Udhayanidhi Stalin | స‌నాత‌నాన్ని నిర్మూలించ‌డం అంటే.. గుడికి వెళ్లొద్ద‌ని కాదు : ఉద‌య‌నిధి స్టాలిన్‌

Udhayanidhi Stalin | స‌నాత‌న ధ‌ర్మాన్ని (Sanatan Dharma) నిర్మూలించాలంటూ తాను చేసిన వ్యాఖ్య‌ల‌పై డీఎంకే నేత, తమిళనాడు ప్రతిపక్ష నేత ఉదయనిధి స్టాలిన్ (Udhayanidhi Stalin) వివ‌ర‌ణ ఇచ్చారు. త‌న వ్యాఖ్య‌ల‌ను ప్ర‌త్య‌ర్థులు త‌ప్పుగా అర్థం చేసుకున్నార‌ని అన్నారు. స‌నాత‌న విధానాల‌ను నిర్మూలించ‌డం అంటే.. ప్ర‌జ‌లు గుడికి వెళ్ల‌కూడ‌ద‌ని కాద‌ని స్ప‌ష్టం చేశారు. కేవ‌లం ఆల‌యాల్లో మాత్ర‌మే కాకుండా.. యావ‌త్ స‌మాజంలో ప్ర‌తి ఒక్క‌రికీ స‌మాన హ‌క్కులు ఉండాల‌న్న‌ది త‌న ఉద్దేశం అని చెప్పుకొచ్చారు.

ప్ర‌జ‌ల‌ను ఎగువ‌, దిగువ కులాలుగా విభ‌జించే ప‌ద్ధ‌తుల (abolish caste system) గురించే తాను మాట్లాడాన‌ని వివ‌రించారు. అలాంటి వివ‌క్ష‌ను అంతం చేయాల‌న్నారు. తాను పెరియార్ ఇవి రామ‌స్వామి, బీఆర్ అంబేద్క‌ర్‌, సీఎన్ అన్నాదురై, క‌రుణానిధి వంటి సామాజిక న్యాయ పోరాట యోధులు బోధించిన సిద్ధాంతాల‌నే అనుస‌రిస్తున్న‌ట్లు చెప్పారు. ఎంత‌మంది ఎన్ని విమ‌ర్శ‌లు చేసినా తాను భ‌య‌ప‌డ‌బోడ‌న‌ని.. కుల వ్య‌వ‌స్థ‌పై పోరాడుతూనే ఉంటాన‌ని ఉద‌య‌నిధి స్ప‌ష్టం చేశారు.

కాగా, ఎమ్మెల్యేగా ప్ర‌మాణ స్వీకారం సంద‌ర్భంగా ఈనెల 12న త‌మిళ‌నాడు అసెంబ్లీలో ఉద‌య‌నిధి మాట్లాడారు. ఈ సంద‌ర్భంగా స‌నాత‌న ధ‌ర్మం గురించి కీల‌క వ్యాఖ్య‌లు చేశారు. ప్ర‌జ‌ల‌ను విభ‌జిస్తున్న స‌నాత‌నాన్ని నిర్మూలించాలంటూ వ్యాఖ్యానించారు. ఆయ‌న వ్యాఖ్య‌ల‌పై తీవ్ర విమ‌ర్శ‌లు వ్య‌క్త‌మ‌య్యాయి. దీంతో త‌న వ్యాఖ్య‌ల‌పై ఉద‌య‌నిధి తాజాగా స్ప‌ష్ట‌త‌నిచ్చారు.

Also Read..

వ‌చ్చే ఏడాది నుంచి ఆన్‌లైన్‌లో నీట్ ప‌రీక్ష‌.. ప్ర‌క‌టించిన కేంద్ర మంత్రి

ఎన్నిక‌లు ముగిశాయి.. మోదీ వ‌సూళ్లు మొద‌ల‌య్యాయి.. ఇంధ‌న ధ‌ర‌ల పెంపుపై కాంగ్రెస్ విమ‌ర్శ‌లు

ఎన్నిక‌లు ముగిశాయి.. మోదీ వ‌సూళ్లు మొద‌ల‌య్యాయి.. ఇంధ‌న ధ‌ర‌ల పెంపుపై కాంగ్రెస్ విమ‌ర్శ‌లు