Road Accident | 1000 అడుగుల లోతైన లోయలోకి ప‌డిపోయిన‌ కారు.. 8 మంది యువ‌కులు మృతి

Road Accident | మ‌హారాష్ట్ర రాయ్‌గఢ్ జిల్లాలో ఘోర రోడ్డు ప్రమాదం (Road Accident) జరిగింది. ఓ కారు అదుపుత‌ప్పి లోతైన లోయ‌లోకి ప‌డిపోయింది. ఈ దుర్ఘ‌ట‌న‌లో 8 మంది యువ‌కులు ప్రాణాలు కోల్పోయారు. పోలాద్‌పూర్-మహాబలేశ్వర్ రోడ్డులోని ( Mahabaleshwar-Poladpur road) అంబెనాలి ఘాట్ ప్రాంతంలో ఆదివారం అర్ధ‌రాత్రి దాటిన త‌ర్వాత ఈ ఘ‌ట‌న చోటు చేసుకుంది.

పోలీసులు తెలిపిన వివ‌రాల ప్ర‌కారం.. వ‌రుస సెల‌వులు కావ‌డంతో స‌తారా జిల్లాలోని కోరేగావ్‌కు చెందిన కొంద‌రు యువ‌కులు స్కార్పియో కారులో దాపోలి హ‌ర్నే బీచ్‌కు (Dapoli Harne Beach) విహారయాత్రకు వెళ్లారు. తిరుగుప్ర‌యాణంలో వీరు ప్ర‌యాణిస్తున్న కారు అంబెనాలి ఘాట్‌లోని దభిల్ టోక్ (Dabhil Tok) వద్దకు రాగానే ప్ర‌మాదానికి గురైంది. కారు అదుపుత‌ప్పి వెయ్యి అడుగుల లోతైన లోయ‌లోకి ప‌డిపోయింది. ఈ ఘ‌ట‌న‌లో ఎనిమిది మంది యువ‌కులు అక్క‌డిక‌క్క‌డే ప్రాణాలు కోల్పోయారు.

ప్ర‌మాద స‌మాచారం అందుకున్న పోలీసులు హుటాహుటిన ఘ‌ట‌నాస్థ‌లికి చేరుకొని స‌హాయ‌క చ‌ర్య‌లు చేప‌ట్టారు. లోయ‌లో నుంచి ఎనిమిది మంది యువ‌కుల మృత‌దేహాల‌ను వెలికి తీశారు. మృతుల‌ను మహేష్ అనిల్ పవార్ (25), ఆదిత్య అశోక్ సాలుంఖే (21), రితేష్ రాజేంద్ర లోఖండే (25), సుహాస్ జితేంద్ర లోఖండే (20), అన్ష్ సమీర్ చవాన్ (18), ఉత్కర్ష్ ఆనంద్ షింగ్తే (21), అనిల్ అభిమన్యు షింగ్తే (35), నితిన్ కిసాన్ నాయ్కొండే (35)గా గుర్తించారు. ఈ మేర‌కు ఘ‌ట‌న‌పై కేసు న‌మోదు చేసి ద‌ర్యాప్తు చేప‌ట్టారు. ప్ర‌మాదానికి గ‌ల కార‌ణాల‌ను తెలుసుకునేందుకు విచార‌ణ చేస్తున్నారు.

Also Read..

ఐశ్వ‌ర్య కేన్స్ లుక్‌పై విమ‌ర్శ‌లు.. గ‌ట్టి కౌంట‌ర్ ఇచ్చిన బాలీవుడ్ ఫైర్‌బ్రాండ్‌ కంగ‌నా ర‌నౌత్‌

ఇది మీకు తెలుసా?.. వడదెబ్బతో చనిపోతే రూ.4 లక్షలు పరిహారం..

ఐపీఎల్ ప్లేఆఫ్స్‌లో ఎవ‌రితో ఎవ‌రు త‌ల‌ప‌డ‌తారంటే?.. షెడ్యూల్ ఇదే..