Rahul Gandhi Female Cop Scuffle Allegation | మహిళా పోలీస్‌ను అసభ్యంగా తాకిన రాహుల్ గాంధీ? : వీడియో వైరల్

• ఢిల్లీలో రణరంగం
• రాహుల్, ప్రియాంక గాంధీలను లాక్కెళ్లిన పోలీసులు
• మహిళా అధికారితో తోపులాటపై బీజేపీ తీవ్ర ఆరోపణలు

Rahul Gandhi Female Cop Scuffle Allegation | త్రినేత్ర న్యూస్ : దేశ రాజధాని న్యూఢిల్లీలో కేంద్ర ఎన్నికల సంఘానికి వ్యతిరేకంగా ప్రతిపక్ష 'ఇండియా' (INDIA) కూటమి చేపట్టిన ఆందోళన తీవ్ర ఉద్రిక్తతలకు దారితీసింది. ఓటర్ల జాబితాల సవరణలో అక్రమాలు జరిగాయని, చీఫ్ ఎలక్షన్ కమిషనర్ (CEC) జ్ఞానేష్ కుమార్ వెంటనే రాజీనామా చేయాలని డిమాండ్ చేస్తూ వందలాది మంది విపక్ష ఎంపీలు రాహుల్ గాంధీ నేతృత్వంలో నిరసన చేపట్టారు. జన్‌పథ్ మీదుగా జంతర్ మంతర్ వైపు కదులుతున్న ఎంపీలను ఢిల్లీ పోలీసులు బారికేడ్లతో అడ్డుకుని రాహుల్ గాంధీ, ప్రియాంక గాంధీ వాద్రాలను బలవంతంగా అదుపులోకి తీసుకున్నారు.

ఈ గందరగోళం మధ్య రాహుల్ గాంధీ విధుల్లో ఉన్న మహిళా పోలీస్ అధికారిపై దురుసుగా ప్రవర్తించారంటూ బీజేపీ తీవ్ర ఆరోపణలకు దిగడంతో రాజకీయ దుమారం చెలరేగింది.

తోపులాట దృశ్యాలు.. బీజేపీ వర్సెస్ కాంగ్రెస్

పోలీసులు అదుపులోకి తీసుకునే సమయంలో రాహుల్ గాంధీ ఓ మహిళా పోలీస్ అధికారిని పక్కకు నెట్టేస్తూ ముందుకు వెళ్లారంటూ బీజేపీ నేతలు కొన్ని వీడియో క్లిప్‌లను సోషల్ మీడియాలో పోస్ట్ చేశారు. రాజ్యాంగబద్ధమైన పదవిలో ఉన్న లోక్‌సభ ప్రతిపక్ష నేత ఒక మహిళా అధికారితో ఇలా ప్రవర్తించడం సిగ్గుచేటని బీజేపీ విమర్శించింది. అయితే ఈ ఆరోపణలను కాంగ్రెస్ పార్టీ తీవ్రంగా తిప్పికొట్టింది. ఎంపీలపైనే పోలీసులు దుర్మార్గంగా వ్యవహరించారని, మహిళా నేతలను రోడ్లపై ఈడ్చుకెళ్లారని, అసలు సమస్యను పక్కదారి పట్టించేందుకే బీజేపీ నకిలీ ప్రచారాలు చేస్తోందని మండిపడింది.

“Nari Samman” lectures from Congress, but what does the camera capture?

Rahul Gandhi is pushing a woman police personnel who is merely doing her duty.

For Congress, women’s dignity is merely a slogan for speeches and social media, and this is their reality!

A woman in uniform deserves respect, not political arrogance or intimidation but sadly this is the ugly face of Congress politics.

— Shanthi Kumar (@BJPShanthikumar) October 7, 2026

రోడ్డుపై పడుకున్న ప్రియాంక.. బస్సు టైర్లు పంక్చర్ చేసిన కార్యకర్తలు

జన్‌పథ్‌లోని సాగర్ రత్న రెస్టారెంట్‌లో కాంగ్రెస్ చీఫ్ మల్లికార్జున ఖర్గేతో కలిసి లంచ్ మీటింగ్ ముగించుకున్న ఎంపీలు బస్సుల్లో జంతర్ మంతర్‌కు బయలుదేరారు. ఎలాంటి ముందస్తు అనుమతి లేదంటూ పోలీసులు వారిని అడ్డుకున్నారు. తొలుత రాహుల్ గాంధీ సహా ముఖ్య నేతలను బస్సులోకి ఎక్కించినప్పటికీ, మిగతా వారిని తరలిస్తున్న సమయంలో వారు కిందకు దిగి రోడ్డుపై బైఠాయించారు.

We are not going to stop protesting till Gyanesh Kumar resigns.

This is a fight to protect the most sacred thing in this country.

There is nothing that Narendra Modi and Amit Shah can do that will stop us. https://t.co/MgvabcQPPR

— Rahul Gandhi (@RahulGandhi) October 7, 2026

పోలీసుల తీరును నిరసిస్తూ ప్రియాంక గాంధీ ఏకంగా రోడ్డుపై పడుకున్నారు. "ఎంపీలను ఇంత దారుణంగా చూస్తారా? మేము ఇక్కడి నుంచి కదిలేది లేదు" అని ఆమె స్పష్టం చేశారు. చివరకు మహిళా పోలీసులు రంగంలోకి దిగి ప్రియాంకను చేతులతో ఎత్తుకుని బస్సులోకి ఎక్కించారు. ఇదే సమయంలో ఆగ్రహించిన కాంగ్రెస్ కార్యకర్తలు పోలీసు బస్సు టైర్లను పంక్చర్ చేశారు. దీంతో రాహుల్ గాంధీని మరో బస్సులోకి మార్చి బారాఖంబా రోడ్ పోలీస్ స్టేషన్‌కు తరలించారు.

నా టార్గెట్ 100 ఎఫ్ఐఆర్‌లు: రాహుల్ గాంధీ సవాల్

మంగళవారం ఆకాశవాణి భవన్ వద్ద అనుమతి లేకుండా ధర్నా చేసినందుకు గానూ రాహుల్, ప్రియాంకలపై పోలీసులు ఎఫ్ఐఆర్ (FIR) నమోదు చేశారు. దీనిపై రాహుల్ గాంధీ వ్యంగ్యంగా స్పందించారు. "నాపై ఇప్పటికే 45 ఎఫ్ఐఆర్‌లు ఉన్నాయి.. నా టార్గెట్ 100 కేసులు కావడం. కేసులకు భయపడే ప్రసక్తే లేదు" అని తేల్చిచెప్పారు. ప్రజాస్వామ్యాన్ని ప్రధాని మోదీ, అమిత్ షా, ఆర్ఎస్ఎస్ నాశనం చేశాయని, జ్ఞానేష్ కుమార్ సరైన ఎన్నికల కమిషనర్ కాదని, ఆయన దిగిపోయే వరకు తాము వదిలిపెట్టబోమని రాహుల్ హెచ్చరించారు.

हर FIR मेरे सीने पर एक मेडल है।

अभी 45 हैं, मेरा लक्ष्य 100 है - तब भी संविधान की रक्षा के लिए लड़ते रहेंगे। https://t.co/ZxwHkKHtkm

— Rahul Gandhi (@RahulGandhi) October 7, 2026

ప్రతిపక్ష నేతలను క్రిమినల్స్ తరహాలో రోడ్లపై ఈడ్చుకెళ్లడాన్ని కాంగ్రెస్ ప్రధాన కార్యదర్శి కేసీ వేణుగోపాల్, ఎంపీ జ్యోతిమణి తీవ్రంగా ఖండించారు. 'ఓటు చోరీ'పై ప్రజల్లోకి వెళ్తామని, ఎన్ని కేసులు పెట్టినా తమ పోరాటం ఆగదని ప్రతిపక్ష నేతలు స్పష్టం చేశారు.

Also Read | “డ‌బుల్ డిజాస్ట‌ర్‌”.. 5 నెల‌ల్లో 2,454 అత్యాచారాలు, 600 హ‌త్య‌లు