Aircraft Crashes | కాన్పూర్‌లో కూలిన విమానం.. ఇద్ద‌రు మృతి

Aircraft Crashes | త్రినేత్ర‌.న్యూస్ : ఉత్త‌ర‌ప్ర‌దేశ్ కాన్పూర్ (Kanpur)లో ఘోర ప్ర‌మాదం సంభ‌వించింది. గంగా న‌ది తీర స‌మీపంలో గురువారం మ‌ధ్యాహ్న స‌మ‌యంలో ఓ ప్రైవేట్ శిక్ష‌ణా విమానం కుప్ప‌కూలిపోయింది (Aircraft Crashes). ఈ ఘ‌ట‌న‌లో ఇద్ద‌రు ప్రాణాలు కోల్పోయారు.

కాన్పూర్‌కు చెందిన 'గార్గ్ ఏవియేషన్' (Garg Aviation)అనే ప్రైవేట్‌ సంస్థ‌కు చెందిన ఫోర్‌సీట‌ర్ విమానం గంగా బ్యారేజ్ ప్రాంతంలోని నత్థూపుర్వా వద్ద కూలిపోయింది. ప్ర‌మాద స‌మ‌యంలో అందులో పైల‌ట్‌, కో-పైల‌ట్ ఉన్నారు. వారిద్ద‌రూ ప్రాణాలు కోల్పోయారు. విమానం కుప్పకూలిన వెంటనే భారీ శబ్దం రావడంతో స్థానికులు తీవ్ర భయాందోళనలకు గురయ్యారు. వెంట‌నే ఘ‌ట‌నాస్థ‌లి వ‌ద్ద‌కు ప‌రుగులు తీశారు. మ‌రోవైపు స‌మాచారం అందుకున్న అధికారులు వెంట‌నే ఘ‌ట‌నాస్థ‌లికి చేరుకొని స‌హాయ‌క చ‌ర్య‌లు చేప‌ట్టారు. ప్ర‌మాదానికి గ‌ల కార‌ణాలు తెలియ‌రాలేదు. ప్రమాదానికి దారితీసిన పరిస్థితులపై డైరెక్టరేట్ జనరల్ ఆఫ్ సివిల్ ఏవియేషన్ (DGCA) దర్యాప్తు చేపట్టింది.

Also Read..

ఒక్క మంచు ఫ‌ల‌కం సృష్టించిన విధ్వంసం

నేపాల్ త‌ర‌హాలో.. భార‌త్‌కు పొంచి ఉన్న చైనా "వాట‌ర్ బాంబ్‌"

నేపాల్‌లో వ‌ర‌ద బీభ‌త్సం... వీడియోలు