Newborn | బిడ్డ పుట్టిన క్ష‌ణం ఆ తండ్రి ఉద్వేగం చూడండి.. వీడియో షేర్ చేసిన డాక్ట‌ర్‌

Newborn | బిడ్డ‌కు జ‌న్మ‌నివ్వ‌డమంటే త‌ల్లికి పున‌ర్జ‌న్మ లాంటిది. అయితే, చిన్నారి రాక మాత్రం తండ్రి (father)కి స‌రికొత్త అనుభూతిని అందిస్తుంది. మొద‌టిసారి బిడ్డ‌ను చేతుల్లోకి తీసుకున్న‌ప్పుడు క‌లిగే ఆ ఫీలింగ్ మాట్ల‌లో వ‌ర్ణించ‌లేం. ఆ క్ష‌ణం జీవితంలో కొత్త బాధ్య‌త‌ల‌ను, ప్రేమ‌ను, ఆనందాన్ని రెట్టింపు చేస్తుంది. తాజాగా అలాంటి అనుభూతే ఓ తండ్రికి క‌లిగిన మ‌ధుర క్ష‌ణాలు ప్ర‌స్తుతం అంద‌రినీ ఆక‌ట్టుకుంటున్నాయి.

అప్పుడే పుట్టిన‌ బిడ్డ‌ (Newborn)ను చేతుల్లోకి తీసుకున్న‌ప్పుడు ఓ తండ్రి భావోద్వేగానికి గురైన మ‌ధుర క్ష‌ణాల‌ను చెన్నైకి చెందిన ఓ వైద్యురాలు (Chennai doctor) సోష‌ల్ మీడియాలో షేర్ చేశారు. ఆ వీడియోలో ఏముందంటే.. అప్పుడే పుట్టిన బిడ్డ‌ను డాక్ట‌ర్‌ లేబ‌ర్ వార్డు నుంచి బ‌య‌ట‌కు తీసుకొచ్చింది. అక్క‌డ డోర్ వ‌ద్ద వెయిట్ చేస్తున్న చిన్నారి తండ్రి వ‌ద్ద‌కు వెళ్లింది. బిడ్డ‌ను అత‌ని చేతుల్లో పెట్టేందుకు ప్ర‌య‌త్నించ‌గా.. ఆ తండ్రి ఒకింత ఆందోళ‌న చెందాడు. చిన్నారిని చేతుల్లోకి తీసుకునేందుకు కంగారు ప‌డ్డాడు. అయితే, డాక్ట‌ర్‌ అత‌డిని స‌ర్దిచెప్ప‌డంతో చివ‌రికి చిన్నారిని త‌న చేతుల్లోకి తీసుకున్నాడు. ఆ త‌ర్వాత ప‌సికందును చూసి ఆ తండ్రి మురిసిపోయాడు. ఒకింత ఉద్వేగానికి లోన‌య్యాడు.

ఇందుకు సంబంధించిన వీడియోను డాక్ట‌ర్ "ఫాద‌ర్ మూమెంట్స్‌" అంటూ ఇన్‌స్టాలో షేర్ చేసింది. ప్ర‌స్తుతం ఈ వీడియో నెట్టింట తెగ వైర‌ల్ అవుతోంది. ఈ వీడియోకి ఇప్ప‌టి వ‌ర‌కూ 198 మిలిన్ వ్యూస్ వ‌చ్చాయి. ఈ వీడియో ప్ర‌తి ఒక్క‌రి హృద‌యాల్ని హ‌త్తుకుంటోంది. నెటిజ‌న్లు ఎమోష‌న‌ల్‌గా రియాక్ట్ అవుతున్నారు.

https://www.instagram.com/reel/DVkemtbEe9B/?utm_source=ig_embed&ig_rid=6d790dbf-5d42-4b16-97be-f7b18913b7a5

Also Read..

ఇరాన్ చ‌మురు కేంద్రాల‌పై ఐడీఎఫ్ దాడులు.. ఇజ్రాయెల్‌పై అమెరికా అస‌హ‌నం

ఇరాన్‌తో యుద్ధం ముగింపుపై ట్రంప్ ఆస‌క్తిక‌ర వ్యాఖ్య‌లు

క‌న్నీరు పెట్టించే ఆ పాట‌కు 30 ఏళ్లు.. బ‌డి ఈడు పిల్ల‌ల బ‌తుకు గేయం అది..