Actor Dhanush | నాకు ఏ పార్టీ మ‌ద్ద‌తూ లేదు.. నా వెనుక బలమైన అభిమాన గణం ఉంది : ధ‌నుష్‌

Actor Dhanush | త్రినేత్ర న్యూస్ : త‌మిళ స్టార్ ధ‌నుష్ (Actor Dhanush) రాజ‌కీయాల్లోకి ఎంట్రీ ఇచ్చేందుకు సిద్ధ‌మ‌వుతున్నారంటూ గ‌త కొంత‌కాలంగా జోరుగా ప్ర‌చారం జ‌రుగుతున్న విష‌యం తెలిసిందే. ఇప్ప‌టికే ఆయ‌న ‘తమిళగ ఎళుచ్చి కళగం (Thamizhaga Ezhuchi Kazhagam) పేరుతో పార్టీ పేరును ఎన్నిక‌ల సంఘం వ‌ద్ద రిజిస్టర్ చేయించినట్లుగా కూడా వార్త‌లు వినిపిస్తున్నాయి. ఆయ‌న‌కు భార‌తీయ జ‌న‌తా పార్టీ (BJP) తెర‌వెనుక మ‌ద్ద‌తు ఇస్తోందంటూ ప్ర‌చారం జ‌రుగుతోంది. ఈ నేప‌థ్యంలో బీజేపీ మ‌ద్ద‌తు ప్ర‌చారంపై ధ‌నుష్ క్లారిటీ ఇచ్చారు. త‌న‌కు దైవాశీస్సులు, అభిమానులు, ప్ర‌జ‌ల మ‌ద్ద‌తు త‌ప్ప ఏ పార్టీ మద్దతూ లేదని తేల్చిచెప్పారు.

తన తాజా చిత్రం ‘ఓం’ ఆడియో విడుదల కార్యక్రమంలో పాల్గొన్న ధనుష్ ఈ మేర‌కు క్లారిటీ ఇచ్చారు. "నా గురించి అనేక‌ వదంతులు ప్ర‌చారంలో ఉన్నాయి. కొందరు నా వెనుక ఉన్నారని, మరికొందరు నాకు మద్దతు ఇస్తున్నారని వార్తలు వినిపిస్తున్నాయి. నాకు ఏ వ్యక్తి లేదా సంస్థ ప్రత్యేకంగా మద్దతు ఇవ్వడం లేదు. నన్ను దేవుడు న‌డిపిస్తున్నాడు. నా వెనుక బలమైన అభిమాన గణం ఉంది. ప్రజలు నాకు మ‌ద్ద‌తుగా ఉన్నారు. నాకు ఏ వ్య‌క్తి, సంస్థ మ‌ద్ద‌తు ఇవ్వడం లేదు" అని ధ‌నుష్ స్ప‌ష్టం చేశారు.

చెన్నైలో త‌న అభిమాన సంఘం మ‌హిళా విభాగంతో (women functionaries) ధ‌నుష్ గ‌త నెల‌ ప్ర‌త్యేకంగా స‌మావేశమైన విష‌యం తెలిసిందే. ఈ స‌మావేశానికి రాష్ట్ర వ్యాప్తంగా దాదాపు 3,000 నుంచి 5,000 మంది మ‌హిళ‌లు హాజ‌ర‌య్యారు. వారంద‌రితో ధ‌నుష్ మాట్లాడారు. ఈ సంద‌ర్భంగా వారితో ఫొటోలు కూడా దిగారు. దీపావ‌ళి పండుగ‌ను దృష్టిలో పెట్టుకుని త‌న మ‌హిళా అభిమానుల‌కు వెండి దీపాల‌ను ధ‌నుష్ కానుక‌గా ఇచ్చారు. అయితే, ఆ దీపాల‌పై భార‌తీయ జ‌న‌తా పార్టీ ఎన్నిక‌ల గుర్తు అయిన తామ‌ర పువ్వు (క‌మ‌లం) ముద్ర ఉండ‌టంతో ఆయ‌నకు బీజేపీ మ‌ద్ద‌తు ఉందంటూ వార్త‌లు పుట్టుకొచ్చాయి. దీనిపై ధ‌నుష్ క్లారిటీ ఇచ్చారు.

Also Read..

రోహిత్ శెట్టి ఇంటిపై కాల్పులు.. లారెన్స్​ బిష్ణోయ్ సన్నిహితుడు హ్యారీ బాక్సర్ అరెస్ట్

పండుగ‌ వేళ ఎఫ్‌డీఏ కొరడా.. బ్లింకిట్, జెప్టో లైసెన్సులు రద్దు.. డీమార్ట్‌పై చ‌ర్య‌లు

ఈ 20 కాస్త 420గా మారింది.. కేంద్రంపై రాహుల్ గాంధీ ప్రశ్నల వర్షం