Shaking well | బావిలో నిరంత‌రం ఎగ‌సిప‌డుతున్న అల‌లు.. వీడియో వైర‌ల్‌

Shaking well | త్రినేత్ర‌.న్యూస్ :గుజరాత్‌ (Gujarat)లోని మోర్బీ (Morbi) జిల్లాలో విచిత్ర ఘ‌ట‌న వెలుగు చూసింది. విర్పర్ద గ్రామంలోని ఒక వ్యవసాయ బావిలో నీళ్లు వాటంతట అవే ఉవ్వెత్తున ఎగసిపడుతూ అలల మాదిరిగా అటూ ఇటూ క‌దులుతున్నాయి (Shaking well). ఈ ఘ‌ట‌న గ్రామ‌స్థుల‌ను, స్థానిక అధికారులు ఆశ్చ‌ర్యానికి గురి చేస్తోంది.

గ్రామానికి చెందిన ప్రాంజీవన్ సదరియా అనే రైతు పొలంలో ఈ వింత ఘ‌ట‌న చోటు చేసుకుంది. పొలంలో దాదాపు 18 అడుగుల లోతు గ‌ల బావి ఉంది. దాన్ని మూడు నెలల‌ క్రిత‌మే తొవ్వించారు. అయితే, ఈ నెల 2వ తేదీ నుంచి బావిలోని నీళ్లు స‌ముద్ర‌పు అలల్లా వాటంత‌ట అవే క‌దులుతున్నాయి. నీళ్లు నిరంతరం కదులుతూ, కొన్నిసార్లు బావి అంచుల నుంచి బయటకు పొంగిపొర్లాయి. ఈ ఘ‌ట‌న స్థానికంగా తీవ్ర చ‌ర్చ‌నీయాంశం కావ‌డంతో చుట్టుప‌క్క‌ల గ్రామాల ప్ర‌జ‌లు కూడా ఈ వింత ఘ‌ట‌ను చూసేందుకు పోటెత్తుతున్నాయి. నీటి క‌ద‌లిక‌ల‌తో స్థానికులు భూకంపం కావొచ్చ‌ని తొలుత భ‌య‌ప‌డ్డారు. అయితే, ఈ ఘ‌ట‌న‌కు భూకంపాల‌తో ఎలాంటి సంబంధం లేద‌ని జిల్లా అధికారులు స్ప‌ష్టం చేశారు.

"ఇది భూకంపం వల్ల జరిగిన చర్య కాదు. ఇటీవ‌లే కురిసిన భారీ వర్షాల కారణంగా ఈ ప్రాంతంలో భూగర్భ జలాలు వేగంగా నిండుతున్నాయి. ఈ క్ర‌మంలో నీటి ఒత్తిడికి బావి లోప‌ల రాళ్ల మ‌ధ్య నుంచి గాలి బ‌య‌ట‌కు రావ‌డం వ‌ల్లే ఈ అల‌జ‌డి ఏర్ప‌డుతోంది" అని జిల్లా భూగర్భ శాస్త్రవేత్త జేఎస్‌ వధేర్ తెలిపారు. అంతే కానీ ఇక్క‌డ భూకంపం వ‌చ్చే సూచ‌న‌లు ఏవీ లేవ‌ని స్ప‌ష్టం చేశారు.

#WATCH | Morbi, Gujarat: An unusual incident has been reported in Virparda village, Morbi taluka, where a farm well has been showing wave-like movement. The District Collector has ordered a detailed report from the groundwater research team.

Collector Swapnil Khare says, "...… pic.twitter.com/hnFamPfBoW

— ANI (@ANI) August 7, 2026

Also Read..

స్వ‌ల్పంగా పెరిగిన బంగారం ధ‌ర‌లు.. పెట్టుబ‌డిదారుల‌కు ఇదే స‌మ‌యం..?

హుస్నాబాద్ నియోజకవర్గంలో అభివృద్ధి పనులకు రూ.33.70 కోట్లు మంజూరు..

ఐటీ షేర్ల జోష్‌.. మార్కెట్‌ల‌కు మ‌ళ్లీ బ్రేక్‌.. సెన్సెక్స్ 242 పాయింట్లు డౌన్..