Awa Indigenous People Brazil | అమెజాన్ అడవుల్లో దశాబ్దాల తర్వాత బయటపడ్డ ‘అవా’ తెగ.. ఆకలితో అడవి దాటి వచ్చి ఏం అడిగారంటే!
బ్రెజిల్ అమెజాన్ అడవుల్లో దశాబ్దాలుగా బయటి ప్రపంచానికి దూరంగా ఉంటున్న 'అవా' తెగ ప్రజలు ఆకలితో బయటకు వచ్చారు. అరుదైన ఈ దృశ్యాలు ఇప్పుడు వైరల్ అవుతున్నాయి.
Viral news | Published On Nov 19, 2026, 8.56 am IST
సంక్షిప్త సారాంశం
బ్రెజిల్లోని మారన్హావో రాష్ట్రం అమెజాన్ అడవుల్లో బయటి ప్రపంచానికి దూరంగా నివసించే 'అవా' (Awa) తెగకు చెందిన సుమారు 20 మంది నవంబర్ 16న అడవి నుంచి బయటకు వచ్చారు. తవారి గ్రామం సమీపంలోని ప్రభుత్వ పోస్ట్ వద్దకు చేరుకున్న వీరు, స్థానికులను ఆహారం (దుంపలు/యామ్స్) అడిగి తీసుకుని తిరిగి అడవిలోకి వెళ్లిపోయారు. అక్రమ కలప రవాణా, వేటగాళ్లు, పశువుల పెంపకందారుల ఆక్రమణల వల్ల అడవి కుంచించుకుపోవడమే వీరు బయటకు రావడానికి కారణమని హక్కుల సంఘాలు ఆందోళన వ్యక్తం చేస్తున్నాయి. బయటి వ్యక్తులతో కలవడం వల్ల వీరికి అంటువ్యాధులు సోకే ప్రమాదం ఉందని గుర్తించిన బ్రెజిల్ ప్రభుత్వం (Funai) ప్రత్యేక ఆరోగ్య జాగ్రత్తలు తీసుకుంటోంది.
Awa Indigenous People Brazil | త్రినేత్ర న్యూస్ : బ్రెజిల్లోని దట్టమైన అమెజాన్ అడవుల్లో ఒక అరుదైన, చరిత్రాత్మక ఘటన చోటుచేసుకుంది. బయటి ప్రపంచంతో ఎలాంటి సంబంధాలు లేకుండా, దశాబ్దాలుగా అడవిలోనే ఏకాంతంగా జీవిస్తున్న 'అవా' (Awa) ఆదివాసీ తెగకు చెందిన సుమారు 20 మంది సోమవారం (నవంబర్ 16) అడవి నుంచి బయటకు వచ్చారు. మారన్హావో (Maranhao) రాష్ట్రంలోని అరారిబోయా ఆదివాసీ ప్రాంతంలో ఉన్న తవారి (Tawari) గ్రామం సమీపంలో ఈ ఘటన జరిగింది.
తవారి గ్రామం వద్ద ఉన్న ప్రభుత్వ యాక్సెస్ కంట్రోల్ పోస్ట్ వద్దకు చేరుకున్న ఈ బృందం, అక్కడున్న ప్రభుత్వ సిబ్బందిని, స్థానిక గ్వాజాజారా (Guajajara) గ్రామస్తులను ఆహారం అడిగింది. గ్రామస్తులు ఇచ్చిన దుంపలను (Yams) తీసుకుని వారు తిరిగి అడవిలోకి వెళ్లిపోయారు. స్థానిక గ్వాజాజారా ప్రజలు ఈ అరుదైన దృశ్యాలను వీడియో తీయగా, బ్రిటన్కు చెందిన ఆదివాసీ హక్కుల సంస్థ 'సర్వైవల్ ఇంటర్నేషనల్' (Survival International) మంగళవారం ఈ ఫుటేజ్ను విడుదల చేసింది.

గత కొన్ని దశాబ్దాల చరిత్రలో 'అవా' తెగ ప్రజలు ఇలా బయటి వ్యక్తుల వద్దకు రావడం ఇదే మొదటిసారని సర్వైవల్ ఇంటర్నేషనల్ పేర్కొంది. అక్రమంగా చెట్లు నరికేవారు, వేటగాళ్లు, పశువుల పెంపకందారులు అన్ని వైపుల నుంచి వీరి అటవీ ప్రాంతాన్ని ఆక్రమిస్తున్నారని ఆ సంస్థ డైరెక్టర్ కరోలిన్ పియర్స్ ఆందోళన వ్యక్తం చేశారు. అడవుల నరికివేత, కార్చిచ్చుల వల్ల వీరి నివాస ప్రాంతం ఒక చిన్న ద్వీపంలా కుంచించుకుపోతోందని, తీవ్ర ఒత్తిడి, ఆకలి కారణంగానే వీరు బయటకు వచ్చి ఉంటారని హక్కుల కార్యకర్తలు చెబుతున్నారు.
మరోవైపు, బయటకు వచ్చిన 'అవా' తెగ ప్రజల్లో ముఖ్యంగా పిల్లలు, వృద్ధులు తీవ్ర పోషకాహార లోపంతో బక్కచిక్కిపోయి ఉన్నారని స్థానిక ఆదివాసీ సంస్థ 'COAPIMA' తెలిపింది. బయటి ప్రపంచానికి దూరంగా ఉండటం వల్ల వీరిలో ఇమ్యూనిటీ (రోగనిరోధక శక్తి) చాలా తక్కువగా ఉంటుందని, సాధారణ జలుబు వంటి బయటి వ్యాధులు సోకినా వీరి ప్రాణాలకు పెను ముప్పు వాటిల్లే ప్రమాదం ఉందని హెచ్చరించింది.
ఈ ఘటనపై బ్రెజిల్ ఆదివాసీ వ్యవహారాల సంస్థ 'ఫునాయ్' (Funai) స్పందిస్తూ.. ఆదివాసీల జీవనంలో జోక్యం చేసుకోకూడదనే తమ విధానానికి (Non-contact policy) కట్టుబడి ఉన్నామని స్పష్టం చేసింది. అయితే, తాజా వీడియోలను పరిశీలిస్తూ, వారికి ఎలాంటి ఆరోగ్య సమస్యలు తలెత్తకుండా ఎమర్జెన్సీ ప్లాన్ను యాక్టివేట్ చేశామని తెలిపింది. కాగా, ప్రపంచవ్యాప్తంగా బయటి ప్రపంచంతో సంబంధం లేని 196 ఆదివాసీ తెగలను గుర్తించగా, అందులో దాదాపు 95 శాతం అమెజాన్ అడవుల్లోనే, ముఖ్యంగా 124 తెగలు ఒక్క బ్రెజిల్లోనే నివసిస్తున్నాయి.
A new video has emerged showing members of the isolated Awa tribe who live in the remote part of Brazil’s Amazon forest.
The group ventured out of the forest and accepted food as aid workers raise concerns about the dangers posed by illegal loggers and hunters. https://t.co/h8UrlQfdoA
— Al Jazeera English (@AJEnglish) November 18, 2026
ట్యాగ్స్:
తాజావార్తలు
- ●Rafale fighter jets | రఫేల్ యుద్ధవిమానాలు అదృశ్యమంటూ వార్తలు.. ఖండించిన ఐఏఎఫ్ మాజీ అధికారి
- ●Krithi Shetty | కీర్తి సురేష్, కృతిశెట్టి మాస్ స్టెప్పులు - హీరోయిన్ల పాటతో ప్రమోషన్స్ షురూ
- ●BMS | రవాణా కార్మికుల సమస్యలపై కేంద్రం సానుకూలం
- ●Rajagopal Reddy | ఇకనైనా అహంకారాన్ని వీడు.. నీలో ఎంతో మార్పు వచ్చేదుండే
- ●Anthropic Shares | నిరాశపరిచిన ఆంథ్రోపిక్.. లిస్టింగ్ రెండో రోజే భారీ పతనం..
- ●Supreme Court | ఆ విషయం తేల్చకుండా.. ఇళ్ల కొనుగోలుదారులపై బలవంతపు రికవరీలు వద్దు

Rafale fighter jets | రఫేల్ యుద్ధవిమానాలు అదృశ్యమంటూ వార్తలు.. ఖండించిన ఐఏఎఫ్ మాజీ అధికారి

Krithi Shetty | కీర్తి సురేష్, కృతిశెట్టి మాస్ స్టెప్పులు - హీరోయిన్ల పాటతో ప్రమోషన్స్ షురూ

BMS | రవాణా కార్మికుల సమస్యలపై కేంద్రం సానుకూలం

Rajagopal Reddy | ఇకనైనా అహంకారాన్ని వీడు.. నీలో ఎంతో మార్పు వచ్చేదుండే






