Samyuktha | మ‌ల‌యాళ బ్యూటీతో రామ్ రొమాన్స్ – తెలుగులో మ‌రో ఛాన్స్ కొట్టేసిన సంయుక్త‌

Samyuktha |  మ‌ల‌యాళ బ్యూటీ సంయుక్త మీన‌న్ తెలుగులో మ‌రో క్రేజీ ఛాన్స్ అందుకుంది. రామ్ పోతినేనితో రొమాన్స్ చేయ‌బోతుంది. టాలీవుడ్‌లో మంచి బ్లాక్‌బ‌స్ట‌ర్ స‌క్సెస్ కోసం ఎదురుచూస్తున్న రామ్ ఫ‌స్ట్ టైమ్ మెగా ఫోన్ ప‌ట్టాడు. తానే హీరోగా న‌టిస్తూ స్వీయ ద‌ర్శ‌క‌త్వంలో ఓ సైక‌లాజిక‌ల్ థ్రిల్ల‌ర్ సినిమా చేస్తున్నాడు. దాదాపు వంద కోట్ల బ‌డ్జెట్‌తో ఈ మూవీ రూపొందుతోన్న‌ట్లు స‌మాచారం. ఈ సినిమాకు రామ్ త‌మ్ముడు కృష్ణ పోతినేని నిర్మాత‌గా వ్య‌వ‌హ‌రిస్తున్నారు. ఇందులో వీర అనే పాత్ర‌లో రామ్ క‌నిపించ‌బోతున్నాడు. రగ్గ్‌డ్ లుక్‌లో ఫుల్ మాస్ యాంగిల్‌లో అత‌డి పాత్ర సాగుతుంద‌ని స‌మాచారం.

పోస్ట‌ర్ రిలీజ్‌...

ఈ సైక‌లాజిక‌ల్ థ్రిల్ల‌ర్ సినిమాలో హీరోయిన్ క‌న్ఫామ్ అయ్యింది. రామ్ స‌ర‌స‌న సంయుక్త మీన‌న్ ఈ సినిమాలో న‌టిస్తోంది. ఈ విష‌యాన్ని గురువారం మేక‌ర్స్ అధికారికంగా ప్ర‌క‌టించారు. సంయుక్త మీన‌న్ బ‌ర్త్‌డే సంద‌ర్భంగా ఆమెకు విషెస్ చెబుతూ ఓ పోస్ట‌ర్‌ను రిలీజ్ చేశారు. ఈ పోస్ట‌ర్‌లో సింపుల్ లుక్‌లో సంయుక్త క‌నిపించింది. ఆమె వెనుక వీ అనే అక్ష‌రం ఉండ‌టం ఆస‌క్తిని పంచుతోంది.
రామ్ డైరెక్ష‌న‌ల్ డెబ్యూ మూవీ షూటింగ్ శ‌ర‌వేగంగా సాగుతోంది. ఈ ఏడాది డిసెంబ‌ర్‌లో సినిమాను రిలీజ్ చేసేందుకు మేక‌ర్స్ స‌న్నాహాలు చేస్తున్నారు.

మ‌రో మూడు సినిమాలు...

ప్ర‌స్తుతం తెలుగులో ఐదు సినిమాలు చేస్తూ ఫుల్ బిజీగా ఉంది సంయుక్త మీన‌న్‌. రామ్ మూవీతో పాటు బ్లాక్‌గోల్డ్ పేరుతో ఓ లేడీ ఓరియెంటెడ్ మూవీలో న‌టిస్తోంది. ఇందులో పోలీస్ ఆఫీస‌ర్‌గా క‌నిపించ‌బోతుంది. ఇదే కాకుండా నిఖిల్ స్వ‌యంభూ, పూరి జ‌గ‌న్నాథ్‌, విజ‌య్ సేతుప‌తి మూవీ స్ల‌మ్‌డాగ్ 33 టెంపుల్ రోల్‌లో సంయుక్త మీన‌న్ హీరోయిన్‌గా న‌టిస్తోంది. ఈ సినిమాల‌న్ని ఈ ఏడాదే థియేట‌ర్ల‌లోకి రాబోతున్నాయి.