Drones Fall Near Dubai Airport | దుబాయ్ ఎయిర్‌పోర్టుపై ఇరాన్ డ్రోన్ దాడి.. భార‌తీయుడు స‌హా న‌లుగురికి గాయాలు

Drones Fall Near Dubai Airport | వ‌రుస‌గా 12వ రోజూ ప‌శ్చిమాసియా (Middle East) ద‌ద్ద‌రిల్లుతోంది. ఇరాన్‌పై అమెరికా, ఇజ్రాయెల్ దాడుల‌ను తీవ్ర‌త‌రం చేశాయి. అదే స‌మ‌యంలో ఇరాన్ సైతం ప్ర‌తిదాడుల‌ను కొన‌సాగిస్తోంది. యూఏఈ, కువైట్‌, దుబాయ్‌, ఖ‌తార్‌, సౌదీ అరేబియా, ఒమ‌న్ స‌హా గ‌ల్ఫ్ దేశాల‌పై డ్రోన్లు, క్షిప‌ణుల‌తో విరుచుకుప‌డుతోంది. తాజాగా ఇరాన్ ప్ర‌యోగించిన డ్రోన్లు దుబాయ్ ఇంట‌ర్నేష‌న‌ల్ ఎయిర్‌పోర్టును తాకాయి (Drones Fall Near Dubai Airport). ఈ ఘ‌ట‌న‌లో భార‌తీయుడు (Indian) స‌హా న‌లుగురు గాయ‌ప‌డ్డారు.

ఇరాన్ ప్ర‌యోగించిన రెండు డ్రోన్లు దుబాయ్ ఇంట‌ర్నేష‌న‌ల్ ఎయిర్‌పోర్టు ప‌రిస‌రాల్లో ప‌డిన‌ట్లు అధికారులు తెలిపారు. ఈ ఘ‌ట‌న‌లో న‌లుగురు గాయ‌ప‌డ్డారు. వారిలో ఒక‌రు భార‌తీయ పౌరుడు కాగా, ఇద్ద‌రు ఘ‌నా జాతీయులు, ఒక‌రు బంగ్లాదేశ్ జాతీయుడ‌ని అక్క‌డి అధికారులు తెలిపారు. భార‌తీయుడికి మాత్రం తీవ్ర గాయాలైన‌ట్లు పేర్కొన్నారు. మిగ‌తా ముగ్గురు స్వ‌ల్ప గాయాల‌తోనే బ‌య‌ట‌ప‌డిన‌ట్లు వెల్ల‌డించారు. వారిని చికిత్స నిమిత్తం ఆసుప‌త్రికి త‌ర‌లించిన‌ట్లు పేర్కొన్నారు. ఈ ఘ‌ట‌న కార‌ణంగా విమాన కార్య‌క‌లాపాల‌కు ఎలాంటి ఆటంకం క‌ల‌గ‌లేద‌ని తెలిపారు. విమానాశ్ర‌యంలో ఎయిర్ ట్రాఫిక్ కార్య‌క‌లాపాలు య‌థావిధిగా కొన‌సాగుత‌న్న‌ట్లు అధికారులు వెల్ల‌డించారు.

Also Read..

ఇక మా నెక్స్ట్ టార్గెట్ యూఎస్ - ఇజ్రాయెల్ బ్యాంకులే.. ఇరాన్ హెచ్చరిక

ఎయిర్ ఇండియా విమానం హార్డ్ ల్యాండింగ్‌.. త‌ప్పిన పెను ప్ర‌మాదం

యుద్ధం ఆప‌క‌పోతే ఆరోగ్య సంక్షోభం త‌లెత్తే ప్ర‌మాదం.. WHO హెచ్చ‌రిక‌..