Kiren Rijiju | మీరు నియ‌మించిన అధికారులే క‌ద‌.. మ‌రి అప్పుడెలా ఓడిపోయారు.. స‌ర్‌, ఎన్నిక‌ల ప్ర‌క్రియపై కాంగ్రెస్‌కు ఐదు ప్ర‌శ్న‌లు సంధించిన కేంద్ర మంత్రి

Kiren Rijiju | త్రినేత్ర న్యూస్ : విదేశీ శక్తులతో చేతులు కలిపి భారత రాజ్యాంగాన్ని, ప్రజాస్వామ్యాన్ని అస్థిరపరిచేందుకు కాంగ్రెస్ (Congress) పార్టీ కుట్ర పన్నుతోందని కేంద్ర పార్ల‌మెంట‌రీ వ్య‌వ‌హారాల శాఖ మంత్రి కిర‌ణ్ రిజుజు (Kiren Rijiju) ఆరోపించారు. జ్ఞానేశ్ కుమార్ సీఈసీగా (CEC Gyanesh Kumar) లేని స‌మ‌యంలో జ‌రిగిన ఎన్నిక‌ల్లో కూడా కాంగ్రెస్ పార్టీ ఓడిపోయిన విష‌యాన్ని ప్ర‌స్తావించారు. గ‌తంలో కాంగ్రెస్ ప్ర‌భుత్వ హ‌యాంలో జ‌రిగిన స‌ర్ ప్ర‌క్రియ‌, ఎన్నిక‌ల విధానాల‌పై స‌మాధానం చెప్పాల‌ని డిమాండ్ చేశారు. ఈ మేర‌కు ఎక్స్ వేదిక‌గా ఐదు కీల‌క‌ ప్ర‌శ్న‌ల‌ను సంధించారు.

కాంగ్రెస్ పార్టీ నియమించిన ఎన్నికల కమిషనర్ల హయాంలోనే 2014 లోక్‌సభ ఎన్నికలు జరిగాయ‌ని, మరి అప్పుడు కాంగ్రెస్ కేవలం 44 స్థానాలకే ఎందుకు పరిమితమైంది..? అంటూ రిజుజు ప్ర‌శ్నించారు. 2024 ఎన్నిక‌ల స‌మ‌యంలో జ్ఞానేశ్ కుమార్ సీఈసీగా లేర‌ని.. మ‌రి అప్పుడెందుకు హ‌స్తం పార్టీ హ్యాట్రిక్ ఓట‌మిని చ‌విచూడాల్సి వ‌చ్చింది..? అంటూ నిల‌దీశారు. 2014 నుంచి 2026 మధ్య కాలంలో ఎన్నికల ప్రక్రియ ద్వారా అధికారంలోకి వచ్చిన ప్రస్తుత కాంగ్రెస్ ముఖ్యమంత్రులు తమ పదవులకు రాజీనామా చేసి.. దేశ ప్రజలకు క్షమాపణలు చెబుతారా..? అని ప్ర‌శ్నించారు.

ఓటర్ల జాబితా నుంచి అక్రమ వలసదారులు, మృతి చెందినవారు, వేరే ప్రాంతాలకు వ‌ల‌స వెళ్లిన‌వారిని, నకిలీ ఓటర్ల పేర్లను తొలగించాలా వద్దా..? అంటూ ప్ర‌శ్నించారు. 1952-56, 1958-61, 1965-66, 1983-84, 1987-88, 1993, 1995, 2002-2004 లలో చేపట్టిన ప్రత్యేక సమగ్ర ఓటర్ల జాబితా సవరణ (SIR) ప్రక్రియలన్నీ చట్టవిరుద్ధమేనా..? అంటూ నిల‌దీశారు. ఈ ప్ర‌శ్న‌ల‌కు కాంగ్రెస్ పార్టీ స‌మాధానాలు చెప్పాల‌ని రిజుజు స‌వాల్ విసిరారు.

I challenge Congress party to answer to the basic questions:

1. How did congress get only 44 MPs in 2014 Lok Sabha election when Election Commissioners were appointed by their Govt?

2. When Gyanesh Kumar was not CEC in 2024, how did Congress face a hatric defeat?

3. Will present congress CMs resign & also apologize for forming the Govts during 2014 to 2026?

4. Should all the names in voter lists who are illegal immigrants, dead, shifted or duplicate be removed from voter list or not?

5. Were SIRs carried out in 1952-56, 1958-61, 1965-66, 1983-84, 1987-88, 1993, 1995, and 2002-2004 illegal?

One family party with outside forces is trying to destroy the Constitution & Indian Democracy.

— Kiren Rijiju (@KirenRijiju) October 31, 2026

Also Read..

ఇండీ కూట‌మి మార్చ్‌కు పోలీసులు అనుమ‌తి నిరాక‌ర‌ణ‌.. ర్యాలీపై ఉత్కంఠ‌

ప్లాస్టిక్ క‌రెన్సీ నోట్లు వ‌చ్చేస్తున్నాయి.. ఎప్పటి నుంచి అంటే.. ఆర్‌బీఐ కీల‌క నిర్ణ‌యం..?

మెదడుతోనే ప్రపంచాన్ని చూడొచ్చు.. ఎలాన్‌ మస్క్‌ న్యూరాలింక్‌ సంచలనం!