.. ఎంతో మేలు క‌లుగుతుంది..!

Traffic Restrictions | అయ్య‌ప్ప‌ భక్తులకు అలర్ట్.. ఆ మార్గాల్లో వాహనాలకు నో ఎంట్రీ