Surekha Vani | సురేఖా వాణి ఇన్‌స్టాగ్రామ్ అకౌంట్ హ్యాక్ – అడ్వాంటేజ్ తీసుకోవ‌ద్దంటూ వార్నింగ్‌

Surekha Vani |  టాలీవుడ్ న‌టి సురేఖా వాణి ఇన్‌స్టాగ్రామ్ అకౌంట్ హ్యాక్ అయ్యింది. ఈ విష‌యాన్ని ఆమె స్వ‌యంగా వెల్ల‌డించింది. వ్యూస్‌, రీచ్ కోసం త‌న ప‌రిస్థితిని అడ్వాంటేజ్ తీసుకుంటే ఊరుకోనంటూ వార్నింగ్ ఇచ్చింది. సురేఖ‌వాణి వ్య‌క్తిగ‌త జీవితానికి సంబంధించిన ఓ వీడియో ప్రస్తుతం సోష‌ల్ మీడియాలో వైర‌ల్ అవుతోంది. ఇందులో ఓ యువ‌కుడితో ఈ టాలీవుడ్ న‌టి చాలా స‌న్నిహితంగా క‌నిపిస్తోంది. ఇది డీప్‌ఫేక్ వీడియోనా? నిజ‌మా అన్న‌ది చ‌ర్చ‌నీయాంశంగా మారింది. ఆ యువ‌కుడిని సురేఖావాణి పెళ్లిచేసుకోబోతుందంటూ ప్ర‌చారం మొద‌లైంది.

అనుమ‌తి లేకుండానే...

ఈ వీడియోపై సురేఖావాణి క్లారిటీ ఇచ్చింది. "నా ఇన్‌స్టాగ్రామ్ అకౌంట్ హ్యాక్ అయ్యింది. అనుమ‌తి లేకుండానే నా వ్య‌క్తిగ‌త కంటెంట్ లీక్ అయ్యింది. ఎవ‌రైనా కంటెంట్‌ను షేర్ చేస్తే వారిపై చ‌ట్ట‌ప‌రంగా చ‌ర్య‌లు తీసుకుంటాను. వ్యూస్ రీచ్ కోసం నేను ఉన్న ఈ ప‌రిస్థితిని అడ్వాంటేజ్‌గా తీసుకోవాల‌ని చూస్తే ఊరుకోను. నా వ్య‌క్తిగ‌త ప్రైవ‌సీని గౌర‌వించాల‌ని కోరుతున్నా" అంటూ సురేఖ వాణి సోష‌ల్ మీడియాలో ఓ పోస్ట్ పెట్టింది. ఇది చాలా సీరియ‌స్ మ్యాటర్ అంటూ పేర్కొన్న‌ది. ఈ పోస్ట్‌తో లీక్‌డ్ వీడియోపై క్లారిటీ ఇచ్చింది.

సోష‌ల్ మీడియా రూమ‌ర్లు...

గ‌త కొంత‌కాలంగా సినిమాల‌తో కంటే సోష‌ల్ మీడియాలో రూమ‌ర్లు, వివాదాల‌తోనే సురేఖా వాణి పేరు ఎక్కువ‌గా వినిపిస్తోంది. సినిమాలు త‌గ్గించింది. శీనుగాడు చిరంజీవి ఫ్యాన్ అనే మూవీతో క్యారెక్ట‌ర్ ఆర్టిస్ట్‌గా టాలీవుడ్‌లో సురేఖావాణి కెరీర్ మొద‌లైంది. నాయ‌క్‌, బాద్‌షా, శ్రీమంతుడు, పిల్లా నువ్వులేని జీవితంతో పాటు తెలుగులో వంద‌కుపైగా సినిమాలు చేసింది. సురేఖావాణి బాట‌లోనే ఆమె కూతురు సుప్రీత కూడా అడుగులు వేసింది. ప్ర‌స్తుతం హీరోయిన్‌గా కొన్ని సినిమాలు చేస్తోంది.

 

View this post on Instagram

 

A post shared by Surekhavani (@artist_surekhavani)