Suvendu Adhikari | కాళీమాత ఆల‌యంలో చేప‌ల కూర‌ తిన్న బెంగాల్ సీఎం

Suvendu Adhikari | త్రినేత్ర‌.న్యూస్ : కౌశికి అమావాస్య (Kaushiki Amavasya) సంద‌ర్భంగా కోల్‌క‌తా కాళీఘాట్ (Kalighat)లోని కాళీమాత అమ్మ‌వారి ఆల‌యాన్ని బెంగాల్ ముఖ్య‌మంత్రి సువేందు అధికారి (Suvendu Adhikari) సంద‌ర్శించారు. గురువారం ఆల‌యంలో అమ్మ‌వారికి ప్ర‌త్యేక పూజ‌లు నిర్వ‌హించారు. ఈ సంద‌ర్భంగా అక్క‌డ నాన్‌వెజ్ తిన్నారు. చేపలు, బ‌సంతి పులావ్‌తో కూడిన ఆల‌య సంప్ర‌దాయ‌మైన భోగ్ (నైవేద్యం)ను స్వీక‌రించారు. ఇందుకు సంబంధించిన వీడియో ప్ర‌స్తుతం వైర‌ల్ అవుతోంది. ఈ ఆల‌యంలో కాళీమాత‌కు సంప్ర‌దాయం ప్ర‌కారం మేక మాంసం, చేప‌ల్ని నైవేద్యంగా స‌మ‌ర్పిస్తారు. ఆ త‌ర్వాత ఆ నైవేద్యాన్ని ప్ర‌సాదంగా భ‌క్తుల‌కు పంచుతారు.

కాగా, ప్ర‌స్తుతం బెంగాల్‌లో దుర్గాపూజ వేళ మాంసాహారాన్ని తీసుకోవ‌డంపై చ‌ర్చ జ‌రుగుతున్న విష‌యం తెలిసిందే. ఇటీవ‌లే భ‌గేశ్వ‌ర్ ధామ్‌కు చెందిన ధీరేంద్ర శాస్త్రి ఓ కార్య‌క్ర‌మంలో మాట్లాడుతూ.. దుర్గా పూజ సమయంలో బెంగాలీ హిందువులు మాంసాహారానికి దూరంగా ఉండాలని పిలుపునిచ్చారు. దుర్గాపూజ వేళ నాన్ వెజ్ తింటున్న బెంగాలీల‌ను పాకండులుగా అభివ‌ర్ణించారు. ఆయ‌న వ్యాఖ్య‌ల‌తో నాన్‌వెజ్ అంశంపై జోరుగా చ‌ర్చ మొదలైంది. ఈ నేప‌థ్యంలో సీఎం కాళీ మాత ఆల‌యాన్ని సంద‌ర్శించి నాన్‌వెజ్ ప్ర‌సాదాన్ని స్వీక‌రించ‌డం ఆస‌క్తిక‌రంగా మారింది.

Putting all controversy at rest. CM Suvendu Adhikari is currently eating Kalighat Kali Maa's Fish Bhog. Today is the final Amavasya and it's a special day for us pic.twitter.com/rLIqwcWg3u

— Sudhanidhi Bandyopadhyay (@SudhanidhiB) September 10, 2026

Also Read..

క‌శ్మీరీలు జైల్లో ఉండాల‌ని కాంగ్రెస్ కోరుకుంటోందా..? : వందేమాత‌రం ఆలాప‌న‌పై మిత్ర‌ప‌క్షాన్ని ప్ర‌శ్నించిన సీఎం ఒమ‌ర్ అబ్దుల్లా

మ‌హారాష్ట్ర‌లో ఘోర రోడ్డు ప్ర‌మాదం.. 14 మంది మృతి

మ‌ల‌యాళ బ్యూటీతో రామ్ రొమాన్స్ - తెలుగులో మ‌రో ఛాన్స్ కొట్టేసిన సంయుక్త‌