Cloudburst | కిష్త్వార్‌లో క్లౌడ్ బ‌ర‌స్ట్‌.. దెబ్బ‌తిన్న‌ దుకాణాలు, వాహ‌నాలు

Cloudburst | త్రినేత్ర‌.న్యూస్ : దేశ‌వ్యాప్తంగా భారీ వ‌ర్షాలు కురుస్తున్నాయి. శ‌నివారం తెల్ల‌వారుజామున జ‌మ్ము క‌శ్మీర్ (Jammu And Kashmir)లో కురిసిన కుండ‌పోత వ‌ర్షానికి కిష్త్వార్ (Kishtwar) జిల్లాలో క్లౌడ్‌బ‌ర‌స్ట్ (Cloudburst) సంభ‌వించింది. ఛ‌త్రూ (Chatroo) ప్రాంతంలో మేఘ విష్ఫోట‌నం సంభ‌వించిన‌ట్లు కేంద్ర మంత్రి జితేంద్ర సింగ్ తెలిపారు. ఈ వ‌ర‌ద‌ల‌కు రోడ్ల‌పైకి బురద‌ కొట్టుకొచ్చింది. దుకాణాలు, వాహ‌నాలు తీవ్రంగా దెబ్బ‌తిన్నాయి. ప‌లు చోట్ల‌ భారీగా కొండ‌చ‌రియ‌లు విరిగిప‌డ్డాయి.

అదృష్ట‌వ‌శాత్తూ ఎలాంటి ప్రాణ న‌ష్టం సంభ‌వించ‌లేద‌ని కేంద్ర మంత్రి తెలిపారు. ప్ర‌భావిత ప్రాంతాల ప్ర‌జ‌ల‌కు న‌ష్ట‌ప‌రిహారం ఇస్తామ‌ని హామీ ఇచ్చారు. ఈ మేర‌కు ఎక్స్ వేదిక‌గా పోస్టు పెట్టారు. భారీ వ‌ర్షాల‌కు కిష్త్వార్‌, దోడా, రాంబ‌న్ జిల్లాల్లోని న‌దులు పొంగి పొర్లుతున్నాయి. ప‌లు వాహ‌నాలు వ‌ర‌ద ప్ర‌వాహానికి కొట్టుకుపోయాయి. భారీ వ‌ర్షాల నేప‌థ్యంలో పాఠ‌శాల‌ల‌కు అధికారులు సెల‌వు ప్ర‌క‌టించారు. మ‌రోవారం రోజుల‌పాటూ రాష్ట్ర‌వ్యాప్తంగా భారీ వ‌ర్షాలు కురిసే అవ‌కాశం ఉంద‌ని భార‌త వాతావ‌ర‌ణ శాఖ హెచ్చ‌రించింది. కొండ‌చ‌రియ‌లు విరిగిప‌డే ప్ర‌మాదం ఉంద‌ని తెలిపింది. ప్ర‌జ‌లు అప్ర‌మ‌త్తంగా ఉండాల‌ని సూచించింది.

VIDEO | J&K: Cloudburst in Kishtwar's Chatroo leads to closure of national highway; no casualties reported.

(Full video available on PTI Videos - https://t.co/n147TvrpG7) pic.twitter.com/4IwcEQcOBo

— Press Trust of India (@PTI_News) August 1, 2026

Also Read..

అజిత్ దోవ‌ల్‌కు లోక్‌మాన్య‌ తిల‌క్ జాతీయ అవార్డు

దేశ విమాన‌యాన రంగంలో అసాధార‌ణ పురోగ‌తి.. 12 ఏళ్ల‌లో 166 ఎయిర్‌పోర్టులు : ప్రధాని మోదీ

రీల్‌లోనే క్ష‌మిస్తారా.. కేసుల‌ను కూడా ఎత్తివేస్తారా..? ప్ర‌ధాని మోదీ వీడియోపై అభిజీత్ దిప్కే వ్యంగ్యాస్త్రాలు