Ram Yantra | అయోధ్య‌లో మ‌రో అద్భుత ఘ‌ట్టం.. శ్రీ‌రామ యంత్రం ప్ర‌తిష్ట‌.. దీని ప్ర‌త్యేక‌తేంటంటే..?

Ram Yantra | అయోధ్య రామ మందిరంలో మ‌రో అద్భుత‌ ఘ‌ట్టం ఆవిష్కృత‌మైంది. 150 కిలోల బరువున్న బంగారు పూత పూసిన అత్యంత పవిత్రమైన 'శ్రీరామ యంత్రం' (Ram Yantra) ఫలకాన్ని ప్ర‌తిష్టించారు. కంచి కామకోటి (Kanchi Kamakoti Peetam) పీఠాధిపతి శ్రీ విజయేంద్ర సరస్వతి స్వామి వారి పర్యవేక్షణలో కంచి పీఠంలోని పురాతన రామ యంత్రం ఆధారంగా దీన్ని రూపొందించారు. ఈ ప‌విత్ర రామ్ యంత్రాన్ని ఆల‌య‌ నిర్మాణ కమిటీ చైర్మన్ నృపేంద్ర మిశ్రా, ట్రస్ట్ సభ్యుల సమక్షంలో వేద మంత్రోచ్ఛారణల మ‌ధ్య రెండో అంతస్తులోని గర్భగుడిలో ఉంచారు.

ఈ రామ యంత్రాన్ని అత్యంత పవిత్రమైనదిగా, ఆధ్యాత్మిక శక్తికి చిహ్నంగా పరిగణిస్తారు. ఈ కొత్త యంత్రం ఉప‌నిష‌త్ మ‌ఠంలో శాల‌గ్రామ శిల‌తో రూపొందించారు. ఇందులో దేవ‌నాగ‌రి లిపిలో మంత్రాలు ఉన్నాయి. విష్ణువు యొక్క వివిధ అంశాలు, అవ‌తారాలను ప్ర‌తిబింబించే ఎంపిక చేసిన మంత్రాలు ఇందులో ఉన్నాయి. దీనిపై ప‌విత్ర‌మైన 'బీజ మంత్రాలు' అద్భుతంగా చెక్కారు. దీని కేంద్రభాగంలో సీతాదేవి బీజాక్షరంతో కూడిన శ్రీరామ మంత్రం కొలువై ఉంది.

కంచిలోని ఓ మ‌ఠంలో త‌యారు చేసిన ఈ యంత్రాన్ని తొలుత తిరుమ‌ల దేవ‌స్థానానికి తీసుకెళ్లారు. అక్క‌డి నుంచి ప్ర‌త్యేక ర‌థంలో అయోధ్య‌కు ఊరేగింపుగా తీసుకెళ్లారు. ఈ ప్రత్యేక రథం ఐదు రాష్ట్రాల మీదుగా 45 రోజుల పాటు 2,000 కి.మీ ప్రయాణించి అయోధ్యకు చేరుకుంది. రామ మందిరంలోని గర్భగుడిలో, ప్రధాన విగ్రహానికి సమీపంలో ఈ యంత్రాన్ని ప్రతిష్టించారు. ఈ యంత్ర ప్రతిష్టతో అయోధ్య రామ మందిర నిర్మాణ పనులు దాదాపు పూర్తైన‌ట్లే.

Also Read..

ఖ‌రీదైన గ్యాడ్జెట్లు కాదు.. పిల్ల‌ల‌కు స‌మ‌యాన్ని కానుక‌గా ఇవ్వండి: సీపీ స‌జ్జ‌నార్

టోల్‌ప్లాజాలా వ‌ద్ద "నో క్యాష్‌".. ఇక‌పై మొత్తం డిజిట‌ల్ ప్ర‌యాణ‌మే.. ఎప్ప‌టి నుంచంటే..?

కోహెడ ఫ్రూట్ మార్కెట్ ఆలోచ‌న కేసీఆర్‌దే: మంచిరెడ్డి కిష‌న్‌రెడ్డి