Nepal Floods | ఒక్క మంచు ఫ‌ల‌కం సృష్టించిన విధ్వంసం

Nepal Floods | హిమాల‌య దేశం (Himalayan nation) నేపాల్ (Nepal)లో ప్రకృతి విధ్వంసం సృష్టించింది. నేపాల్-టిబెట్ సరిహద్దుల్లో ఒక భారీ మంచు ఫలకం (Glacier) విరిగిపడటం వల్ల ఊహించని రీతిలో భారీ విధ్వంసం సంభవించింది. గ్రామాల‌కు గ్రామాలే తుడిచిపెట్టుకుపోయాయి. నిత్యం స్థానికుల‌తో క‌ళ‌క‌ళ‌లాడే మార్కెట్లు బుద‌ర‌మ‌య‌మ‌య్యాయి. ఇళ్లు, వాహ‌నాలు, దుకాణాలు, రోడ్లు, వంతెన‌లు కొట్టుకుపోయాయి. ఎటు చూసినా భ‌వ‌న శిథిలాలు, మ‌ట్టి దిబ్బ‌లే ద‌ర్శ‌న‌మిస్తున్నాయి. ఈ విప‌త్తులో ఇళ్లు కోల్పోయిన స్థానికులు దిక్కుతోచ‌ని స్థితిలో రోడ్ల‌పైకి చేరారు. ప‌విత్ర కైలాస మాన‌స స‌రోవ‌ర్ యాత్ర స‌మ‌యంలో ఈ విప‌త్తు పెను విషాదాన్ని మిగిల్చింది. నేపాల్ జ‌ల‌ప్ర‌ళ‌యంలో వందలాది మంది ప్రాణాలు కోల్పోగా.. వేలాది మంది గ‌ల్లంత‌య్యారు. ఈ జ‌ల ప్ర‌ళ‌యాన్ని కింది ఫొటోల రూపంలో చూడండి.