Tehran airport | టెహ్రాన్ ఎయిర్‌పోర్టు వ‌ద్ద‌ భారీ పేలుళ్లు.. ఎగ‌సిప‌డ్డ మంట‌లు

Tehran airport | ప‌శ్చిమాసియాలో ఉద్రిక్త‌త‌లు తీవ్ర‌త‌ర‌మ‌య్యాయి. ఇరాన్‌పై ఇజ్రాయెల్‌-అమెరికా దాడుల‌ను పెంచింది. టెహ్రాన్‌లోని ప‌లు ప్రాంతాల‌పై క్షిప‌ణులు, డ్రోన్ల‌తో విరుచుకుప‌డుతోంది. తాజాగా టెహ్రాన్‌లోని మెహ్రాబాద్ విమానాశ్ర‌యం (Tehran Airport)పై ఇజ్రాయెల్ (Israel) దాడి చేసింది.

శుక్ర‌వారం రాత్రి స‌మ‌యంలో ఇరాన్ రాజధాని టెహ్రాన్‌లోని పలు ప్రాంతాలను లక్ష్యంగా చేసుకుని ఇజ్రాయెల్ వైమానిక దాడులు చేసింది. ఈ క్ర‌మంలో మెహ్రాబాద్ అంతర్జాతీయ విమానాశ్రయం (Mehrabad International Airport) సమీపంలో భారీ పేలుళ్లు సంభవించాయి. దీంతో అక్క‌డ పెద్ద ఎత్తున మంట‌లు చెల‌రేగాయి. ఇరాన్‌లోనే అత్యంత బిజీ ఎయిర్‌పోర్టు ఇది. ప్ర‌స్తుతం ఉద్రిక్త‌త‌ల నేప‌థ్యంలో ఎయిర్‌పోర్టులో పెద్ద ఎత్తున విమానాలు పార్క్ చేసి ఉన్నారు. ఈ దాడిలో ప‌లు విమానాలు ద‌గ్ధ‌మైన‌ట్లుగా అంత‌ర్జాతీయ మీడియా పేర్కొంటోంది. దాడుల తర్వాత విమానాశ్రయం నుంచి ద‌ట్ట‌మైన పొగ‌లు ఎగ‌సిప‌డ్డాయి. ఇందుకు సంబంధించిన దృశ్యాలు సోష‌ల్ మీడియాలో వైర‌ల్‌గా మారాయి. మ‌రోవైపు టెహ్రాన్‌లోని పలు వ్యూహాత్మక ప్రాంతాలను లక్ష్యంగా చేసుకుని ఇజ్రాయెల్‌-అమెరికా దాడులు చేప‌డుతున్న‌ట్లు అంత‌ర్జాతీయ మీడియా వెల్ల‌డిస్తోంది. మ‌రోవైపు ఇరాక్ బాగ్దాక్ స‌మీపంలోని యూఎస్ రాడార్ స్టేష‌న్‌పై ఇరాన్ దాడిచేసింది. అక్క‌డ కూడా పెద్ద ఎత్తున మంట‌లు చెల‌రేగాయి.

https://x.com/RatedInsights/status/2030076650772394246

Also Read..

Hyderabad | చిల్ అవుదామ‌ని చిల్డ్ బీర్ కొంటే.. ద‌ర్శ‌న‌మిచ్చిన‌ చేప పిల్ల‌

LPG Price Hike | యుద్ధం ఎఫెక్ట్‌!.. భారీగా పెరిగిన వంట గ్యాస్ ధ‌ర‌లు..

Vande Bharat Express | మారిన టైమింగ్స్‌.. కాచిగూడ‌, య‌శ్వంత్‌పూర్ వందే భార‌త్ ఎక్స్‌ప్రెస్ ఆ స్టేష‌న్‌కు ఎప్పుడు వ‌స్తుందంటే?