Benjamin Netanyahu | నెత‌న్యాహు కార్యాల‌యంపై క్షిప‌ణి దాడి : ఇరాన్ కీల‌క‌ ప్ర‌క‌ట‌న‌

Benjamin Netanyahu | ప‌శ్చిమాసియాలో ఉద్రిక్త‌త‌లు మ‌రింత తీవ్ర‌మ‌య్యాయి. త‌మ సుప్రీం లీడ‌ర్ అయ‌తొల్లా అలీ ఖ‌మేనీ హ‌త్య‌కు ప్ర‌తీకారంగా ఇరాన్ దాడుల‌ను తీవ్ర‌త‌రం చేసింది. గ‌ల్ఫ్ దేశాల‌పై విరుచుకుప‌డుతోంది. తాజాగా ఇజ్రాయెల్ ప్ర‌ధాన మంత్రి బెంజ‌మిన్‌ నెత‌న్యాహు (Benjamin Netanyahu)ను ఇరాన్ (Iran) టార్గెట్ చేసింది.

టెల్ అవీవ్‌ (Tel Aviv)లోని నెత‌న్యాహు కార్యాల‌యం, ఐడీఎఫ్‌కు చెందిన వైమానిక ద‌ళ క‌మాండ‌ర్ ప్ర‌ధాన కార్యాల‌యం (Netanyahu Office Targeted)పై ఇస్లామిక్ రివల్యూషనరీ గార్డ్ కార్ప్స్ ( Islamic Revolutionary Guards Corps) క్షిప‌ణి దాడులు చేసింది. తాము ప్ర‌యోగించిన ఖైబర్ క్షిపణులు (Kheibar missiles) ఆ రెండు ప్రాంతాల‌ను క‌చ్చిత‌త్వంతో తాకిన‌ట్లు ఐఆర్‌జీసీ (IRGC)ఓ ప్ర‌క‌ట‌న‌లో తెలిపింది. ఇది అనూహ్యంగా చేపట్టిన దాడిగా పేర్కొంది. ఈ సంద‌ర్భంగా ప్ర‌ధాని నెత‌న్యాహును జియోనిస్ట్ పాలన యొక్క నేరస్థుడిగా అభివ‌ర్ణించింది. తమ దాడుల్లో ఆ ప్రాంతాల్లో తీవ్ర న‌ష్టం వాటిల్లిన‌ట్లు తెలిపింది. అయితే, ఆ స‌మ‌యంలో కార్యాల‌యంలో నెత‌న్యాహు ఉన్నారా..? లేదా..? అన్న‌ది తెలియ‌రాలేదు. త‌మ దాడిలో అక్క‌డ తీవ్ర న‌ష్టం వాటిల్లింద‌ని ఐఆర్‌జీసీ త‌న ప్ర‌క‌ట‌న‌లో వెల్ల‌డించింది. అయితే దీనిపై ఇజ్రాయెల్ ప్రభుత్వం ఇప్ప‌టివ‌ర‌కూ స్పందించలేదు.

Also Read..

ఉపాధి కోసం వ‌చ్చాం.. బంక‌ర్ల కోసం వెతుక్కోవాల్సి వ‌స్తోంది : గ‌ల్ఫ్ దేశాల్లో భార‌తీయుల ఆవేద‌న‌

ఇరాన్‌లో 555 మంది మృతి..!

ప‌శ్చిమాసియాలో ప‌రిస్థితులు ఆందోళ‌న‌క‌రంగా ఉన్నాయి : ప్ర‌ధాని మోదీ