Cardamom | భోజ‌నం చేసిన త‌రువాత యాల‌కుల‌ను తినండి.. ఎంతో మేలు క‌లుగుతుంది..!

Cardamom | యాలకులను మనం తరచూ వంటల్లో వేస్తుంటాం. యాలకులను వేయడం వల్ల వంటకాలకు చక్కని వాసన, రుచి వస్తాయి. యాలకులను ఎక్కువగా మసాలా వంటకాలతోపాటు తీపి వంటకాల్లోనూ వేస్తుంటారు. అయితే ఇవి అనేక పోషకాలను కలిగి ఉంటాయి. మనకు అనేక లాభాలను అందిస్తాయి. భోజనం చేసిన అనంతరం చాలా మంది లవంగాలు లేదా సోంపు గింజలను తింటారు. అయితే యాలకులను కూడా తినవచ్చని ఆయుర్వేద వైద్యులు చెబుతున్నారు. భోజనం అనంతరం యాలకులను నమిలితే అనేక ఆరోగ్య ప్రయోజనాలు కలుగుతాయని అంటున్నారు. నోటి సమస్యలకు.. యాలకులను క్వీన్ ఆఫ్ స్పైసెస్గా పిలుస్తారు. ఇవి నిజంగానే అలాంటి రుచిని, ఔషధ గుణాలను అందిస్తాయి. యాలకులను పలు ఆయుర్వేద ఔషధాల తయారీలోనూ ఉపయోగిస్తారు. పలు చికిత్సల్లోనూ వీటిని వాడుతారు. ఇక భోజనం అనంతరం రెండు యాలకులను తీసుకుని నేరుగా నమిలి మింగితే అనేక వ్యాధులను నయం చేసుకోవచ్చని ఆయుర్వేద వైద్య నిపుణులు సూచిస్తున్నారు. యాలకులను నమలడం వల్ల నోట్లో ఉండే బ్యాక్టీరియా నశిస్తుంది. దీంతో నోటి దుర్వాసన తగ్గుతుంది. యాలకులను మౌత్ ఫ్రెషనర్గా ఉపయోగించవచ్చు. వీటి వల్ల నోరు, దంతాలు, చిగుళ్లు ఆరోగ్యంగా ఉంటాయి. దంత క్షయం రాకుండా అడ్డుకోవచ్చు. చిగుళ్ల నుంచి కారే రక్తస్రావం తగ్గుతుంది. అధిక బరువు తగ్గేందుకు.. యాలకులను తినడం వల్ల జీర్ణాశయ ఎంజైమ్లు సరిగ్గా ఉత్పత్తి అవుతాయి. ఇవి మనం తిన్న ఆహారాన్ని సులభంగా, వేగంగా జీర్ణం చేస్తాయి. దీంతో అజీర్తి తగ్గుతుంది. గ్యాస్ సమస్య నుంచి ఉపశమనం లభిస్తుంది. కడుపు ఉబ్బరం, అసిడిటీ ఉన్నవారు యాలకులను తింటుంటే ఎంతగానో ప్రయోజనం ఉంటుంది. యాలకుల వల్ల జీర్ణాశయ కండరాలు ప్రశాంతంగా మారుతాయి. దీంతో పొట్ట భారంగా అనిపించదు. ఆహారం సులభంగా జీర్ణం అవుతుంది. జీర్ణ వ్యవస్థ ఆరోగ్యంగా ఉంటుంది. భోజనం చేసిన అనంతరం యాలకులను తింటుంటే శరీరంలోని వ్యర్థాలు సులభంగా బయటకు వెళ్లిపోతాయి. ముఖ్యంగా లివర్, కిడ్నీలు శుభ్రంగా మారుతాయి. అలాగే శరీర మెటబాలిజం సైతం పెరుగుతుంది. దీంతో క్యాలరీలు ఖర్చవుతాయి. కొవ్వు కరుగుతుంది. అధిక బరువు తగ్గుతారు. ఇలా అధిక బరువును తగ్గించుకునేందుకు కూడా యాలకులు పనిచేస్తాయి. ఆకలి అదుపులో.. సాధారణంగా కొందరికి భోజనం చేసిన అనంతరం కాసేపటికి ఆకలి అయినట్లు అనిపిస్తుంది. దీంతో అలాంటి వారు అప్పటికే భోజనం చేసి ఉంటారు కనుక ఈసారి చిరుతిండి తింటారు. ఇలా చిరుతిండికి చాలా మంది అలవాటు పడతారు. దీంతో శరీరంలో అనవసరంగా క్యాలరీలు చేరతాయి. బరువు పెరుగుతారు. అయితే భోజనం చేసిన అనంతరం యాలకులను నమిలి తింటుంటే మళ్లీ ఆకలి అవకుండా ఉంటుంది. దీంతో చిరు తిండి జోలికి వెళ్లరు. తద్వారా బరువును నియంత్రణలో ఉంచుకోవడం తేలికవుతుంది. ఇక యాలకులను తింటుంటే రక్త నాళాలు ప్రశాంతంగా మారి రక్త సరఫరా మెరుగు పడుతుంది. దీంతో బీపీ తగ్గుతుంది. అందువల్ల హైబీపీ ఉన్నవారికి యాలకులు ఎంతో మేలు చేస్తాయి. అలాగే యాలకులను నమిలితే రోగ నిరోధక శక్తి పెరుగుతుంది. దీని వల్ల దగ్గు, జలుబు వంటి సీజనల్ వ్యాధులకు చెక్ పెట్టవచ్చు. ఇలా యాలకులు మనకు ఎంతో మేస్తాయి.

Cardamom | భోజ‌నం చేసిన త‌రువాత యాల‌కుల‌ను తినండి.. ఎంతో మేలు క‌లుగుతుంది..!

FOLLOW US

ట్యాగ్స్:

సంబంధిత వార్తలు

Vitamin B12 Veg Foods | విట‌మిన్ బి12 కోసం నాన్ వెజ్‌ అక్క‌ర్లేదు.. ఈ వెజ్ ఆహారాల‌ను కూడా తీసుకోవ‌చ్చు..

Fennel Seeds Water | బ‌రువు త‌గ్గేందుకు, జీర్ణ స‌మ‌స్య‌ల‌కు.. సోంపు గింజ‌ల నీళ్లు.. ఇంకా ఎన్నో లాభాలు..!

Eggs For Vitamin B12 | కోడిగుడ్ల‌ను ఇలా వండి తినండి.. అధిక మొత్తంలో విట‌మిన్ బి12 ల‌భిస్తుంది..

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Shruti Haasan | మౌనంగా ఉండాల్సిన సమయం దాటిపోయింది : శృతి హాసన్‌

CM Revanth Reddy | నేను డాక్ట‌ర్‌ను కాదు.. కానీ సోష‌ల్ డాక్ట‌ర్‌ను : సీఎం రేవంత్ రెడ్డి

Sreeleela | శ్రీలీల బ్యాడ్‌ల‌క్ కంటిన్యూ - త‌మిళ డెబ్యూ మూవీ ప‌రాశ‌క్తికి డిజాస్ట‌ర్ టాక్‌

POPULAR LINKS

Viral Video | వంట మనిషి వికృత చేష్టలు.. రోటీలపై ఉమ్మి వేసి కాల్చి..

Shubman Gill | ప్ర‌పంచ‌క‌ప్‌లో ద‌క్క‌ని చోటు.. మౌనం వీడిన శుభ్‌మ‌న్ గిల్‌..!